UPTOWN cAIRO حد يعرف هى فين ؟

[Secret-Man]

انا دخلت موقع شركه إعمار واتفرجت على مشروع ابت تاون كايرو

لقيته وهم فمش عارف اسعارهم ايه ومكانها فين مش باين على الموقع كويس

حد ليه خبره معاهم او زار المشاريع ديه ؟

لان ناوى اخد حاجه كويسه باذن الله هناك

http://www.uptowncairo-egypt.com/uptown

[zangry]

منصحكش تسأل على الاسعار :d

[A.Saad]

المقطم

[Secret-Man]

يعنى هى افضل ولا القطاميه هايتس ولا بيفرلى هيلز اكتوبر ؟

لانى بدور على حاجه فى حدود 2 او 3 مليون مثلا

[amr011111]

فيه مقر ليهم فى شارع البطل احمد عبدالعزيز مع شارع الثوره جنب بنك hsbc

[A.Saad]

بيفرلى بعيد كمكان عن الباقيين
بيفرلى منقسمة جواها كمشروع الى تلات مشروعات
بيفرلى شقق بس بس كمشروع قديم يعنى انشأ من فترة حوالى 10 سنوات
كازا ممكن تلاقى شقة لكن فيلات لا
اليجريا وده اغلاهم وخارج الرنج اللى انت محدده

القطامية هايتس اغلى المشروعات دى كلها واعلاهم مستوى واغلب الوزراء هناك واعتقد برده بره الرنج اللى انت عايزه

[Eng_hatemfathy]

يا حلاوة يا ولاد-ما شاء الله
2 ولا 3 مليون مش كفاية والشقة برا الرينج
امال اللى جوا الرينج يكون فين الزاوية الحمرا ولا القصيرين ولا الضاهر

عمار يا مصر يا بتاعة الامارات واعمار !!!!!!!!!!

[Secret-Man]

منا علشان كده بسال لانى عارف ان الرقم مش كبير على شقه دبلوكس او فيلا صغيره

انا شوفت فى الربوه فيلا عاديه 300 متر ب 7 مليون بس

[الجنرال]

انا رحت اب تاون كايرو ودخلتها .. بصراحة حاجة تحفة بسم الله ما شاء الله والفلل مبنية بشكل تحفة .. زائد انها علشان منطقة عالية فالجو والفيو هناك تحفة ما شاء الله ..

بالنسبة للاسعار فللاسف الفيلا فى اب تاون كايروا (ساعة ما رحت) كانت فى حدود 15 مليون على ما اتذكر (يارب يكون الرقم غلط) .. دلوقتى الله اعلم

مدخلها وانت طالع المقطم .. قبل ما توصل لميدان النافورة او لـ اللفة اللى بتوديك على ميدان النافورة على طول .. في على الشمال مدخل نادي الاعلاميين .. هو ده برضه مدخل اب تاون كايرو .. المشروع واخد مساحة كبيرة ما شاء الله ..

يعيبه حاجة واحدة بس .. وهو ان مدخل المقطم عموما يا اما من الوصلة الجديدة بتاعت الدائري يا اما من المدخل بتاع القلعة .. وطبعا مدخل القلعة هو اللى هوديك على المشروع .. انا معرفش اذا كان فى مداخل تانية ولا لأ

طبعا مش هقولك على الزحام فى الطريق الى القلعة نفسها علشان توصل بيتك

[horeen]

أسأل ع الجار قبل الدار
تعرف مين جيران أب تاون كايروا
تعرف بيعملوا إيه فى الموقع
تعرف الموقع بيعمل جدار زى الجار العازل بتاع إسرائيل
الجيران هم عزبه الحلاليف والدويقه بس
ههههههههههههههههههههههههههههههههههههههه
السعر بتاع 15 مليون شويه على اللى بيحصل هناك
ده مش سمع أنا كنت شغال جنبهم وكنت بشوف العجب

[Eng_hatemfathy]

انا رحت اب تاون كايرو ودخلتها .. بصراحة حاجة تحفة بسم الله ما شاء الله والفلل مبنية بشكل تحفة .. زائد انها علشان منطقة عالية فالجو والفيو هناك تحفة ما شاء الله ..

بالنسبة للاسعار فللاسف الفيلا فى اب تاون كايروا (ساعة ما رحت) كانت فى حدود 15 مليون على ما اتذكر (يارب يكون الرقم غلط) .. دلوقتى الله اعلم

مدخلها وانت طالع المقطم .. قبل ما توصل لميدان النافورة او لـ اللفة اللى بتوديك على ميدان النافورة على طول .. في على الشمال مدخل نادي الاعلاميين .. هو ده برضه مدخل اب تاون كايرو .. المشروع واخد مساحة كبيرة ما شاء الله ..

يعيبه حاجة واحدة بس .. وهو ان مدخل المقطم عموما يا اما من الوصلة الجديدة بتاعت الدائري يا اما من المدخل بتاع القلعة .. وطبعا مدخل القلعة هو اللى هوديك على المشروع .. انا معرفش اذا كان فى مداخل تانية ولا لأ

طبعا مش هقولك على الزحام فى الطريق الى القلعة نفسها علشان توصل بيتك

المقطم ليه اربع مداخل:
المدخل الاول من محور الشهيد وساعتها هتضطر تاخد شارع 9 بالكامل لحد النافورة وتدخل شمال لحد نادى الاعلاميين ومنه يمين لحد اب تاون ام 15 مليون!!!!
المدخل التانى من الدائرى مدخل بنزينة وطنية وهتتطلع من مطلع الاندلس وده هيطلعك فى نص شارع 9 هتلف اليوترن وتدخل شمال لحد ميدان النافورة وتدخل شمال تانى لحد نادى الاعلاميين ومنه يمين لحد اب تاون ام 15 مليون!!!!
المدخل التالت فى الاتوتستراد بعد دائرى المعادى بجوار السلاب وهتوصل لاخر المطلع وبعدين شمال لحد اخره وبعدين يمين صغير هتلاقى مدخل نادى الاعلاميين على ايدك الشمال ادخل فيه لحد اب تاون ام 15 مليون!!!
رابع مدخل هو مدخل القلعة الذى شرحة الزميل باستفاضه لحد اب تاون ام 15 مليون!!!!
معذرة لتكرار الرقم بس بصراحة منقوط منه وخاصة فى مصرنا المهروسة اللى الناس بتعمل مظاهرات فيها علشان بدل وجبة 5 جنيه!!!! وعملوا مظاهرات ضد مرسى علشان الاسعار غالية !!!!