ديب فريزر كريازى نوفروست بيعمل تلج

[abdelrahmaaan]

لو سمحم انا عندى ديب فريزر كريازى جديد مكملش سنتين وحالته كويسة ومحافظين عليه بقاله شهرين بيعمل تلج كتير ورا الادراج وفى كل مكان ياترى ايه السبب مع اننا مش ماليينه اكل على الاخر ؟؟!

[الاستاذ]

اتصل بالضمان

[abdelrahmaaan]

طيب ممكن يكون ايه السبب لو حاجة بسيطة مثلا؟؟

[aminibrahim]

الفتح والقفل الكتير

[speed_magnum]

المفروض في درج صغير فوق الادراج
ببتجمع فيه التلج بتشيله وتفضي اي تلج فيه كل فترة
ممكن انت ما نضفتوش

[abdelrahmaaan]

فعلا فى حوض صغير فوق خالص بيتحط فيه قوالب التلج وكان مجمع تلج كتير ودا مبننضفوش ممكن يكون دا السبب؟؟ وفى مشكلة تانية حصلت حوض تجميع المية اللى فوق الموتور اللى بيتجمع فيه مية الفريزر ورا جيت اشيله عشان افضيه فيه سن اللى بيمسك فى الموتور اتكسر بس انا حطه عادى فوق الموتور وبينزل المية عليه عادى بس السن اللى بيمسك فى الموتور اتكسر هل دا يأثر ولا عادى؟؟! وهل ممكن الاقيه بيتباع ؟

[أحمد كمال]

ممكن تكون رافع التبريد بزيادة ...... حصلت معايا

[احمد المصرى]

قلل التبريد خليه على 1 احنا دخلنا الشتاء خلاص وممكن تفصله كام ساعه علشان لو فيه ثلج على المروحه يتشال لانه بيقلل كفائه الجهاز حسب كلام فنى الضمان

[Eng_hatemfathy]

عمايل التلج ليها اكتر من سبب
بعضها سهل وممكن تعلمه لانه مش محتاج قطع غيار
1- الكوتش غير محكم وده بيدخل بخار مياه وبيعمل تلج على جسم الفريزر وده علاجه انك تغسل الكوتش بمياه ساخنة جدا وتشده بالراحه لبره بحيث انه يتفرد
2- بيكون فى سدد فى خرطوم تصريف المياة المتصل من الحوض العلوى فى الفريزر الى الحوض السفلى اعلى الموتور لان النو فروست بها تايمر وهيتر يعملان كل 6 ساعات تقريبا لاذابة الثلج وتصريف مياهه الى اسفل حيث تؤدى حرارة الموتور الى تبخيرها والحل ان حضرتك تشفط من الخرطوم وتتأكد انه سالك ولو لقيته مكتوم يبقى محتاج تسليك ومش عارف هل حضرتك هتعرف تعملها بنفسك ولا لأا -انا افضل انك لو مش متخصص او فاهم فى التلاجات انك تجيب فنى
3- احيانا الشمع او الصلصال اللى حوالين فتحة خروج المواسير الخلفية الى الموتور بيكون مهوى وبيدخل بخار مياه فبيعمل تلج -جرب تسيح بصوابعك الصلصال ده بحيث تتاكد انه قفل الفتحه باحكام
لو لم تفلح اى من تلك الوسائل يبقى محتاج التوكيل لان ممكن تكون فى مشكله فى الهيتر او التايمر ومش بيسيح التلج

[Ahmed_selmy]

غالبا الثرموستات بايظ

[abdelrahmaaan]

شكرا ليكم جدا انا لاحظت ان التلج بيبدأ من فوق خالص من فوق الرف الصغير اللى بيتحط فيه قوالب التلج لاحظت ان المية بتتكون نقط من فوق وبتنزل لحد تحت تلج ياترى دا سببه ايه بالظبط؟؟

[abdelrahmaaan]

