استفسار عن اجراءات نقل الملكيه لسياره الاب المتوفي

[محمد الشامي]

السلام عليكم ورحمه الله وبركاته

توفى والدي من ايام (أسألكم الدعاء له) و هو يملك سياره (بإسمه) , وفي احد الاصدقاء نصحنى امبارح اني اروح المرور واشوف اجراءات نقل الملكيه بإسم الورثه في مده لا تتجاوز الـ 3 شهور على ما اظن

فـ ياترى حد يعرف تفاصيل الاجراء ده ايه ؟
وهل ممكن الملكيه تتنقل بإسم احد الابناء ؟ وفي الحاله دي الاجراء هايكون عباره عن ايه

وجزاكم الله خيراً مقدماً على المساعده

[أحمد كمال]

لازم تخلص اعلام الوراثة الاول

و لو فيه ورثة قصر (تحت 21 سنة) لازم المجلس الحسبي يوافق و ده موال اسووووووووود

[محمد الشامي]

لازم تخلص اعلام الوراثة الاول

و لو فيه ورثة قصر (تحت 21 سنة) لازم المجلس الحسبي يوافق و ده موال اسووووووووود

جلسه اعلام الوراثه خلال ايام ان شاء الله , ومفيش قصر تحت 21 سنه

[amr011111]

البقاء لله.

هتروح تعمل اعلام وراثه وساعتها هتاخد الورثه الشهر العقارى اللى مكتوبين فى اعلام الوراثه وتعمل توكيل بالبيع للنفس وللغير والورثه يمضوا للى هيشترى او لاى حد فيكم علشان بعد كده ميبقاش كل مره تاخد الورثه كلهم معاك.
وبعد ما تبيع هتروح المرور تطلع شهادة مخالفات
بالنسبه لموضوع التلات شهور ملوش اى علاقه فى اى وقت تعمله عادى

[محمد الشامي]

البقاء لله.

هتروح تعمل اعلام وراثه وساعتها هتاخد الورثه الشهر العقارى اللى مكتوبين فى اعلام الوراثه وتعمل توكيل بالبيع للنفس وللغير والورثه يمضوا للى هيشترى او لاى حد فيكم علشان بعد كده ميبقاش كل مره تاخد الورثه كلهم معاك.
وبعد ما تبيع هتروح المرور تطلع شهادة مخالفات
بالنسبه لموضوع التلات شهور ملوش اى علاقه فى اى وقت تعمله عادى

سبحان من له الدوام , وجزاك الله خيراً للإفاده

[احمد المصرى]

البقاء الله با باشا طيب ليه مكلمتنيش انا جنبك فى الحى الثانى الواحد بيكون محتاج حد جنبه فى الظروف دى ربنا يرحمه ويسكنه فسيح جناته



بالنسبه لموضوع لانى مريت بيه بالظبط بالظبط


انت هتعمل اعلان وراثه عادى جدا انت واخواتك والوالده مثلا وهتروح بيه الشهر العقارى تبيع العربيه اكنك بتبيعها للغريب بالظبط بس هتفرق انك هتدفع فلوس نقل ملكيه اقل علشان ال هيشترى العربيه ليه اساسا نصيب منها مش هيدفعه فاهمنى


انا مثلا نقلت عربيه والدى لاختى باسمها فهيا دفعت مصاريف نقل ملكيه ليا انا ولوالدتى ومدفعتش عن نفسها لانها اساسا ليها جزء فى العربيه والعربيه بتتنقل باسم احد الورثه وهو بيتعامل مع المرور عادى جداااااااااااا بس على طول خلى معاك صوره اعلان الوراثه وشهاده الوفاه

[محمد الشامي]

البقاء الله با باشا طيب ليه مكلمتنيش انا جنبك فى الحى الثانى الواحد بيكون محتاج حد جنبه فى الظروف دى ربنا يرحمه ويسكنه فسيح جناته



بالنسبه لموضوع لانى مريت بيه بالظبط بالظبط


انت هتعمل اعلان وراثه عادى جدا انت واخواتك والوالده مثلا وهتروح بيه الشهر العقارى تبيع العربيه اكنك بتبيعها للغريب بالظبط بس هتفرق انك هتدفع فلوس نقل ملكيه اقل علشان ال هيشترى العربيه ليه اساسا نصيب منها مش هيدفعه فاهمنى


انا مثلا نقلت عربيه والدى لاختى باسمها فهيا دفعت مصاريف نقل ملكيه ليا انا ولوالدتى ومدفعتش عن نفسها لانها اساسا ليها جزء فى العربيه والعربيه بتتنقل باسم احد الورثه وهو بيتعامل مع المرور عادى جداااااااااااا بس على طول خلى معاك صوره اعلان الوراثه وشهاده الوفاه

