Tweet
الحمد لله على كل حال...اصبت بالانزلاق الغضروفى من اربع اشهر ورحت عند دكاتره كتير واخدت علاج كتير بس للاسف مفيش تحسن وناس حذرتنى من عمليه الغضروف ... هو بين الفقره الرابعه والخامسه ..ناس نصحتنى بالعلاج الطبيعى ورشحولى مركز فى اسكندريه بتاع دكتور اسمه وليد البهنساوى.....فهل فعلا العلاج الطبيعى مفيد...وهل حد يعرف المركز ده....وشكرا لكم
-
-
شوف يا اخي هنصحك نصيحه قالهالي واحد صاحبي مر بالموضوع دا
اولا: ابعد عن عمليات الانزلقات الغضروفي
ثانيا: وده المهم
صاحبي دا ليه واحد قريبة كان عنده نفس المشكلة وكان مش بيقدر يتحرك من مكانة ولف علي كل الاطباء والكل بينصحة بعملية وهو رافض
لحد ما صديقي دل قريبة علي رجل بيعالج الانزلاق بحتتة خشبة .. ايوة زي ما بقلك
المهم صاحبي قالي احنا خادنا قريبي ورحنا للحج دا وسألة علي بعض الحجات واتاكد منه انه معملش اي عمليات في ظهره قبل كدا
وبعد كدا نيمة علي ظهره وبدأ يعمل علاجة الي بـ ( الخشبة ) وسبحان الله الراجل الي كان مسندينوا بعد حوالي ربع ساعة بظبط بقى زي الفل
الراجل قلة اقف وقف لواحدة وطي وطى اركع اسجد بقى كانة بيدلع وقام روح علي رجلية ومن ساعاتها زي الفل والتكلفة 300 جـ فقط
طبعا تفاصيل الموضوع دا صاحبي حكهالي هي حاجة كدا خيال بس ممكن تدخل العقل وقالي ان في دكاترة كتير بيبعتوا ليه مرضى
لو حابب انا ممكن اجبلك تليفونة وسأل الاول وشوف
[frame="7 80"][B]قـال الإمـامـ أبـن القيــمــ : " النــــاس أهــل قشــر ظــاهــر ليســـوا بـأهــل معـــان "[/B][/frame] -
-
كل دا تحسن مؤقت ومجرد ما صاحبك يعمل حركه عنيفه هيرجع تانيالمشاركة الأصلية كتبت بواسطة mohammedgido مشاهدة المشاركة
افضل حل هو دكتور علاج طبيعي شاطر وتواظب معاه وباذن الله هتتحسن كتيرولو اجتمعوا على ان يضروك بشيء لن يضروك الا بشيء قد كتبه الله لكComment
-
مش مقتنع باللى بيعالجو بالخشبه دول العلاج الطبى افضلComment
-
السلام عليكم
الانزلاق الغضروفى المزمن مالوش علاج غير التدخل الجراحى ولا ادويه ولا علاج طبيعى الاتنين مجرد مخدر مؤقت ليس الا وهتتعب معدتك من كتر العلاج ومفيش تحسن لازم تعمل اشاعه رنين حديثه وتروح لدكتور محترم وحد مجربه فى العمليه دى قبل كده ومتنجرفش ورا اى حاجه غير التدخل الجراحى لو الغضروف مزمن ومأثر عليك فى الحركه غير كده استحمل وامرك لله لو الالم خفيف ودا لينك لتجربتى مع الغضروف
Comment
-
اياك والجراحة والد عملها وفشلت بنسبة 100 % .
موضوع الخشبة ( الجريدة ) مظبوط والدتي اتعالجت عن طريقه كان عندها مشكلة في الرقبة وحتعمل جلسات عنده حوالي 4 جلسات وحتبقي زي الفل ان شاء الله بس الجلسة متعبة شوية ومؤلمة بس وجع ساعة ولا كل ساعة .
