فطارك اية الصبح ؟

[mohamed -moham]

السلام عليكم
موضوع خفيف كدة علي الماشي

ياتري بتطفر اية علي الصبح اول ما تصحي من النوم
انا عن نفسي فطاري خفيف ودة لان عندي قولون
وهو باتية بالجنية مع شاي باللين واساندوتش مربي
وبعد كدة 4 ساعات باكل الغذاء او لما ارجع من اشلغل
وانتوا بقي ياتري كل واحد بيفطر اية الصيح

[s0144862631]

فول و طعميه

[prof2013]

انا بفطر ببسكوته اولكر ودا لاني مش بيبقى جايلي نفس للفطار عموما فدي بتبقى تغيير ريق بس لحد الغداء

[eng wael]

اهم وجبه وجبه الفطار
ساندوتش جبنه فيتا وجبنه شيدر او رومى وواحد مربى او عجوة ده اليوم العادى
يوم الجمعه فوووووووووووووووووول

[gebreel]

فول او بيض و جبنة و عصير مع شاي بلبن او نسكافيه

[dedi]

بسكوتة و نسكافية

[besso]

لو موارييش حاجه وصاحى براحتى كوبايه اللبن مع بسكوت او فينو وشويه افطر بجد بقى فوق وطعميه ا اى حاجه تيجى على بالى او المتوفر فى التلاجه لو مافيش حد فى البيت واديها بس بتبقى حسب مزاجى ساعتها
لو صاحى كالعاده رايح الكليه او الشغل لو لاقيت لبن اعمل كوبايه اشرب نصها وامشى او اعمل شاى واكل معاه بسكوت
بتيجى ايام اكون مستعجل ما بافطرش خالص
كله خفيف خفيف يوم الجمعه طبعا بيبقى فول وطعميه ده شىء اساسى

[lidosasa]

أنا بفطر فى الشغل وبيكون سندويتش واحد فول وواحد طعمية وكوباية شاى فتلة مع شوية شاى أخضر
أما بقى فى الأجازات الجمعه والسبت بيكون بيض وجبنة فيتا وجبنة رومى وفنجان قهوة بعد الفطار

[saddam]

صديقي المواطن
رغم إني من ذوي اﻷوزان الثقيلة ولكن أنا مبحبش الفطار من صغري ومقدرش أزيد عن وجبتين في اليوم ولو أكلت 3 وجبات لمدة أسبوعين صحتي حتتدهور والجهاز الهضمي حيبيع القضيه ولو صحيت من النوم مقدرش آكل بتاتا من ساعتين وحتى 6 ساعات أتغدى على طول ولكن لو نزلت الشارع وبشد في العربيات ممكن لو لقيت أي حاجة آكلها وأنا بكون مستني حاجة وممكن تفاحة الصبح مع نص.كباية مياه ولكن عمري مقول كلمة جعان ولو إظطريت أعيش عالمياه لمدة يومين مشتكيش وأقول جعان وسط الرجالة بحس الراجل لو هو قائد في شركته أو عمله عيب عليه يقول جعان ولازم يستحمل وياكل في أي وقت وأكتر وجبه بقدسها هي العشاء حتى لو كان ده غلط ولكن العشاء ده حاجة عظمة وتجربة ممتعة
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[RAPID]

مش بفطر
ولو فطرت يبقى يوم مش معدى كسل وخمول بشكل رهيب ورغبة شديدة فى النوم
على عكس كل الكلام ان الفطار بينشط انا بيخلينى مهنج وعايز انام !!

[hugan]

انا بفطر ببسكوته اولكر ودا لاني مش بيبقى جايلي نفس للفطار عموما فدي بتبقى تغيير ريق بس لحد الغداء

هو ايه البسكويت الاولكر

انا بافطر اللي يتبقي من ساندوتشات العيال وهما رايحين المدرسه

[aldesha989]

قهوه وسجاير :\

[mesaharaty]

فول وطعمية شغال
فول بس شغال
جبنة وفول شغال
جبنة وطعمية شغال
بيض وفول شغال
بيض وطعمية شغال
يبقى العامل المشترك الأكبر إيه يا شطااااااار ؟؟

[prof2013]

فول وطعمية شغال
فول بس شغال
جبنة وفول شغال
جبنة وطعمية شغال
بيض وفول شغال
بيض وطعمية شغال
يبقى العامل المشترك الأكبر إيه يا شطااااااار ؟؟

ههههههههه فووووووووول

[ahmedteam]

باخد معايا سندوتشات الشغل علشان بتعب من اكل الشارع

جبنه رومى - بيض اومليت - مربى او حلاوه

و طبعا الشاى و النسكافيه بعد الفطار

الفطار مهم جدا و اليوم اللى مبفطرش فيه بيبقى متلخبط و مش مركز فيه

الجمعه طبعا الفطار الرسمى للشعب المصرى الفول و الطعميه