مول سيتى سكاب اكتوبر

[egyptawy2010]

سلام عليكم

ياجماعة سمعت انى فيه مول اسمه سيتى سكيب فى اكتوبر
المول ده حلو قوى للاطفال بيقولوا عند شرطة النجدة


حد يعرف فين المول ده وفى الحى الكام وياترى فيه باركنج ولا لا

وياريت لو حد راحه يقولنا ايه الاخبار هناك

[mido_soliman]

لو حضرتك من اكتوبر
لو انت جاى من الحصرى حتعدى ميدان الحصرى وتفضل ماشى طوالى لحد الميدان اللى بعدة وتدخل يمين حتلاقيه فى اخر الشارع على ايدك الشمال وحيبقى فى المنطقة دى بردة فى ميدان تانى فى اخر الشارع
ايوة المول فى بارك للسيارات
نظام المول انا معرفوش لانى مرحتوش غير مرة يمكن اول ما فتح وبيتهيالى اكيد اتغير واكيد فى محلات كتير فتحت كل اللى اعرفة
انة فية مجموعه كافيهات
وصاله تزحلق للاطفال
وسينمات
وف اخر دور فى فيديو جيم للاطفال بردة
وفى فرع لسبينس موجود فيه بردة بس صغير جدا عن اللى فى مول العرب

[A.Saad]

الثالث
بعد الحصرى على المحور الخدمى مش المركزى
الاطفال هناك اللى اعرفه
تأجير حصان لعبة بس حجم كبير وتزحلق جليد
وفيه سينما وسبينس

[egyptawy2010]

الثالث
بعد الحصرى على المحور الخدمى مش المركزى
الاطفال هناك اللى اعرفه
تأجير حصان لعبة بس حجم كبير وتزحلق جليد
وفيه سينما وسبينس

يعنى قصدك اخلى الحصرى على يمينى واعدى 3 ميدان

[Y a r i s]

انتا مش اول ما تخش اكتوبر هتلاقي النادي على يمينك اول ما يبقى النادي على يمينك امشي على طول هتلاقي صنية. صنيتين. التالته على طول سيتي اسكيب عندها ولا تسئل ولا تحتار ولا يمين ولا شمال بس ده سنتر صغير او مول بي بي كده مش يعني واااااو. قوي بس سبحان الله واخد صيت قوي ومسمع في المنطقه

وممكن كمان تخلي النادي على يمينك وتمشي على طول وعد بالزبط يا باشا خمس مطبات. هو بالزبط بعد خامس مطب ب ١٠٠ متر

[A.Saad]

انتا مش اول ما تخش اكتوبر هتلاقي النادي على يمينك اول ما يبقى النادي على يمينك امشي على طول هتلاقي صنية. صنيتين. التالته على طول سيتي اسكيب عندها ولا تسئل ولا تحتار ولا يمين ولا شمال بس ده سنتر صغير او مول بي بي كده مش يعني واااااو. قوي بس سبحان الله واخد صيت قوي ومسمع في المنطقه

وممكن كمان تخلي النادي على يمينك وتمشي على طول وعد بالزبط يا باشا خمس مطبات. هو بالزبط بعد خامس مطب ب ١٠٠ متر

كام مطب بين عماد راغب والواحات

[Y a r i s]

:018a1d~146::018a1d~146::018a1d~146::018a1d~146::0 18a1d~146::018a1d~146:





كام مطب بين عماد راغب والواحات :b4_282::b4_282::b4_282:

ههههههه
ده سؤال في المعلومات العامة هههههه. بين عماد راغب وطريق الوحات ٣ مطبات صنع يدوي ... وحالياً يتم توسيع محور الكفراوي وانشاء الله هيزودوا عدد المطبات في الخطة الخامسية الجاية هههه

[egyptawy2010]

معلش يايارس اصل موضوع الباركنج ده عاملى عقدة

هل المول ده فيه باركنج وامان زى مول العرب كده ولا هاركن فى الشارع

وياترى فى ايه مميز كده للاطفال

[A.Saad]