عنوانه : ساقية ابوشعرة - سنتريس - مركز اشمون - المنوفية
للأسف انا مش فاكر اسم الراجل بس هو مشهور جدا في قريته ولازم تروحله الصح بدري الساعة 9Comment
-
-
بص يا أخي الكريم
أنا حمايا كان عنده عرق النسا ومكنش بيقدر يقعد ولا يتحرك ولا يصلي وكان عنده آلام رهيبة ولف على دكاترة كتير ووديته بنفسي المنصورة وكل ده مجابش نتيجة
راح مركز من مراكز العلاج بجهاز السيراجيم CERAGEM بيدوا جلسات مجانية دعاية للجهاز وما شاء الله بدأ يتحرك كويس ويمشي وبعدين اشترى الجهاز ده الأوتوماتيك بتاعه ب14 ألف جنيه وبسم الله ما شاء الله دلوقتي بيجري بدون مبالغة
الجهاز ده باختصار جهاز كوري فيه أحجار كريمة بتطلع أشعة تحت حمراء وظيفتها تظبيط العمود الفقري اللي أعصاب الجسم كلها مرتبطة بيه وطالما ظبطت أعصاب الجسم يبقى كده عالجت أمراض كتير جدا سببها الخلل في الأعصاب دي زائد إنك بتظبط فقرات العمود الفقري وبترجع كل فقرة مكانها فبالتالي انسى الغضروف وانسى أي مشاكل في العمود الفقري
أنا عادة مش بصدق كل الناس أو الأجهزة اللي بتعتمد على العلاج الطبيعي أو الأعشاب والكلام ده لأن معظم الحاجات دي بتبقى نصب لكن أنا شفت بعنيا محدش قالي حمايا كان عامل ازاي وبقى ازاي وحمايا مش هيشتري جهاز ب14 ألف جنيه إلا لو كان متأكد 100% إنه مفيد فعلا
المهم عشان مطولش عليك ومتفتكرنيش بعمل دعاية للجهاز ده على أساس إنه من بقيت أهلي :) جرب كام جلسة كده في مركز من المراكز اللي بتعالج بالجهاز ده ولو محسيتش بتحسن يبقى أنا راجل مبفهمش حاجة وعلى فكرة الجلسات مجانية 100% يعني مش هتخسر حاجة غير وقت الجلسة اللي هو 38 دقيقة
شوف الموضوع ده هيفيدك زائد إن فيه عناوين المراكز دي
[SIZE="4"][COLOR="Blue"][FONT="Century Gothic"]Freelancer Web Designer & E-marketer[/FONT][/COLOR][/SIZE]
[SIZE="5"] ( --- [COLOR="Green"][URL="http://www.nilemotors.net/Nile/search.php?do=finduser&u=129815&starteronly=1"]جــمــيــــع مــوضــوعـــاتـي[/URL][/COLOR] --- )[/SIZE]
[SIGPIC][/SIGPIC]Comment
-
فيه معالج بالخشبه في اسكندريه لو انت اسكندراني
اسمه الحاج محمد يوسف ومكانه في شارع جمال عبد الناصر
قريب من جزار مشهور بس انا مش فاكر تفاصيل العنوان بالظبط
وهو بيروح يومين بس في الاسبوع
وفيه ناس اعرفهم شخصيا ليهم تجارب ناجحه مع الموضوع ده منهم واحد كان حاجز للعمليه فعلا بس راح وقال يا صابت يا خابت
وطلع علي رجله والحمد لله
يا يكون عندك قناعه بالموضوع وتروح تجرب من غير ما تستفسر كتير لان ناس كتير حتقولك دا نصب واشتغالات ولازم عمليه
عمليه بعمليه ووجع بوجع وروح جرب مش حتخسر حاجه[CENTER]
[URL="http://www.nilemotors.net/Nile/320037-a.html"]اسهل واسرع طريقه لتصغير حجم اي عدد من الصور باسرع وقت لرفعهم علي المنتدي[/URL][/B]
[/CENTER]
[B][SIZE=4] لا تحزن إذا فاتك قطار الزواج، فلأن يفوتك القطار خير من أن يدهسك..
