6000 km/h :)

[Goodle]

دا مش قصدي يا اخ محمد
و يا ريت بس ما تفهمش الكلام غلط؟؟
و بعدين حضرتك عرفت منين ان المشاركات الاداريه مش بتتحسب؟؟
و عرفت منين ان قصدي اني بتكلم عن محمد ممدوح؟؟
و يا ريت لو فيه حاجه مضايقه محمد في كلامي رغم اني ما وجهتش كلام له يجي يتكلم
و حضرتك ليك كل الاحترام بس ما اعتقدش ان مساله زي دي تخصك:)

بالعكس تماما يا حازم.. أنتي ليه أخدت كلامي بينة وحشة كده، وليه ترد عليا كده ؟؟
يا ريت تقرأ كلامي للآخر

الموضوع يخصني لأني من الإشراف (ده أولا)
ثانيا: انا عارف كويس إيه اللي بيحتسب وإيه اللي مش بيحتسب (من ساعة ما رفعنا عداد الاجتماعي من الحساب)
ثالثا: أنا مش بأدافع عن محمد ممدوح (بالعكس) أنا بقول انه لو فاهم إن كده هو متفوق عليك (عشان فاكر إن المشاركات الإدارية بتتحسب.. ده على افتراض إن كلامك صح.. لكن مش دي الحقيقة)
وكمان انت كنت بعت تقرير مشاركة إن في رد مستفز (مش هاقول من مين.. وانت عارف)
اتمنى تقرأ مشاركتي السابقة مرة تانية .. وانت تعرف إني باتكلم بنية صافية لا أنا في صف محمد ممدوح ولا حاجة
بس في حقائق ولازم حد يقولها
أقرأ مشاركتي اللي فاتت مرة تانية (من غير ما تفترض سوء النية.. وانت تعرف انا قصدي إيه)
كل رمضان وانت طيب

[hazem_khidr]

اولا كون انك من الاشرف او لا ء يا محمد ف دا شئ ما يخصنيش ولا يلزمني اني اعرف
و لكن كون انك تطلع اسرار و تقول اني بعت تقرير بمشاركه سيئه فلا اعتقد ان اسلوب الاداره حاليا هو نشر كل ما يرسله الاعضاء للاداره علي الملاء.
و غير كده انت اللي مش فاهم كلامي كويس انا اقصد ايه من كلامي
و الدليل انك قولت انت مش مشرف علشان تتحسب ليك مشاركات اداريه.
اعتقد ان كلامي لو كنت فهمته كويس مكنتش قولت كلمه زي دي.
و خصوصا اني بوجه الكلام لعضو معين لا وجهت الكلام لممدوح ولا للاداره.
و مره تانيه بعد اذنك لما ابقي ابعت تقرير بمشاركه سيئه
بلاش تقول علي العام قدام الناس كده لانه ما يصحش
انا بتكلم من منطلق الزماله و الحب اللي بينا
مش عاوز الموضوع يكبر لاني اعتقد فعلا ان المفروض الحاجات دي اسرار
و اول مره الاقي مشرف يقول لعضو في موضوع عام انت بعت تقرير بمشاركه سيئه!!!!!!!

[bassam nagy]

الف مبروك ياحازم وعقبال 100000 الف مشاركة

[hazem_khidr]

when we talk about hazem its true
check the forum and till me about his subjects
congratz mr zimos
ya 7abib harty

thank you mr.SuMo
what can i say after your words??

