استفسار فى تكلفه بناء برج 11 دور

[mk3]

استفسار
الرجاء معرفه تكلفه هدم بيت قديم دورين وبناء برج 11 دور شامل تكلفه كل شئ (هدم-بناء-اساسيات سباكه للبرج-اساسيات كهرباء للبرج -تشطيب ......الخ) البرج على مساحه الارض 250 متر.

السبب: البيت القديم بتاعنا معروض المشاركه بالبناء من طرف احد المقاولين وعايز اعرف البناء النهارده يساوى كام عشان اعرف اخد منه كام غير الشقق

محلوظه: فى الغالب سيكون البناء تجارى (يعنى بنا سوهاجية)

[mmolazem]

أولاً السؤال غير واضح . . .

و لحساب تكلفة هذا المشروع
فالأمر يحتاج الى مقاول أو مهندس متخصص و متمرس .
و سيتطلب كذلك المزيد من التفاصيل التى سيتم على أساسها الحسابات .

عموماً تكلفة عملية الهدم ونقل المخلفات هى الأبسط فى الموضوع كله و لن تتعدى آلاف معدودة
و لكن مبنى على مساحة صافى 250 متر و إرتفاع 11 دور مع التشطيب ستكون تكلفته حوالى 3 الى 3.5 مليون ( تقديرياً ) .

سعر بيع الشقة يعتمد على عوامل كثيره منها : المنطقة - الموقع - المساحة - نوع التشطيب - . . . . وهكذا .

تحياتى .

[mostafa3000]

التكلفة للمباني كالتالي
مساحة الدور مضروب في عدد الأدوار مضروبا في ٧٥٠ جنية
تقريبا الرقم الفعلي هيكون قريب منة
واي استفسار تحت امرك
م ا مصطفي حسين

[mk3]

التكلفة للمباني كالتالي
مساحة الدور مضروب في عدد الأدوار مضروبا في ٧٥٠ جنية
تقريبا الرقم الفعلي هيكون قريب منة
واي استفسار تحت امرك
م ا مصطفي حسين

يعنى 11*250*750
ب 2 مليون وشويه فكه
معنى كده ان البناء ولا حاجه امام الارض

[Eng_hatemfathy]

تمام كده زى المهدس مصطفى ما قال بس لو فى مكان جديد قد يصل السعر لالف جنيه للمتر والتشطيب برده تحسب من 850 الى الف جنيه للمتر المربع
اما الهدم والنقل فهيخش تقريبا فى 25 الف جنيه لغاية 40 الف حسب قرب المكان او بعده عن مقالب المحافظة

[mk3]

تمام كده زى المهدس مصطفى ما قال بس لو فى مكان جديد قد يصل السعر لالف جنيه للمتر والتشطيب برده تحسب من 850 الى الف جنيه للمتر المربع
اما الهدم والنقل فهيخش تقريبا فى 25 الف جنيه لغاية 40 الف حسب قرب المكان او بعده عن مقالب المحافظة

750 او 1000 هل شامل الاساس؟

[mohamed_selim]

اخبار التراخيص ايه؟

[محمد بلال]

متابع

[Eng_hatemfathy]

750 او 1000 هل شامل الاساس؟

السعر ده بيكون شامل الخرسانات كلها لان الاساسات سعرها بيتوزع على كل الادوار

[mk3]

السعر ده بيكون شامل الخرسانات كلها لان الاساسات سعرها بيتوزع على كل الادوار

ماشاء لله....المعمار بيكسب كويس جدا
ربنا يبارك للبنائين ويهدى السوهاجيه ويبنوا بضمير شويه

[Eng_hatemfathy]

ماشاء لله....المعمار بيكسب كويس جدا
ربنا يبارك للبنائين ويهدى السوهاجيه ويبنوا بضمير شويه

حضرتك المفروض المكسب بيكون من 20 الى 25 % ده فى ظروف البيع الطبيعى لكن من سنتين تلاته البيع مش حلو خالص وبالتالى فلوسك بتتركن ودايما اللى شغال فى المقاولات بيبقى عايز يفتح بيته ومصاريف ولاده من الارباح او بمعنى اصح من جزء من الارباح علشان يدخل الباقى فى شغله جديده ولكن للاسف دلوقتى وانا شايفها فى اعز صاحب ليا انه بيصرف على بيته من راس المال لان البيع سىء جدا ولازم غصب هنه يحط الاقساط بتاعة اللى اتباع فى مشروع جديد وميقفش لانه لو وقف راس ماله بيتاكل فغضب عنه لازم يشارك فى مشروع جديد وهكذا وطبعا البيع نايم جدا بالرغم من ارتفاع الاسعار حوالى 300 جنيه للمتر علشان ارتفاع المصنعيات والحديد والاسمنت

ربنا يوسع ارزاق الجميع ومحدش يحكم بالظاهر لان التفاصيل كتير بتكون مؤلمة

[mk3]

حضرتك المفروض المكسب بيكون من 20 الى 25 % ده فى ظروف البيع الطبيعى لكن من سنتين تلاته البيع مش حلو خالص وبالتالى فلوسك بتتركن ودايما اللى شغال فى المقاولات بيبقى عايز يفتح بيته ومصاريف ولاده من الارباح او بمعنى اصح من جزء من الارباح علشان يدخل الباقى فى شغله جديده ولكن للاسف دلوقتى وانا شايفها فى اعز صاحب ليا انه بيصرف على بيته من راس المال لان البيع سىء جدا ولازم غصب هنه يحط الاقساط بتاعة اللى اتباع فى مشروع جديد وميقفش لانه لو وقف راس ماله بيتاكل فغضب عنه لازم يشارك فى مشروع جديد وهكذا وطبعا البيع نايم جدا بالرغم من ارتفاع الاسعار حوالى 300 جنيه للمتر علشان ارتفاع المصنعيات والحديد والاسمنت

ربنا يوسع ارزاق الجميع ومحدش يحكم بالظاهر لان التفاصيل كتير بتكون مؤلمة

نتفق اولا واخيرا انها ارزاق
وبعدين خد مكان مميز والشقق هتتباع هوا
مثال لتاجر سوهاجى
مش بياخد اراضى الا بحرى+ناصيه او شبه ناصيه+شقق جميع المساحات بمختلف الاسعار+قسط+مسوى حالته مع الكهرباء+وبانى فى كذا مكان= نجاح بإذن لله

[i_Am_Legend]

ربنا يوففك :-)