هو ممكن يحصل كدة فى البنك

[dedi]

كنت فى بنك cib وقمت بتحويل فلوس الى حساب وبعد ان انتهى موظف الخزينة قدمت لة ورقة 200 جنية طلبت منة فكها فاعتذر بادب و قال لى لا نغير الى فئات فتعجبت و قلت لة لماذا فارانى ورقة مضمونها ان البنك لا يغير الى فئات , وعندما تعجبت قال لى اصلى بيحصل غلط و البنك سياستة كدة
انا اعرف مدير البنك و ماحبتش اعمل مشكلة على حاجة انا شايف انها موش مستاهلة ولكن اليس ابسط قواعد البنوك انك ممكن تفك عشنا و شوفنا

[iBiZa]

ممكن تفك عادى, ده بيستهبل.

[dedi]

هو ورانى ورقة فى حجم كفة اليد موضوعة على قاعدة خشب مكتوب بها لا تغيير فئات ودة الى انا باتعجب منة معقولة دى سياسة بنك مع عملائة شئ حقا عجيب

[dede_dodo88]

طالما سياسة بنك و معلقين ورقة بكده فخلاص يعني مفيش حاجة تجبره أنه يعمل كده..
و معتقدش أن دي وظيفة البنك أنه يفك فلوس لكن ممكن يعملها بشكل ودي خصوصاً لو حاجة صغيرة زي الـ200 جنيه مثلاً..

[qkash.com]

وهل الموقف ده يستاهل انك تعمله موضوع !!!!!

[mohamed_selim]

عادة فى اوقات الاعياد بيكون فى ضغط على الفكه خصوصا الجديده فبتتعمل الحركه دى

[dedi]

وهل الموقف ده يستاهل انك تعمله موضوع !!!!!

انا حبيت افضفض مع الناس على موقف عجيب من بنك محترم
ولو الموضوع موش عاجبك حضرتك كنت فى غنى عن قرائتة او التعليق علية وبعدين هو موضوع فى الاجتماعى

[salodas]

صلو على النبى يا رجالة ... مش هنخسر بعض عشان ورقة ب 200 جنيه .... عموما يعم ممكن تجيبها لأخر الشهر وافكهالك ..... هههههههههههههههه

مش عاوزين قفش

[mk3]

حضرتك اما بتعمل ايداع بيصنف الورق 50 ورقه ب 200 و100 ورقه ب 10 وهكذا....فاخر يوم يبقى معاه 1000 ورقه 200 و 5000 ورقه 10 وهكذا....حصل خطأ فى 300 جنيه ساعتها يقدر يحدد فى اى فئه ناقصه وده يسهل البحث

[أبو آسر]

طيب بخصوص الموضوع ده
هل من حقي إني أدي للبنك ورقة قديمة مبهدلة وطالع عين اللي خلفوها ويديني واحدة تاني مكانها ولا ده مش من حقي ؟
ولو مش من حقي أمال لو واحد فجأة لقى معاه كام ورقة فئات كبيرة ومحدش راضي ياخدهم منه يعمل فيهم ايه ؟

[mmans]

حصل معايا موقف غريب جدا ومش عارف اعمل ايه
كنت فى البنك من يومين بحط فلوس .. موظفة البنك بعد ما عدت الفلوس بتقولى المبلغ كام قولتلها كذا .. قالتلى لا دول كذا ( زيادة 5 الاف ) قولتلها لا انا متاكد ان الفلوس كذا قالتلى لا و عدتهم تانى مرتين مرة على ايدها و مرة على المكنة و فعلا فى زيادة 5 الاف مش عارف لحد دلوقتى طلعو منين .. انا متاكد ان انا عادد مظبوط ... بس المهم خفت اقولها دول مش بتوعى تقوم الموظفة ضرباهم فى جيبها .... حد عندو تفسير ال5000 دول جم منين ؟؟؟؟؟

[alaa74]

طيب بخصوص الموضوع ده
هل من حقي إني أدي للبنك ورقة قديمة مبهدلة وطالع عين اللي خلفوها ويديني واحدة تاني مكانها ولا ده مش من حقي ؟
ولو مش من حقي أمال لو واحد فجأة لقى معاه كام ورقة فئات كبيرة ومحدش راضي ياخدهم منه يعمل فيهم ايه ؟

غالبا اى بنك مش هيرضى يبدل العملات القديمه أو المقطوعة بجديده
الا لو تعرف حد فى البنك ده .
لكن من حقك تغير اى عمله قديمه أو حتى مقطوعة من البنك المركزى المصرى
ومكانه فى وسط البلد .