الف مبروك ياحازم وعقبال 100000 الف مشاركة

الله يبارك فيك يا بسام باشا
يا ريت اشوفك يوم الفطار بقي حتي لو تيجي بعد الفطار بس يا ريت اشوفك يا حبي:)

[mesho]

منين السؤال ده:

و بعدين حضرتك عرفت منين ان المشاركات الاداريه مش بتتحسب؟؟

ومنين الجملة دى بعدها؟؟؟؟

اولا كون انك من الاشرف او لا ء يا محمد ف دا شئ ما يخصنيش ولا يلزمني اني اعرف

أمال بتسأله عرف منين ليه؟؟؟

&&&&&&&&

ومنين الكلام ده؟

فعلا المشاركات دي من غير الاجتماعي
و من غير ما يبقي فيها مشاركات اداريه او ما شابه ذلك

ومنين الجملة دى؟؟؟؟

و عرفت منين ان قصدي اني بتكلم عن محمد ممدوح؟؟

أمال تقصد مين يعنى؟؟؟
&&&&&&&&

ولو فيه مشاركة ليا مش عجباك وإعتبرتها مستفزة ممكن تقولى مباشر

[hazem_khidr]

منين السؤال ده:
ومنين الجملة دى بعدها؟؟؟؟
أمال بتسأله عرف منين ليه؟؟؟

&&&&&&&&

ومنين الكلام ده؟
ومنين الجملة دى؟؟؟؟
أمال تقصد مين يعنى؟؟؟
&&&&&&&&

ولو فيه مشاركة ليا مش عجباك وإعتبرتها مستفزة ممكن تقولى مباشر

و حضرتك مضايق ليه:)
انا وجهت ليك كلام ولا محمد جابك ترد مكانه؟؟؟:)
بعد اذنك و منعا للمشاكل ترد علي الكلام اللي يخصك فقط :)

[Dr Ahmed]

بالهداوة يا استاذ حازم الموضوع - على حسب ما أنا شايف- مش فيه أى إتهام لأى حد لكن فيه حدة مش عارف سببها!!!

ومتنساش إنك كنت بترد غيبة الآخرين برضه من غير ما حد منهم يطلب يعنى متلومش حد إنه يرد عن حد

ومبروك عليك الوصول ل 6100 مشاركة (ييجوا 10000 لوحسبت الإجتماعى )

[MMamdouh]

و الله يا جماعة انا مش شايف اى سبب للزعل و المشادات... انا بالفعل عمرى ما فكرت فى موضوع انا ليا كام مشاركة ولا الاجتماعى و الادارى بيتحسب ولا لا... اصل انا مش داخل سباق مين يعمل اكبر عدد مداخلات... انا داخل افيد و استفيد

انا لما لقيت الموضوع و لقيت انى تانى اكتر واحد ليا مداخلات على المنتدى قلت كويس... دا الواحد كتب حاجات كتير و هو مش واخد باله لانى مكنتش متوقع بصراحة و لا فى دماغى القصة دى و لما دخلا ابص على باقى الناس اللى كاتبة مداخلات كتير خصوصا انى كنت عايز اعرف موقع واحد زى سبعاوى مثلا اللى كل الناس بتشهدلة - وانا اولهم من ايام كونتاكت - لقيتة مش حتى فى اول 20 واحد... ساعتها عرفت انها مش قاعدة ان كل واحد مفيد لازم يبقى من اكتر ناس كتبت مواضيع

و العكس بالعكس... ممكن تبقى كاتب كلمتين فقط و تبقى اكتر عضو مستفز لذلك قلت ان العبرة بالمحتوى اكتر منه العدد و دى حقيقة... اكيد برضة اللى كاتب مداخلات كتير مهواش بيكتب كلام فارغ بس انا قصدى ان اللى بيكتب قليل بش اى كلام

انا حتى ساعات كتير بكتب رد فى الرفيع... زى yes او no hاو it is better to do this و حاجات كدة بس على الرغم من صغر حجم المشاركة الا انها بتجيب من الاخر و ناس كتير علقت على ردودى بجملة "اوجزت فانجزت" و هو دة الهدف ... ليه ارغى و اوجع دماغ اللى بيسال لما ممكن اجيبلة اخر الموضوع فى سطر؟؟

دا حتى الموضوع اللى عملة حازم عن تقمص شخصيات الاعضاء لقيت الناس اللى قلدنى - و انا مش زعلان منهم - كتبوا بالانجليزى سطر او اتنين بالكتير و انا فعلا ضحكت لانى حسيت انى بقرا اجاباتى بجد

