سؤال للأباء و الامهات

[Ahmed_Adham]

مادمت قلت كده يبقي لسه مدخلتش في الدوامة يا حلو
علي كل حال تابع الموضوع لأنك حتحتاج تعرف الكلام ده

أنا في الدوامه من شهرين بدور على مدرسه أقدم فيها لبنتي للسنه الجايه kg1 وجالي ذهول ان كل ما أسأل حد يقولي لازم دروس! طب ندفع كام يا جماعه عشان مدرس المدرسه يشتغل بضمير ويدي العيال كل اللي عنده مش يعمل فقره اعلانيه في المدرسه والفقره الكامله تبقى في الدرس بحساب تاني؟ الاجابه مفيش! طب ده المطلوب فعلا ولا ده استسهال من الأهالي؟

فيه سؤال عايز أعرفله اجابه. المدرس في المدرسه اللي بتاخد 15 ألف في السنه من العيل مرتبه الشهري كام من المدرسه؟ يعني كام يكفيه عشان يشتغل بضمير؟

طبعا فيه مدارس بتاخد 50 ألف وفيه 100 ألف مكان وبالدولار مش مصري بس دول ملناش دعوه بيهم دلوقتي.

[ramymechanics]

المناهج بقت متخلفة جدا ومفيش أى مساحة للطفل يعيش حياته زى زمان .... يعنى هل يعقل بنتى فى تانية ابتدائى بتدرس جمع 3 أرقام زائد 3 أرقام باﻹضافة كمان والطرح باﻹستلاف و حاجات كتير بجد حرام .... أنا ومامتها مهندسين ومش ملاحقين عليها مذاكرة والبنت بتدخل تزحف للسرير وقت النوم يا كدة يا إما هتتأخر عن زميلاتها فالمدرسة

[Ahmed_Adham]

المناهج بقت متخلفة جدا ومفيش أى مساحة للطفل يعيش حياته زى زمان .... يعنى هل يعقل بنتى فى تانية ابتدائى بتدرس جمع 3 أرقام زائد 3 أرقام باﻹضافة كمان والطرح باﻹستلاف و حاجات كتير بجد حرام .... أنا ومامتها مهندسين ومش ملاحقين عليها مذاكرة والبنت بتدخل تزحف للسرير وقت النوم يا كدة يا إما هتتأخر عن زميلاتها فالمدرسة

والمشكله كله في الاخر بياخد الشهاده ويركن ولازم واسطه أو فلوس عشان تعرف تشغل ابنك شغله تستاهل اللي صرفته على تعليمه. المنظومه التعليميه رابح فيها صاحب المدرسه والمدرسين انما الطلبه وأولياء الأمور بيدفعو ومايخدوش غير على دماغهم.

لو سألت في مدرسه هل لو ابني دخل مدرستكو هيحتاج دروس خصوصيه ولا لاء تحس من رد فعلهم كأنك كنت بتقولهم أنا عايزكو تطلعو ابني رحله للقمر على حسابكو!

[ramymechanics]

والمشكله كله في الاخر بياخد الشهاده ويركن ولازم واسطه أو فلوس عشان تعرف تشغل ابنك شغله تستاهل اللي صرفته على تعليمه. المنظومه التعليميه رابح فيها صاحب المدرسه والمدرسين انما الطلبه وأولياء الأمور بيدفعو ومايخدوش غير على دماغهم.

لو سألت في مدرسه هل لو ابني دخل مدرستكو هيحتاج دروس خصوصيه ولا لاء تحس من رد فعلهم كأنك كنت بتقولهم أنا عايزكو تطلعو ابني رحله للقمر على حسابكو!

على فكرة الزمن الى جاى دة كمان بتاع الجامعات الخاصة يعنى خراب بيوت ولحد دلوقتى مبديش بنتى دروس بس هقدر لحد إمتى الله أعلم ويا.عالم على أيام ابنى هيبقى الوضع عامل إزاى .... انا فاكر كانت مصاريفى فى ثانوى 14 جنيه فالسنة وفى كلية هندسة 33 جنيه وكنت باخد 83 جنيه مكافأة تفوق لكن دلوقتى نفخ وربنا يقدرنا

[amrelsha3er]

متابع باهتمام لحصولى على مولود قريبا وبالتالى مدرسه ودروس
كانالله فى عونا جميعا وفى عون اولياء الامور
ده احنا كنا غلابه اوووى

[Khalid_Mostafa]

