ازاى اوسع الجزمة

[salodas]

بالضبط كما واضح من العنوان .
عندى أعزكم الله جزمة مقاس 43 وأنا أصلا بلبس بعيد عن السامعين 45 أو بالعافية 44 .... الجزمة خسارة بصراحة ...غاليه .
ازاى اوسعها شويه؟؟؟

شكرا

[أبو آسر]

أنا شفت طريقة قبل كده بس مجربتهاش لكن أعتقد أنها عملية
هتجيب كيس فاضي وتملاه مية وتحشره كويس في الجزمة وتحط الجزمة في الفريزر المية هتتمدد لما تتلج وهتضغط على الجزمة وتوسعها :)

[mohamed_selim]

من ٤٣ ل ٤٥ كتير .... لو نمره او نص نمره توديها لواحد بتاع جزم بيحط فيها قالب بيكبر و توسع حاجه بسيطه (يعنى تكون بتخش فى رجلك بس مضايقاك او واجعه صباعك) انما نمرتين ماظنش انها هتنفع

اقولك .... صغر رجلك :))))) اخوك مقاسه ٤٦

[mk3]

وديها للجزمجى وهو عنده مكنه

[salodas]

تمام يا شباب ... هوديها للجزمجى وهو يتصرف .
هى فعلا بتدخل فى رجلى ولكن عورتنى من فوق كعب رجلى ..

[Ahmed_Adham]

اللي اعرفه ان الجزمه مش بتوسع بالطول يعني 43 مش هتبقى 44 ولا 45 لكن الوش هوه اللي بيوسع لو رجلك عريضه وبالتالي بتوسع بالعرض بس.

على فكره مقاس رجلي 47 ومحدش يتريق...

[mohamed_selim]

تمام يا شباب ... هوديها للجزمجى وهو يتصرف .
هى فعلا بتدخل فى رجلى ولكن عورتنى من فوق كعب رجلى ..

بص كده صعب و ممكن تبوظ
روح لبتاع جزم و احكيله و شوف

[JAM]

على فكره مقاس رجلي 47 ومحدش يتريق...

طب قولى بتجيب جزمك منين... علشان انا مقاسى زيك ومبعرفش أجيب الجزم بتاعتى الا من بورسعيد

[mk3]

طب قولى بتجيب جزمك منين... علشان انا مقاسى زيك ومبعرفش أجيب الجزم بتاعتى الا من بورسعيد

طولك اد ايه

[mk3]

اللي اعرفه ان الجزمه مش بتوسع بالطول يعني 43 مش هتبقى 44 ولا 45 لكن الوش هوه اللي بيوسع لو رجلك عريضه وبالتالي بتوسع بالعرض بس.

على فكره مقاس رجلي 47 ومحدش يتريق...

طولك اد ايه

[dedi]

جرب طريقة المياة لانى سمعت عنها من قبل
بلاش فكرة القالب والجزمجى لانة بيضع قالب اكبر بها بعد فترة قليلة هاتلاقيها اتفرتكت اى تفككت من بعضها ودة عن تجربة مرتين
لو ينفع ترجعها او تبيعها هايبقى افضل

[3mr Farrag]

[QUOTE=dedi;3875280994]جرب طريقة المياة لانى سمعت عنها من قبل
بلاش فكرة القالب والجزمجى لانة بيضع قالب اكبر بها بعد فترة قليلة هاتلاقيها اتفرتكت اى تفككت من بعضها ودة عن تجربة مرتين
لو ينفع ترجعها او تبيعها هايبقى افضل[/QUOTE
تتفرتك ازاي
انا لسه مودي كوتشي امبارح عند الجزماجي يوسعها شويه
روحتله انهارده المفروض تكون خلصت قاللي عملتها تاني علشان ماتظبطتش

ماستخدمتوش كتير و جلد طبيعي و مش رخيص :(

[salodas]

الحق يا معلم الكوتش

[h_shahin]

فين ايام زمان لما كنا عيال صغييرين كانت الجزم بتصغر علينا بسرعة فأهلنا الطيبين يقوموا شايلين الفرشة منها فتوسع شوية .....

بس الموضوع ده ما ينفعش غير لو نعل الجزمة فلات مش مفرغ

[dedi]

[QUOTE=3mr Farrag;3875281056]

جرب طريقة المياة لانى سمعت عنها من قبل
بلاش فكرة القالب والجزمجى لانة بيضع قالب اكبر بها بعد فترة قليلة هاتلاقيها اتفرتكت اى تفككت من بعضها ودة عن تجربة مرتين
لو ينفع ترجعها او تبيعها هايبقى افضل[/QUOTE
تتفرتك ازاي
انا لسه مودي كوتشي امبارح عند الجزماجي يوسعها شويه
روحتله انهارده المفروض تكون خلصت قاللي عملتها تاني علشان ماتظبطتش

ماستخدمتوش كتير و جلد طبيعي و مش رخيص :(

كان عندى جزمة انجليزى جلد طبيعى حاجة محترمة بس كانت ضيقة نمرة الجزمجى بيحط قالب النمرة الاكبر فبيضغط على الجلد علشان يوسع فاضعف نقطة بعد كام يوم مع اللبس بتتفرتك ودة حصل معى فى جزمتين
اعتقد فى الكوتش الموضوع مختلف شوية