المهم يعنى انى انا مبتفرقش معايا عدد مداخلاتى ولا مين اكتر منى او انا اكتر من مين... اصل مفيش جايزة لصاحب اكتر مداخلات... لكن فيه جايزة كبيرة جدا لاكتر واحد بيفيد الناس: حب الناس

ارجو ان موضوع القفش دة ميتطورش بدون داعى لحاجة مش ظريفة لان دة مش هدفى ولا اعتقد انه هدف حازم... صح يا حازم؟؟

MMamdouh

[hazem_khidr]

انا هادي خالص اهو يا دكتور احمد :)
و يا ريت بس ما نخلطش الاوراق
الناس اللي كنت برد غيبتهم كانوا مش موجودين
و دا مش مجال حديثنا هنا
و عموما الله يبارك فيك
و لعلم حضرتك لو مشاركات الاجتماعي زادت يبقي انا عامل في حدود 7500 او 8000
مش 10000 ابدا:).
..............................

[Nile_Storm]

يا جدعان صلو علي النبي

الحكايه مش بالعدد
بقيمه المشاركات
يعني واحد بالف مشاركه مميزين احسن من واحد ب 100000 مشاركه ملهمش لازمه
و الاهم الكاريزما عند الاعضاء

مبروك يا حازم ال 6000 مشاركه و انا بباركلك علي المشاركات كيفا و ليس عددا فقط
و طبعا الكاريزما برضه ماشاء الله موجوده

و ياريت يا جدعان نهدي احنا في ايام مفترجه
و بعدين صحيح
مش تباركو لاستاذ محمد ممدوح علي المشاركه رقم 6000 كله دخل و مخدش باله
مبروك يا باشا

[MMamdouh]

مش تباركو لاستاذ محمد ممدوح علي المشاركه رقم 6000 كله دخل و مخدش باله
مبروك يا باشا

الله يبارك فيك

this proves my point... i don't care how many posts i made... it doesn't reflect how valuable my posts are

MMamdouh

[Dr Ahmed]

أوافق على كلام أخونا ممدوح بالجملة والتفصيل فى مشاركته الأخيرة
ولأخى حازم: مشاركاتك فيها من المساعدة للأعضاء الكثير والكثير بما يدعو للفخر

ونفسى حد يعمل موضوع عن تقصيرنا فى رمضان ، الشهر قرب يخلص وإحنا "ـو أنا بالذات" لسه باسخن
ومش عايز أقول إنا مقصر إزاى ومحتاج إزاى دعم داخلى وخارجى

هو المدفع هيضرب إمتى يا ناس؟

[MMamdouh]

المدفع ضرب يا Dr.

MMamdouh

[Chicco]

بجد فخر للمنتدى إن أكتر ناس عاملين مشاركات يبقوا اتنين زي حازم باشا و ممدوح باشا .....ما شاء الله عليهم ....كل المشاركات مفيدة و ساعدت ناس كتير .....سنيور زيموس ده حبيب هارتي طبعا و هو عارف .....ممدوح باشا ...مستر دايو ....أو خليها دايو كنج ....بارفع القبعة يا باشا على رجاحة عقلك و ألف مبروك على المشاركة ال ٦٠٠٠ و عقبال٦٠٠٠٠٠٠٠٠٠٠٠٠٠٠٠٠٠ إن شاء الله

[Goodle]

و حضرتك مضايق ليه:)
انا وجهت ليك كلام ولا محمد جابك ترد مكانه؟؟؟:)
بعد اذنك و منعا للمشاكل ترد علي الكلام اللي يخصك فقط :)

يا حازم باشا.. حضرتك تقصد محمد مين اللي جابه يرد على الكلام؟؟
محمد أنا ؟؟ وللا محمد ممدوح؟؟
برجاء الرد والتوضيح !!