اولاً انا سعيد بتفاعل الناس مع الموضوع وده يدل علي ان الموضوع قضية عامه بتشغل كل الناس وإحنا بنتكلم حتي علي الإبتدائي مش علي ثانويه عامه مثلاً و مع ذلك الموضوع عامل مشكله.
انا حاولت افهم ليه المدرسين عاملين كده في المدارس بس اكتشفت ان نسبه كبيره من المدرسين بتشرح في الفصل فعلاً و بتعمل مجهود و لكن لاحظت الأتي :
1-المشكلة في عدد التلاميذ في المدرسة و المدرس مبيلاحقش يتابع كل التلاميذ
2-الكتب علي الرغم ان جودتها بقت احسن و لكن بتتعمد ميكونش فيها شرح ذي زمان ...يعني لو الولد غاب عن المدرسه في حصه ميعرفش يغطي الي فاته
3-التلاميذ مبيلحقوش يكتبوا من السبورة و بما ان الكتاب مفيهوش شرح يبقي حيذاكر منين ؟
4-عشان تحل المشكلة بتروح تشتري كتب خارجية و شرحها جيد جداً و الأسأله ليها كتاب إجابات عشان تراجع علي نفسك ولكن ده بيمثل ضغط لأن الكتاب في الترم بيكون في حدود 20-30 جنيه
5-طب لما هناك ناس بتعرف تعمل كتب ميخلوهم هما الي يعملوا كتب الوزارة (ولا هو الموضوع مقصود؟)
6-الإسطوانات التعليمية بتاعت وزارة التربية و التعليم اكثر من ممتازة و ساعدت كتير بصراحة و بتكسر حدة الملل عند التلميذ و لكن احياناً كتير بتبقي قص و لصق عشان المناهج بتبقي فيها اجزاء متغيرة كل سنه و فيه بعض المواد مش موجود لها إسطوانات
7-نفسي اعرف الناس في الدول التانيه عيالهم بيذكروا بالليل لما بيرجعوا من المدرسه برضه و لا ايه النظام

[friendship7897]

انا كمان شايف ان الدرس مش هو الحل لأن الولد حيعتمد دايماً علي ان فيه مدرسة موازية شغالة و بعدين فين الوقت و الفلوس للكلام ده ...ولكن ايه الطريقة المثلي
يا ريت لو فيه اعضاء في المنتدي من السيدات يقدروا يفيدونا في الموضوع ده

أ/ khalid_mostafa
الموضوع دا رفع ضغطي
وجاب لي إكتئاب
وحسيت إني أم فاشلة
ومش عارفة دا بسببي ولا بسبب مجتمعنا الجمييييييل
ليه بأة الضغط والإكتئاب والفشل والكلام الكبير دا !
لأني بشتغل حتى الساعة السابعة مساءاً
والأب مسافر أغلبية الوقت ولو مش مسافر فبيجي متأخر فمش بيساهم في التعليم خااااالص
ففي الآخر مين بيذاكر لأبني ؟ ..... ( المدرسين فقط ) !
وأنا بطمن عليه منهم وأنا اللي أوصيهم يركزوا عليه شوية ، وممكن كمان أنتقدهم لو جاب درجات مش مرتفعة
هي دي علاقتي بمذاكرة أبني
وأكيد دا مش بيحصل للأمهات الغير عاملات
فحسيت في هذا الموضوع ومن مشاركات باقي الأعضاء بظلمي لأبني

بس في الآخر دروس
صحيح هو مكنش محتاج وكان مميز من غير دروس في الفترة الأولى ( هو في 3 إبتدائي )
يعني السنتين السابقتين بدون دروس وبدون متابعة منزلية وكان الحمد لله متفوق
بس خفت عليه أني علشان مش بتابعه يخسر تفوقه مع ضغوط المنهاج
فأضطررت التعاقد مع مدرسين المدرسة هما اللي بيدوله في الفصل ( وهما سبب تفوقه بدون دروس وبدون متابعتي المنزلية )
والحمد لله ماشي معاهم لاغية دلوقتي
ربنا يحرص أبنائنا جميعاً ويفوقهم ويبعد عندهم العين والشر

[Khalid_Mostafa]