[alaa74]

حصل معايا موقف غريب جدا ومش عارف اعمل ايه
كنت فى البنك من يومين بحط فلوس .. موظفة البنك بعد ما عدت الفلوس بتقولى المبلغ كام قولتلها كذا .. قالتلى لا دول كذا ( زيادة 5 الاف ) قولتلها لا انا متاكد ان الفلوس كذا قالتلى لا و عدتهم تانى مرتين مرة على ايدها و مرة على المكنة و فعلا فى زيادة 5 الاف مش عارف لحد دلوقتى طلعو منين .. انا متاكد ان انا عادد مظبوط ... بس المهم خفت اقولها دول مش بتوعى تقوم الموظفة ضرباهم فى جيبها .... حد عندو تفسير ال5000 دول جم منين ؟؟؟؟؟

المفروض انك طالما متأكد من مبلغ الايداع الخاص بك كنت نبهت الموظفة
ان ال5000 جنيه مش بتوعك وموضوع انك خفت انها تاخدهم لنفسها
أعتقد ده صعب لان الخزينة فى اى بنك بتعمل لها جرد يومى وفى حاله وجود اى عجز
بيراجعوا كافه عمليات السحب والايداع وفى احيان كثيره بيكلموا العملاء اللى سحبوا فلوس
للتأكد من المبلغ اللى استلموه .

أنا شايف انك مشكورا لازم تروح البنك وتقابل مدير الخزينة أو مدير الفرع وتحكى الواقعه
وغالبا هتلاقى المبلغ ده بتاع اى حد لان الفلوس مش هتزيد لوحدها .
ورأيى انك تسحب ال5000 جنيه من حسابك وتسلمهم للبنك إبراء لذمتك ،

[mmans]

المفروض انك طالما متأكد من مبلغ الايداع الخاص بك كنت نبهت الموظفة
ان ال5000 جنيه مش بتوعك وموضوع انك خفت انها تاخدهم لنفسها
أعتقد ده صعب لان الخزينة فى اى بنك بتعمل لها جرد يومى وفى حاله وجود اى عجز
بيراجعوا كافه عمليات السحب والايداع وفى احيان كثيره بيكلموا العملاء اللى سحبوا فلوس
للتأكد من المبلغ اللى استلموه .

أنا شايف انك مشكورا لازم تروح البنك وتقابل مدير الخزينة أو مدير الفرع وتحكى الواقعه
وغالبا هتلاقى المبلغ ده بتاع اى حد لان الفلوس مش هتزيد لوحدها .
ورأيى انك تسحب ال5000 جنيه من حسابك وتسلمهم للبنك إبراء لذمتك ،

انا بردو فكرت انهم ممكن يلاقو عجز و يكلمونى لان الموظفة قالتلى هنشوف فى اخر اليوم لو فى عجز عندنا هنكلمك و استنيت طول اليوم و محدش اتكلم .. الى خلانى مسبش الفلوس الزيادة بردو قلت لنفسى احتمال اكون غلط و حطيت 5 الاف زيادة على المبلغ الى وديتو البنك لكن لما رجعت البيت اتاكدت من الفلوس الموجودة فى بيتى و فعلا 5 الاف زيادة .. بردو خفت الموظفة تشوفى مصمم ان ال5 تلاف مش بتوعى تقوم قايلالى اه دول بتوع عميل تانى و تضربهم فى جيبها
مش عارف اعمل ايه

[alaa74]

انا بردو فكرت انهم ممكن يلاقو عجز و يكلمونى لان الموظفة قالتلى هنشوف فى اخر اليوم لو فى عجز عندنا هنكلمك و استنيت طول اليوم و محدش اتكلم .. الى خلانى مسبش الفلوس الزيادة بردو قلت لنفسى احتمال اكون غلط و حطيت 5 الاف زيادة على المبلغ الى وديتو البنك لكن لما رجعت البيت اتاكدت من الفلوس الموجودة فى بيتى و فعلا 5 الاف زيادة .. بردو خفت الموظفة تشوفى مصمم ان ال5 تلاف مش بتوعى تقوم قايلالى اه دول بتوع عميل تانى و تضربهم فى جيبها
مش عارف اعمل ايه

الصح زى ما قلت لك ف المشاركه اللى فاتت إنك تروح البنك بنفسك وتتاكد من الموضوع
وفى جميع الأحوال لازم ترجعلهم ال5000 جنيه لأنهم مش بتوعك وهم بقى يتاكدوا بمعرفتهم
لأن دى مش فلوسك وأنا شايف إنك حريص على معرفه الحقيقه وإنك تريح ضميرك .
نصيحتى روح البنك وافهم الحكايه واسحب الفلوس من حسابكم وسلمها لمدير الفرع
وهو اللى عليه الإثم لو أخدهم لنفسه وده فى حاله إن صاحبهم الأصلى مسألش عليهم .

فى جميع الأحوال لازم تسلم الفلوس للبنك .
تقبل تحياتى