عمايل التلج ليها اكتر من سبب
بعضها سهل وممكن تعلمه لانه مش محتاج قطع غيار
1- الكوتش غير محكم وده بيدخل بخار مياه وبيعمل تلج على جسم الفريزر وده علاجه انك تغسل الكوتش بمياه ساخنة جدا وتشده بالراحه لبره بحيث انه يتفرد
2- بيكون فى سدد فى خرطوم تصريف المياة المتصل من الحوض العلوى فى الفريزر الى الحوض السفلى اعلى الموتور لان النو فروست بها تايمر وهيتر يعملان كل 6 ساعات تقريبا لاذابة الثلج وتصريف مياهه الى اسفل حيث تؤدى حرارة الموتور الى تبخيرها والحل ان حضرتك تشفط من الخرطوم وتتأكد انه سالك ولو لقيته مكتوم يبقى محتاج تسليك ومش عارف هل حضرتك هتعرف تعملها بنفسك ولا لأا -انا افضل انك لو مش متخصص او فاهم فى التلاجات انك تجيب فنى
3- احيانا الشمع او الصلصال اللى حوالين فتحة خروج المواسير الخلفية الى الموتور بيكون مهوى وبيدخل بخار مياه فبيعمل تلج -جرب تسيح بصوابعك الصلصال ده بحيث تتاكد انه قفل الفتحه باحكام
لو لم تفلح اى من تلك الوسائل يبقى محتاج التوكيل لان ممكن تكون فى مشكله فى الهيتر او التايمر ومش بيسيح التلج

اولا شكرا لحضرتك ثانيا اانا اتأكدت ان الخرطوب بتاع التصريف شغال كويس لان حوض الصرف مليان مية والموتور سخن وبيبخره ثانيا الكاوتشة بتاعة الباب برضو ماسكة كويس اما موضوع الصلصال فمش ففاهم حضرتك تقصد انهى اللى ماسك اول خرطوم الصرف من جوة التلاجة ولا حاجة تانية ..ثانيا انا وانا بشيل حوض الصرف من ورا الريشة اللى ماسكة الحوض فى الموتور اتكسرت بس انا حاططها عادى فى مكانها فوق الموتور وماسكة كويس هل دا يأثر فى حاجة ..وشكرا واسسف للازعاح

[abdelrahmaaan]

وعلى فكرة يا جماعة انا لاحظت ان فى نقط مية خفيفة بتنزل من اوا خرطوم حوض الصرف لبرة التلاجة يعنى واضح ان فى تسريب خفيف فى اول خرطوم الصرف من جوة التلاجة يا ترى دا علاجه ايه ولا اكلم فنى وخلاص لان الضمان عليها سنة من كريازى والسنة خلصت ولا اكلم كريازى يجيبولى فنى وادفعله تكلفة التصليح؟؟ايه رأيكم فى الموضوع دا؟؟

[Eng_hatemfathy]

اولا شكرا لحضرتك ثانيا اانا اتأكدت ان الخرطوب بتاع التصريف شغال كويس لان حوض الصرف مليان مية والموتور سخن وبيبخره ثانيا الكاوتشة بتاعة الباب برضو ماسكة كويس اما موضوع الصلصال فمش ففاهم حضرتك تقصد انهى اللى ماسك اول خرطوم الصرف من جوة التلاجة ولا حاجة تانية ..ثانيا انا وانا بشيل حوض الصرف من ورا الريشة اللى ماسكة الحوض فى الموتور اتكسرت بس انا حاططها عادى فى مكانها فوق الموتور وماسكة كويس هل دا يأثر فى حاجة ..وشكرا واسسف للازعاح

فى فى ظهر التلاجه من برا مواسير -هتلاقى المواسير دى خارجه من الفريزر وهتلاقى حواليها صلصال اخضر خاول تخليه مفروش على الفتحه كلها وقافلها باحكام
وعلى فكرة ضمان كريازى على التلاجات 5 سنين ياريت تبص على الضمان اللى معاك

[abdelrahmaaan]

فى فى ظهر التلاجه من برا مواسير -هتلاقى المواسير دى خارجه من الفريزر وهتلاقى حواليها صلصال اخضر خاول تخليه مفروش على الفتحه كلها وقافلها باحكام
وعلى فكرة ضمان كريازى على التلاجات 5 سنين ياريت تبص على الضمان اللى معاك

مفيش اى صلصال على المواسير بس انا لاحظت ان فى نقط مية خفيفة جدا جاية من اول خرطوم الصرف من فوق هل دا يعنى انه فى تسريب او حاجة بتدخل التلاجة وتعمل كدة؟وعلى فكرة انا قريت الضمان هو ضمان سنة على الكباس وخمس سنين ضد عيوب الصناعة