أ/ khalid_mostafa
الموضوع دا رفع ضغطي
وجاب لي إكتئاب
وحسيت إني أم فاشلة
ومش عارفة دا بسببي ولا بسبب مجتمعنا الجمييييييل
ليه بأة الضغط والإكتئاب والفشل والكلام الكبير دا !
لأني بشتغل حتى الساعة السابعة مساءاً
والأب مسافر أغلبية الوقت ولو مش مسافر فبيجي متأخر فمش بيساهم في التعليم خااااالص
ففي الآخر مين بيذاكر لأبني ؟ ..... ( المدرسين فقط ) !
وأنا بطمن عليه منهم وأنا اللي أوصيهم يركزوا عليه شوية ، وممكن كمان أنتقدهم لو جاب درجات مش مرتفعة
هي دي علاقتي بمذاكرة أبني
وأكيد دا مش بيحصل للأمهات الغير عاملات
فحسيت في هذا الموضوع ومن مشاركات باقي الأعضاء بظلمي لأبني

بس في الآخر دروس
صحيح هو مكنش محتاج وكان مميز من غير دروس في الفترة الأولى ( هو في 3 إبتدائي )
يعني السنتين السابقتين بدون دروس وبدون متابعة منزلية وكان الحمد لله متفوق
بس خفت عليه أني علشان مش بتابعه يخسر تفوقه مع ضغوط المنهاج
فأضطررت التعاقد مع مدرسين المدرسة هما اللي بيدوله في الفصل ( وهما سبب تفوقه بدون دروس وبدون متابعتي المنزلية )
والحمد لله ماشي معاهم لاغية دلوقتي
ربنا يحرص أبنائنا جميعاً ويفوقهم ويبعد عندهم العين والشر

الف سلامة علي حضرتك من الضغط....هو الحقيقة الضغط حييجي برضه لو ذكرتيلهم :)
ووالله يمكن لو كنتي كملتي بالطريقة دي كان اتعلم يعتمد علي نفسه و يذاكر لوحده ...وناس نصحتني بالموضوع ده..بس مين قلبه جامد و يعمل كده بقي
وعلي رأيك ...إذا كانت مراتي مبتشتغلش و بتشد شعرها منهم...امال لو وحده بتشتغل تعمل إيه بقي ...بصراحة الله يكون في العون .
انا برده حاسس اني ندل لأني خالع من مذكرتهم تقريباً نظراً لظروف شغلي

[Khalid_Mostafa]

و الشيء بالشيء يذكر ...فيه تجربة جديدة (علي الأقل بالنسبالي) و بصيص امل في وسط الإحباط بتاع اليومين دول و هو موقع اسمه "نفهم" نفهم وهو خدمة تعليمية إلكترونية مبتكرة على الإنترنت تقدم شرح مبسط لمنهج التعليم المصري من الصف الإبتدائي وحتى الثانوي عن طريق فيدوهات مدتها من 5-20 دقيقة .. الخدمة مجانية بالكامل لطلبة المدارس وجميع المستفيدين منها.

[asaeed]

و الشيء بالشيء يذكر ...فيه تجربة جديدة (علي الأقل بالنسبالي) و بصيص امل في وسط الإحباط بتاع اليومين دول و هو موقع اسمه "نفهم" نفهم وهو خدمة تعليمية إلكترونية مبتكرة على الإنترنت تقدم شرح مبسط لمنهج التعليم المصري من الصف الإبتدائي وحتى الثانوي عن طريق فيدوهات مدتها من 5-20 دقيقة .. الخدمة مجانية بالكامل لطلبة المدارس وجميع المستفيدين منها.

جزاك الله خيرًا اخي الكريم على هذا الموقع ياريت يا جماعة إللي عنده مواقع زي كده يعرفها يكتب لنا اسمها

