مرهم كويس للضهر وللرقبة

[nona_yaris]

ممكن تجرب فاسكوم جيل
مفعوله سريع وقوي ومش غالي بحوالي 7 جنيه على ما اذكر
والاهم ان تذكر اسم الله الشافي عند الاستعمال
بالشفاء ان شاء الله

آسفة اسمه فاستوم جيل
وليس فاسكوم

[benmatar]

ريباريل جل

[dr/hamza]

myolgin cap ثلاث مرات يوميا
tantum fore cream ثلاث مرات يوميا
cataflam 50 tab ثلاث مرات يوميا بعد الاكل

[Imhotep]

طيب نصعب المسألة شوية
حد جرب فلدين و فاستوم؟ و لو ايوة طيب ايهما احسن و اقوى ؟
طبيا فاستوم جل هو كيتوبروفين و هو مسكن و مضاد للالتهاب قوى اما فلدين فده المادة الفعالة فيه اسمها بروكسيكام تريدمارك لشركة فايزر و لها خصائص مشابهة
لكن انا عايز رأى حد يكون جرب الاتنين و يقول انهى اقوى

[dr/hamza]

فاستم كويس اكتر للالم على المدى القصير ....فلدين على المدى الابعد كويس للالتهاب بس اقل تسكينا..

[Imhotep]

فاستم كويس اكتر للالم على المدى القصير ....فلدين على المدى الابعد كويس للالتهاب بس اقل تسكينا..

هو ده الكلام. . . شكرا يا دكتور
الفكرة انه انا من كتر السواقة فى حتة معينة فى ظهرى بقت بتعملى شد عضلى فى رجلى اليمين كلها. . . كشفت و ام ار اى و فى الاخر مفيش حاجة و الموضوع مش سياتيكا . . . طيب ايه الحل . . . جربت باسط للعضلات من اول ميولجين مرورا بسيردالود انتهاء ب ميولاستان و مفيش حاجة مريحانى بالكامل. . . الحاجة الوحيدة اللى بتريحنى كويس هى الحاجات التوبيكال بس برضه مش كلها يعنى ريباريل و سريلان و لا ليهم لازمة عشان كده بدور على اقوى حاجة توبيكال ممكنة
غالبا كده انا محتاج امشى على فلدين عشان الموضوع كرونيك و مرتبط بالسواقة لكن بيختفى مع الراحة و لا يظهر الا بعد السواقة الكتير و هى الشر اللى لابد منه

[solyahmed]

يعني في الاخر اية احسن حاجة متجربة .. احنا كدة ما طلعناش بحاجة مفيدة

[saddam]

باشا معلهش الفاكتو ده مرهم بواسير نصيحه من صيدلي قديم شويه اعمل كمادات ميه سخنه وبعد كده ادهن الريباريل اللي عندك او زي ما الاخوة قالوا فروبن او فولتارين او فاستم بس بلاش روبالجين لان طلبك حاجه متسخنش وبالشفا باذن الله

صديقي المواطن
قولا واحدا أنا عارف هو بتاع إيه وكمان أقدر أديك كل أدوية البواسير في كذا دولة مش بس في مصر ولكن أنا عانيت من عدة مشاكل منها مرة قعدت 8:شهور لم أتحرك من شقتي كأني مسجون وجربت فاكتو بالصدفة دهنت ومش عايز أقلك كنت المراهم المفتخرة الغالية إنجليزي وألماني كانت بتسكن وترجع يومين نفس المشكلة ولكن ده كان مفعوله سحر
طلب من صاحب الموضوع هو ب 7 جنيه جربه 3 مرات بس أنا كان ممكن أقلك حط الجزال بس صدقني ده أحسن ولو منفعكش بعد 3 مرات أبعتلي نمرة حضرتك وأنا أبعتلك رصيد بالفلوس اللي خسرتها ولو تكلمني عالخاص وتشرفني في بيتي قولا واحدا مستعد أجيبلك واحد وأدهنهولك بنفسي حسبة لله تعالى
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[solyahmed]

يعني فاكتو بتاع الظهر ولا بواسير حيرتونا .. يعني قصد حضرتك اني اجيب مرهم بواسير وادهن بية ظهري ..ولا حضرتك بتتكلم عن البواسير
انا ظهري هيجنني.. كل ما انام اصحي الصبح ظهري مدغدغ ودلوقتي بقي ظهري ورقبتي