ههههههه
ده سؤال في المعلومات العامة هههههه. بين عماد راغب وطريق الوحات ٣ مطبات صنع يدوي ... وحالياً يتم توسيع محور الكفراوي وإن شاء الله هيزودوا عدد المطبات في الخطة الخامسية الجاية هههه

طيب
اعمل لنا بقى خريطة مطبات هناك

[A.Saad]

لو جاى من بعيد بلاش
يبقى حاجة قربك ماشى
لو قريب يبقى تمام
فيه خروجة تانية عن حاجة اسمها القرية الكونية عند مدرسة المتفوقين ورا حى الاشجار
دى فيها مجسم لكل اثار مصر
ممكن تشوف تليفونها
اعتقد تبقى خروجة كويسة معاها

[الجنرال]

معلش يايارس اصل موضوع الباركنج ده عاملى عقدة

هل المول ده فيه باركنج وامان زى مول العرب كده ولا هاركن فى الشارع

وياترى فى ايه مميز كده للاطفال

بص يا سيدي

الركنة هناك فى الشارع .. بس متقلقش .. في عيال بتركن هناك وبتديهم اتنين جنيه ولا تلاتة وخلاص

متقلقش من الركنة لان في عربيات كتيرة راكنة هناك .. وان شاء الله مفيش حاجة تحصل

حاجات الترفيه للاطفال في كذا حاجة:
1- التزحلق على الجليد .. اللى كل الناس بتدخل على تقع واللى بيتفرج يضحك عليهم (معرفش ليه حد يلعب حاجة هو مش عارفها اصلا)
2- في ملاهي صغيره للاطفال .. الطيارات اللى الاطفال بيركبوها وتلف بيهم كام مرة وكده .. ظريفة .. تنفع لاطفال لحد 6 سنين مثلا
3- حاجة جديدة فتحت معرفش اسمها ايه .. هيا عبارة عن متاهات والاطفال يدخلوها وجواها في كذا لعبة .. زي الترمبولين وكده
4- فوق فى الدور الاخير في زي فيديوجيم سنتر .. فيه العاب كتيرة جدا فيديوجيم .. من عربيات ومسدسات وبولينج وحاجات كتيرة قوي .. ينفع للاولاد الكبار في اعدادي وثانوي اللى هما بيلعبوا على الكمبيوتر وجيل الاي باد .. وبالمرة تلعب مع اولادك برضه :) (اسعار الالعاب نوعين .. لعبة عادية بتبقى حوالي 5 جنيه وسمعت انها زادت الى 7.5 جنيه.. والعاب جامدة وفيها مؤثرات وحركات ودي المرة الواحدة حوالي 10 - 15 جنيه)

هيا كتجربة للاطفال هتبقى ممتعة جدا .. وبالنسبة للى فى اكتوبر فهي اول مدينة فيها العاب للاولاد .. لكن اعمل حسابك على فلوس كويسة تدفعها

ربنا يوفقك ان شاء الله

[الجنرال]

بالمناسبة صحيح .. نسيت اقولك فى موضوع الركنة ده ان في جراج داخل المول من تحت .. تقدر تدخل وتركن فيه .. هو بفلوس (معرفش كام بصراحة) لكن الاوبشن ده موجود لو انت قلقان من الركنة بره المول في الشارع

[Y a r i s]

بالنسبة للركنة زي ما قالوا الزملاء كده. واحب اضيف متقلقش. لو تحب تركن عربيتك في الميدان ذات نفسوا اركنها. عادي ياباشا مفيش مرور عندنا براحتك ياباشا. في اكتوبر. اقلق بس لمن تيجي تركنها في حته مقطوعه او تركنها قدام بيت او باب حد حتى لو كان صاحب البيت عندو چراش محدش بيحب يلاقي عربية غريبة قدام بيتوا ابدااااااً بتحصل مشاكل ...

وبص ياباشا اذا جيت اكتوبر خلي البانزينة بتاعت الحصري على يمينك والحصري وراك وامشي على طول اول شارع عمومي يمين في يمين في شمال. هتلاقي كافيه اسمو فاملي ممتاز. وفيه بعد كافيه. اسمو اورنج اسعاروا معقوله جداً ورخيصه وقعدة عائلية نضيفة جداً

[ahmedkhairy]

متابع