بصراحة الموسم الدراسي بقى عنااااااااااء شديد على الأسرة المصرية بخلاااااف السابق...
من فترة كان البيت المصري بيرفع حالة الطوارئ بالفعل أيام الثانوية العامة فقط... أما في هذا الوقت العصيب إللي مبقاش فيه ضمير من أول المدرسين وحتى مدير المدرسة إللي ممشي أُموره مع المدرسين أصبح البيت المصري رافع أقصى حالات الطوارئ من أول kg وحتى....
أنا بنتي في أولى ابتدائي تجريبي لغات.... للأسف المدرسة لسه فاتحة جديدة السنة دي في الهضبة الوسطى بالمقطم وعلشان يتم النقل من مدرسة لمدرسة قدمت تبرعااات وكل أولياء الأمور عملوا كدة مش انا بس والميزة أنها جنب البيت على طول... لكن يا خسارة الحلو ما يكملش (من أول المدرسين وحتى القائمين على الإدارة عايزين شوية جاز ويتولع فيهم)... تخيلوا بنتي النهاردة قالت لي... يا بابا المس دخلت الـ class ولمت شوية أولاد وادتهم المجموعة في وقت المدرسة...
مش بس كدة... ده كمان في عجز في المدرسين جامد... يجي مدرس الإنجليش يديهم home work from page 6 to page 29 ويشوفهم بقى الأسبوع إللي جاي... وهكذا الحال في باقي المواد... وإللي اكد لي كلامي أن معظم أوليًا الأمور بيتكلموا عن سوء إدارة المدرسة وعجز المدرسين... واتكلمنا أكثر من مرة مع المديرة.... ترد علينا وتقول: [استحملوا معانا يا جماعة المدرسة لسه بتقوم على رجليها والإدارة مش موفرلنا حاجات كتيييير وبكرة الحال هيبقى احسن]
طيب إزاي والمدرسين من أول ما المدرسة اتنشأت وهما متكالبين على الاتفاق مع أولياء الأمور على مجموعات ودروس... والله عشنا وشوفنا أن الطفل إللي في أولى أبتدائي يأخذ درس أو مجموعة....
ده غير إن أنا ومراتي بنستغرب على منهج الـ Math إللي بقى فوق عقلية الطفل للمسائل الموجودة به وعدم فهم المعنى المطلوب بالضبط.
عمومًا... أقدر أقول حسبنا الله ونعم الوكيل في القائمين على التعليم بمصر خلو العائلة المصرية في جحييييييم والله...
وبعدين أنا رافض تمامًا أن الأب والأم يبقوا متعلمين ويدوا ولادهم دروس خصوصية من صغرهم كده.... ربنا يعيننا على ما نحن فيه

[hhendmos]

يا شباب الموضوع ده إستطلع لأراء الناس الي عندهم اكثر من طفل في المرحلة الإبتدائية و طالع.....بتعملوا ايه مع العيال في مذاكرتهم ؟ انا الحمد لله عندي ولد في المرحلة الخامسة وولد في المرحلة الأولي الإبتدائي و متابعتهم في المذاكرة بمثابة قطعة من العذاب خاصاً لو الأم وحدها هي المتولية الموضوع ...انا مش فاكر إن انا كنت متعب كده ....يا تري كل واحد بيتعامل مع الموضوع ده إزاي خصوصاً لو كان الأب علي سفر اغلب الوقت ؟

اه جيت على الجرح
انا مش عارف العيب في العيال ولا في المناهج ولا في المدرسة ولا فينا احنا
على فكرة انا عندي الصف الرابع والاول بجد مش عارف اعمل ايه

[Khalid_Mostafa]

اه جيت على الجرح
انا مش عارف العيب في العيال ولا في المناهج ولا في المدرسة ولا فينا احنا
على فكرة انا عندي الصف الرابع والاول بجد مش عارف اعمل ايه

طب ما تحكلنا كده بتعمل ايه ...يعني ايه اخبار المدرسة و المدرسين ...مين بيذكرلهم في البيت ...ايه اخبار المناهج معاهم ؟

[Eng_hatemfathy]

جزاك الله خيرًا اخي الكريم على هذا الموقع ياريت يا جماعة إللي عنده مواقع زي كده يعرفها يكتب لنا اسمها