---------------------------------
[/SIZE][/B][CENTER]
[/CENTER]Comment
-
ما شاء الله ، انا دخلت وشوفت العناوين ومهتم بالموضوع بس عندى كذا استفسار في الاول بعد اذنكبص يا أخي الكريم
أنا حمايا كان عنده عرق النسا ومكنش بيقدر يقعد ولا يتحرك ولا يصلي وكان عنده آلام رهيبة ولف على دكاترة كتير ووديته بنفسي المنصورة وكل ده مجابش نتيجة
راح مركز من مراكز العلاج بجهاز السيراجيم ceragem بيدوا جلسات مجانية دعاية للجهاز وما شاء الله بدأ يتحرك كويس ويمشي وبعدين اشترى الجهاز ده الأوتوماتيك بتاعه ب14 ألف جنيه وبسم الله ما شاء الله دلوقتي بيجري بدون مبالغة
اضغط هنا لمشاهدة الصورة بالحجم الطبيعي.
الجهاز ده باختصار جهاز كوري فيه أحجار كريمة بتطلع أشعة تحت حمراء وظيفتها تظبيط العمود الفقري اللي أعصاب الجسم كلها مرتبطة بيه وطالما ظبطت أعصاب الجسم يبقى كده عالجت أمراض كتير جدا سببها الخلل في الأعصاب دي زائد إنك بتظبط فقرات العمود الفقري وبترجع كل فقرة مكانها فبالتالي انسى الغضروف وانسى أي مشاكل في العمود الفقري
أنا عادة مش بصدق كل الناس أو الأجهزة اللي بتعتمد على العلاج الطبيعي أو الأعشاب والكلام ده لأن معظم الحاجات دي بتبقى نصب لكن أنا شفت بعنيا محدش قالي حمايا كان عامل ازاي وبقى ازاي وحمايا مش هيشتري جهاز ب14 ألف جنيه إلا لو كان متأكد 100% إنه مفيد فعلا
المهم عشان مطولش عليك ومتفتكرنيش بعمل دعاية للجهاز ده على أساس إنه من بقيت أهلي :) جرب كام جلسة كده في مركز من المراكز اللي بتعالج بالجهاز ده ولو محسيتش بتحسن يبقى أنا راجل مبفهمش حاجة وعلى فكرة الجلسات مجانية 100% يعني مش هتخسر حاجة غير وقت الجلسة اللي هو 38 دقيقة
شوف الموضوع ده هيفيدك زائد إن فيه عناوين المراكز دي
-حما حضرتك اتحسن بعد كام جلسة تقريبا ، وهل خف تماما تماما ولا لا ؟
-هل العلاج يتطلب الاستمرارية ولا بعد كذا جلسة بتخف نهائيا ومش بتحتاجه ؟
- هل معنى ان حماك اشترى الجهاز ان الجلسات ما بتنتهيش ولازم يستمر عليها ، ولا انا فاهم غلط ، وليه اشترى الجهاز لما الجلسات مجانية ؟
معلش لو هتعبك بس والله انت متعرفش هدعيلك قد ايه لو اللى في بالى حصل :)Comment
-
ربنا يشفيك ويعافيك ان شاء الله
انا بالصدفه البحته زوجتى بتتعالج بقاله سنتين نقريبا ومفيش حاجه نافعه معاها خالص وانا ماشى مع دكاتره مخ واعصاب ومن كثره الادويه حصل لها مضاعفات الدكتور حولنى على دكتور تانى اول مره اسمع عن التخصص ده
وهو علاج الالم !
