شهاده الاعفاء من الجيش منين بالظبط

[ahmad--ezzat]

السلام عليكم....
يارجاله هو مكان الهيكستب اتغير بقي عند كوبري التجنيد ولا انا متهيالي!!! لاني بشوف ناس كتير جدا بتقف عند كوبري التجنيد تقريبا بتخلص اجرائات عسكرية....وفنفس الوقت الهايكستب شالو البارك بتاع العربيات وتحس انه مش شغال ومهجور

دلوقتي والدي تم ال 60 وناوي اطلع الاعفاء النهائي بدل الموقته
ف مش عارف اطلع علي الهيكستب ولا المكان اتغير

[moudy88]

السلام عليكم....
يارجاله هو مكان الهيكستب اتغير بقي عند كوبري التجنيد ولا انا متهيالي!!! لاني بشوف ناس كتير جدا بتقف عند كوبري التجنيد تقريبا بتخلص اجرائات عسكرية....وفنفس الوقت الهايكستب شالو البارك بتاع العربيات وتحس انه مش شغال ومهجور

دلوقتي والدي تم ال 60 وناوي اطلع الاعفاء النهائي بدل الموقته
ف مش عارف اطلع علي الهيكستب ولا المكان اتغير

هتلاقي النزله بتاعته من على محور سعد الدين الشاذلي قبل نزلت العبور على طول

[AboELsoud]

اعتقد لسه مكانه زي ماهوه
اهم حاجه لو والدك معدي الستين انك تكون الكبير عشان ان شاء الله تاخد الاعفاء

[ahmad--ezzat]

هتلاقي النزله بتاعته من على محور سعد الدين الشاذلي قبل نزلت العبور على طول

مش فاهم!! يعني قصدك المكان هو هو

[moudy88]

مش فاهم!! يعني قصدك المكان هو هو

اه بس غيرو المدخل ..بقى ليه مدخل تاني من فوق المحور

[abouzaid555]

ربنا يوفقك يا صديقى بس خد بال حضرتك قبل ما تقدم الورق شوف التعليمات الجديدة ايه عشان ممكن تلبس لان فى حاجات كتير اتغيرت بعد 25 يناير مش بخوفك بس حرس برده

[casperinoo]

انا بطلعها من الهايكستب .
.لو هتيجي من طريق مصر الاسماعيليه ..قبل نزلة الكوبري اللي جي من سعد الشاذلي هتخش يمين في فتحه تحت الكوبري ..

او لو جي من الدائري هتنزل سعد الشاذلي وقبل ماتوصل طريق الاسماعيليه هتلاقي يافطه صغيره مكتوب عليها منطقة تجنيد القاهره هتنزل يمين هتلاقيها في وشك

[BUNSH]

بالنسبة لصاحب الموضوع ,, ربنا يعينك وتستلمها على خير .

وسؤال بعد اذنكــــوا : أنا كنت اخدت اعفـاء وقولولى تعالا بعد اسبوعين استلم الشهادة وبصراحة سافرت مع الشغل وحصلى كذا ظرف ومن ساعتها مروحتش تانى فالتأخير دة فى مشكلة ولا عادى ؟!