سبحان من له الدوام ياصديقي , والله ربنا يكرمك لشعورك الطيب بس وقتها فعلا كانت كل الامور متلخبطه والحمد لله ربنا يسر الامور كلها في خلال ساعتين من الوفاه , فـ سامحني وان شاء الله نتواصل دايما في الخير يارب

وجزاك الله خيراً على المعلومات وكده الرؤيه بدأت توضح شويه بالنسبه لي , شكرا يا باشا

[amr011111]

هتروح تعمل اعلام وراثه وساعتها هتاخد الورثه الشهر العقارى اللى مكتوبين فى اعلام الوراثه وتعمل توكيل بالبيع للنفس وللغير والورثه يمضوا للى هيشترى او لاى حد فيكم علشان بعد كده ميبقاش كل مره تاخد الورثه كلهم معاك.
وبعد ما تبيع هتروح المرور تطلع شهادة مخالفات
بالنسبه لموضوع التلات شهور ملوش اى علاقه فى اى وقت تعمله عادى

أضيف حاجه كمان
انت لو ناوى متبعش العربيه وحد من الورثه يسوقها يبقى انت هتعمل اعلام الوراثه وهتسوق العربيه عادى وممكن الورثه يعملوا ليك توكيل اداره علشان لو حد فى لجنه او كده.

ومش هتروح الشهر العقارى الا بقى لما ميعاد الفحص يجى او لما تكون هتبيع العربيه

[محمد الشامي]

أضيف حاجه كمان
انت لو ناوى متبعش العربيه وحد من الورثه يسوقها يبقى انت هتعمل اعلام الوراثه وهتسوق العربيه عادى وممكن الورثه يعملوا ليك توكيل اداره علشان لو حد فى لجنه او كده.

ومش هتروح الشهر العقارى الا بقى لما ميعاد الفحص يجى او لما تكون هتبيع العربيه

الله ينور عليك , شكرا يا باشا على المساعده و ربنا يكرمك

[Most_H]

حصل معايا نفس الموقف، ورحنا نقلنا الرخصة بأسم والدتى

وكان مكتوب فى الرخصة انها عربية ورثة وفى حيازة الشخص الفلانى (اللى هى والدتى) وكنت بسوق العربية عادى وبقف فى كماين وكانوا بيشوفوا الرخصة من غير اى مشاكل

المطلوب انك تروح المرور بأعلام الوراثة ومعاك الورثة وتقريبا تختارو حد العربية تبقى فى حيازته (دة لو مش عاوزين تبيعوها لحد منكم)

بحيث انها تفضل ورث برضة، بس تعرفوا تسوقوها

والبقاء لله

[محمد الشامي]

سبحان من له الدوام , وجزاك الله كل خير على المعلومه

[khaled_sabry]

البقاء لله
طبعا الاخوه الافاضل قالولك المفيد
ولو عاوز فيه استفسار فى اى تفاصيل انا تحت امرك لأنى انا مريت بالظروف دى و اصعب لأن انا عندى اخوات قصر و بالتالى عملت خطوات زياده عن اللى انتا حتعملها
موضوع 3 اشهر ده مالهوش علاقه بتاريخ الوفاه
انا لسه ناقل ملكيه العربيه يوم الاحد اللى فات رغم ان والدى توفى 2012/2

بس خد بالك لو عملت عقد بيع ليك يبقى لازم حتوقع فيه (بإعتبارك جزء من الورثه كأنك بايع) و بالتبعيه لازم تنقل الملكيه بحد اقصى شهر من تاريخ عقد البيع ده

[احمد المصرى]

البقاء لله
طبعا الاخوه الافاضل قالولك المفيد
ولو عاوز فيه استفسار فى اى تفاصيل انا تحت امرك لأنى انا مريت بالظروف دى و اصعب لأن انا عندى اخوات قصر و بالتالى عملت خطوات زياده عن اللى انتا حتعملها
موضوع 3 اشهر ده مالهوش علاقه بتاريخ الوفاه
انا لسه ناقل ملكيه العربيه يوم الاحد اللى فات رغم ان والدى توفى 2012/2

بس خد بالك لو عملت عقد بيع ليك يبقى لازم حتوقع فيه (بإعتبارك جزء من الورثه كأنك بايع) و بالتبعيه لازم تنقل الملكيه بحد اقصى شهر من تاريخ عقد البيع ده

انا شخصيا محصلش معايا كدا المشترى ال هو ( ليه جزء من العربيه ويعتبر بائع ) لو يوقع خالص على عقد البيه ال وقع باقى البائعين فقط لا غير دا ال حصل معايا شخصيا