بصراحة الموسم الدراسي بقى عنااااااااااء شديد على الأسرة المصرية بخلاااااف السابق...
من فترة كان البيت المصري بيرفع حالة الطوارئ بالفعل أيام الثانوية العامة فقط... أما في هذا الوقت العصيب إللي مبقاش فيه ضمير من أول المدرسين وحتى مدير المدرسة إللي ممشي أُموره مع المدرسين أصبح البيت المصري رافع أقصى حالات الطوارئ من أول kg وحتى....
أنا بنتي في أولى ابتدائي تجريبي لغات.... للأسف المدرسة لسه فاتحة جديدة السنة دي في الهضبة الوسطى بالمقطم وعلشان يتم النقل من مدرسة لمدرسة قدمت تبرعااات وكل أولياء الأمور عملوا كدة مش انا بس والميزة أنها جنب البيت على طول... لكن يا خسارة الحلو ما يكملش (من أول المدرسين وحتى القائمين على الإدارة عايزين شوية جاز ويتولع فيهم)... تخيلوا بنتي النهاردة قالت لي... يا بابا المس دخلت الـ class ولمت شوية أولاد وادتهم المجموعة في وقت المدرسة...
مش بس كدة... ده كمان في عجز في المدرسين جامد... يجي مدرس الإنجليش يديهم home work from page 6 to page 29 ويشوفهم بقى الأسبوع إللي جاي... وهكذا الحال في باقي المواد... وإللي اكد لي كلامي أن معظم أوليًا الأمور بيتكلموا عن سوء إدارة المدرسة وعجز المدرسين... واتكلمنا أكثر من مرة مع المديرة.... ترد علينا وتقول: [استحملوا معانا يا جماعة المدرسة لسه بتقوم على رجليها والإدارة مش موفرلنا حاجات كتيييير وبكرة الحال هيبقى احسن]
طيب إزاي والمدرسين من أول ما المدرسة اتنشأت وهما متكالبين على الاتفاق مع أولياء الأمور على مجموعات ودروس... والله عشنا وشوفنا أن الطفل إللي في أولى أبتدائي يأخذ درس أو مجموعة....
ده غير إن أنا ومراتي بنستغرب على منهج الـ math إللي بقى فوق عقلية الطفل للمسائل الموجودة به وعدم فهم المعنى المطلوب بالضبط.
عمومًا... أقدر أقول حسبنا الله ونعم الوكيل في القائمين على التعليم بمصر خلو العائلة المصرية في جحييييييم والله...
وبعدين أنا رافض تمامًا أن الأب والأم يبقوا متعلمين ويدوا ولادهم دروس خصوصية من صغرهم كده.... ربنا يعيننا على ما نحن فيه

حضرتك المدرسة دى فين فى الهضبة الوسطى واسمها ايه لانى اول مره اسمع عن مدارس تجريبية فى الهضبة الوسطى واسعار اللغات فى الهضبة نار نار نار

[dedi]

اولا الف شكر ليك على موقع نفهم انا اول مرة اشوفة بس واضح انة ممتاز ياريتك كنت نزلتة من زمان
بمناسبة الدروس لو قلت لك زوجتى بتبقى مكتئبة قد اية وهى رايحة تذاكر للعيال اللة لا يباركلهم و لا يسامحهم الذين حطوا هذة المناهج
انا لى سؤال و نفسى حد يجاوب علية هو اية نوعية المناهج التى بتدرس فى الدول المتقدمة زى اليابان ...................
يعملوا كوبى وبيست للمناهج هنا وتدرس
الذى يقول اولادنا ........ او العيب فيهم دة خطا كبير اعرف 2 اطفال هنا كانوا دايما المخ معاهم ( بيطجن --حلوة دى )
سافروا المانيا فى المدرسة لقيوهم مميزين و مستوا ذكاء عالى فحركوهم للسنة الاعلى

[amr011111]

انا لى سؤال و نفسى حد يجاوب علية هو اية نوعية المناهج التى بتدرس فى الدول المتقدمة زى اليابان ...................
يعملوا كوبى وبيست للمناهج هنا وتدرس
الذى يقول اولادنا ........ او العيب فيهم دة خطا كبير اعرف 2 اطفال هنا كانوا دايما المخ معاهم ( بيطجن --حلوة دى )
سافروا المانيا فى المدرسة لقيوهم مميزين و مستوا ذكاء عالى فحركوهم للسنة الاعلى

أعتقد المناهج بره مش بتختلف عن مصر كتير ويمكن اقل كمان بس الفرق فى اسلوب التعليم يعنى كان فيه درس فى ابتدائى عن المركم الرصاصى( البطاريه ) فاسم المركم الرصاصى لوحده عاوز اعدام فما بالك لما طالب صغير السن يذاكره ويتخيله
بره بقى بالتأكيد بيخلوا الطلبه تروح المعمل وتشوف البطاريه عملى وتفكها وتركبها وهكذا
فاسلوب التعليم عملى
انما فى مصر هنا اسلوب تعليم نظرى ومتخلف
يعنى انا فاكر فى اعدادى كنا بندرس فى الجغرافيا شويه دول ويقولك تعداد سكان الدول ديه كذا حسب احصائيات عشر سنين فاتوا وعدد الاغنام والابقار كذا ( تلاقيه قايل 10568) قال يعنى عاددهم بالواحده طبعاً شىء من التخلف ان يدينى اعداد يعنى مفيش مره بقره كانت حامل وهما بيعملوا التعداد وخلفت:)
المفروض اللى حاطط المنهج يقول انها بتشتهر بعدد الابقار الكتير وهكذا