رحت للدكتور من اسبوع فى المنصوره ماشاء الله تقريبا كل اللى عنده اغلبهم انزلاق غضروفى وعمود فقرى
بيعالج بدون تدخل جراحى او بجراحه بسيطه والمرضى بيشكرو فيه جدا
علشان تاخد فكره انا لسه كنت فى الصفحه بتاعته على الفيس ادخل كده وشوف علاج الالم نظامه ايه عنده
[SIGPIC][/SIGPIC]Comment
-
بص يا باش انا بعمل في مجال الانزلاق الغضروفي فيه كتير و قولك على اللي بشوفه فيه نوعين نوع بتحسن بالعلاج الطبيعي و نوع تاني لازم تدخل جراحي و الجراحه خد بالك مش دايما ناجحه ياتعلجك و تشفيك او تفضل زي ما انت و العلاج اللي بالخشبه انا مش مقتنع بيه لانها فعلا مسكنات. انا كان عندي التهاب في القطنيه و اتعالجت منه بس بدأ يرجع على خفيف لان الدكتور شرط عليا الراحه و ده مش متاح في شغلي و الدكتور ده في القاهره بيشتغل في مستشفى الشرطه و عيادته في المعادي لو ينسبك ممكن ابعتلك عنوانه واسمه على الخاص.... ربنا يشفيك و يشفينا ومرضانا كلهم امين واعزرني انا مش دكتور ولكن رأيي من وحي رجل شارع عاديComment
-
بالعكس يا أخي الحبيب أنا تحت أمركالمشاركة الأصلية كتبت بواسطة amrelsaqqa مشاهدة المشاركة
بص موضوع هو بيخفف نهائيا أو مؤقتا ده مقدرش أفتيلك فيه لأن حمايا لحد دلوقتي الحمد لله كويس جدا لكن لو بذل مجهود غير طبيعي أو عمل حركات خاطئة ممكن يرجعله الوجع تاني بس مش زي الأول طبعا ولما بياخد الجلسات بيرجع يتحسن لكن هو لحد دلوقتي بقاله سنة تقريبا أو أكتر صحته ممتازة الحمد لله مع العلم إنك ممكن تعمل العملية الجراحية والوجع يرجع تاني فمفيش حاجة مؤكدة بتشفي تماما بنسبة 100% كلها أسباب ممكن واحد يخف نهائيا وواحد تاني يخف مؤقتا ويرجعله الألم تاني وأنا عن نفسي عندي البواسير بقالها حوالي 4 سنين ومتعايش معاها باخد مراهم لما الألم بيجيلي والمراهم بتسكن الألم وومكن أقعد شهرين وتلاتة بدون أي ألم وممكن الألم يرجعلي تاني يقعد يوم ويومين لكن برجع أتحسن تاني والحمد لله لا عملية ولا أي حاجة
بالنسبة لعدد الجلسات فدي تقريبا برده حسب حالتك لكن انت بمجرد ما بتاخد خمس ست جلسات بتبدأ تحس بتحسن وغالبا الكورس بيبقى 15 ساعة يعني تقريبا 30 جلسة لو خدت كل يوم جلستين واحدة الصبح وواحدة بالليل إن شاء الله خلال أسبوعين هتبقى زي الحصان
العلاج لا يتطلب الاستمرارية إلا لو حسيت بتعب تاني لو عملت مجهود زيادة أو قمت بحركة خاطئة وحمايا اشترى الجهاز علشان يكمل عليه الجلسات لأنه مقيم بمدينة بدر والمشوار كان بعيد عليه ومكنش يقدر يروح المشوار ده كل يوم زائد علشان يفيد بيه باقي الأسرة أو أي حد مريض يعرفه لأن الجهاز بيشتغل مساج للضهر برده وبيعالج من حاجات تانية كتير غير آلام الضهر فهو جابه للنفع العام يعني لأي حد محتاج وفي نفس الوقت لو الألم رجعله يبقى الجهاز تحت إيده بدل ما يروح المشوار ده كله
زي ما قلتلك جرب المراكز المجانية دي الأول وخدلك كام جلسة لو حسيت بتحسن وتقدر تشتريه فمش هيضرك في شيء أبدأ بالعكس ده هيقيك من أمراض كتير وهيعالجك من أمراض كتير بإذن الله لو مش عايز تشتريه مفيش مشكلة برده هتروح أي مركز من دول تاخد الجلسات كل ما تحتاجها وربنا هو الشافي ومتنساش تدعيلي :)[SIZE="4"][COLOR="Blue"][FONT="Century Gothic"]Freelancer Web Designer & E-marketer[/FONT][/COLOR][/SIZE]
[SIZE="5"] ( --- [COLOR="Green"][URL="http://www.nilemotors.net/Nile/search.php?do=finduser&u=129815&starteronly=1"]جــمــيــــع مــوضــوعـــاتـي[/URL][/COLOR] --- )[/SIZE]
[SIGPIC][/SIGPIC]Comment
-
جزاك الله كل خير متشكر جدا جدا جدا وليك دعوة بظهر الغيب بإذن الله :)Comment
Comment