بالنسبه لمواضيع الارتباط حد متجوز من النت d;

[ahmad--ezzat]

سلام عليكم
هل الحياة بتبقي فاشلة لو واحد عرف واحده من خلال facrebook او اى برنامج اجتماعي وارتجوزها !!!

طيب حد يعرف ناس متجوزه عن طريق حاجه زى كده ؟؟؟

طيب بلاااااااااااش....مش شايفين ان جواز النت زى جواز الصالونات !!!!!!!؟


ايه رايكم ؟

[تامر.محمد]

انا :)

بس في حالتي انا و زوجتي كنا مشتركين في مجتمع عملي على الانترنت مثلا لمدة سنة شفت فيها هي بتتعامل مع الآخرين ازاي في مواقف كتير , يعني الموضوع ما كانش خبط لزق كده

و حتى بعد كده , لما بقى فيه مشروع زواج بدأ كزواج صالونات عادي جدا جدا جدا من الاول خالص بكل تفاصيله و خطواته ولا كأن حد فينا كان يعرف التاني , مجرد مثال , انا ما اخدتش رقم تليفونها غير لما كنا قرينا الفاتحة :)

[eng wael]

الاخ الفاضل
هيا خلاص الدنيا ضاقت بينا علشان نروح نتجوز من النت
المشكله ان الناس دايما تقولك انا مش لاقى عرايس كويسه ماهو فعلا بنات الاصول مش هتلاقيهم حواليك كتير لانها بتكون مصونه فى البيت يعنى لازم تتعب شويه لحد ماتوصل لها دة لو عايز واحده تعييش معاك
بنات الناس كتير لان مش معقول البلد معدش فيها ناس محترمين بيربو بناتهم على الاخلاق والفضيله
واعتقد انك ممكن تبدأ تدور بشكل عكسى يعنى لو تعرف راجل محترم تتوسم فيه الاخلاق يبقى دور شوف عنده بنات ولا لأ وممكن تشوفها الاول من بعيد ولو استريحت او لقيت قبول اتوكل على الله
ودائما وابدا عليك بالاستخارة وربنا يوفقك
بس انت مستعجل ليه على الشقا هههههه
تحياتى

[ahmad--ezzat]

الاخ الفاضل
هيا خلاص الدنيا ضاقت بينا علشان نروح نتجوز من النت
المشكله ان الناس دايما تقولك انا مش لاقى عرايس كويسه ماهو فعلا بنات الاصول مش هتلاقيهم حواليك كتير لانها بتكون مصونه فى البيت يعنى لازم تتعب شويه لحد ماتوصل لها دة لو عايز واحده تعييش معاك
بنات الناس كتير لان مش معقول البلد معدش فيها ناس محترمين بيربو بناتهم على الاخلاق والفضيله
واعتقد انك ممكن تبدأ تدور بشكل عكسى يعنى لو تعرف راجل محترم تتوسم فيه الاخلاق يبقى دور شوف عنده بنات ولا لأ وممكن تشوفها الاول من بعيد ولو استريحت او لقيت قبول اتوكل على الله
ودائما وابدا عليك بالاستخارة وربنا يوفقك
بس انت مستعجل ليه على الشقا هههههه
تحياتى

وجهه نظر محترمه جدا
بس انا معرفتش حد من خلال النت نهائى...بس انا بنت خالتى عندها فيس بوك مثلا وقرايبى و و و و و وكلهم ما شاء الله كويسين
بس فى ملحوظه
مش كل البنات اللى بتبقى على الفيس بوك مثلا او تويتر مش محترمين

لا في كتير ولاد ناس وصادقين جدا...يعنى انا ضد حد يقلك ايييييييييه دة بنت من النت تبقى كذا و كذا وكذا

احنا ف عصر تكنولوجيا ...ووسائل الاتصال بقت سهله جدا جدا

وصدقنى شويه كده وهتلاقى نسبه كبيره جدا جدا اتجوزوا من النت

[ahmad--ezzat]

[QUOTE=eng wael;3875282140]

انا :)

بس في حالتي انا و زوجتي كنا مشتركين في مجتمع عملي على الانترنت مثلا لمدة سنة شفت فيها هي بتتعامل مع الآخرين ازاي في مواقف كتير , يعني الموضوع ما كانش خبط لزق كده

و حتى بعد كده , لما بقى فيه مشروع زواج بدأ كزواج صالونات عادي جدا جدا جدا من الاول خالص بكل تفاصيله و خطواته ولا كأن حد فينا كان يعرف التاني , مجرد مثال , انا ما اخدتش رقم تليفونها غير لما كنا قرينا الفاتحة :)

ربنا يوفقك ياباشا :)

[mastr_n]

من الأخر كدة
مافيش حد بيتجوز غير مراتة
كلة مكتوب وانت فى بطن أمك هاتتجوز مين وزريتك مين وهاتكون شقى ولا سعيد

والطيبون للطيبات أظفر بذات الدين تربت يداك أو كما قال سيدنا محمد صلى اللة علية وسلم

[mk3]

اعرف ناس اتجوزوا من النت
لكن خدوا فتره كبيره فى قبل الخطوبه والخطوبه
يعنى عرفوا بعض شخصيا فتره غير رسمية ورسمية ايضا طويله

[Moustafa.yonis]

انا اتجوزت عن طريق النت
انا مدون وزوجتي كانت مدونة، يعني كنا نعرف بعض في اطار التدوين لكن برضة الموضوع لما قلب لجواز كان صالونات

وفي النهاية هو نصيب وزرق

[ahmed4000]

وايه الفرق بين ققابلتها على النت وقابلتها فى الشغل

يعنى نايل موتورز هنا ممكن تشوف بنات كتير محترمات...طيب ايه الفرق لو كنت فى التوكيل وشوف بنت وعجبتك وحابب تتقدملها

ومش عارف ايه علاقة الاخلاق والاحترام بالموضوع....هو فى بنت مبتستخدمش الانترنت

المهم بتستخدمه ازاى وبتتعامل مع الاخرين ازاى

[mk3]

وايه الفرق بين ققابلتها على النت وقابلتها فى الشغل

يعنى نايل موتورز هنا ممكن تشوف بنات كتير محترمات...طيب ايه الفرق لو كنت فى التوكيل وشوف بنت وعجبتك وحابب تتقدملها

ومش عارف ايه علاقة الاخلاق والاحترام بالموضوع....هو فى بنت مبتستخدمش الانترنت

المهم بتستخدمه ازاى وبتتعامل مع الاخرين ازاى

لله يفتح عليك.....المهم بستخدمه ازاى
للاسف ظاهره نت وشات تحت البطانيه انتشرت بطريقه كبيره

[FAR!D]

انا متجوز من على النت و طلعوا ناس زي الفل و عادي ماجواز الصالونات زي النت زي البطيخه لما تفتحها حتعرفها

[Hunting_Eagle]

بعد عشرين ستة هيبقى جواز النت عامل زي جواز الصالونات دلوقتي

و لعد عشرين ليه .. هم عشر سنين كويسين

:)

[Hacker5]

صاحبى اتجوز واحدة عرفها من على الفيس و قابلها و الموضوع مشى و اتجوزوا الشهر اللى فات

[midooo_119]

صاحبى اجوز من عالنت من 4 سنين و مبسوط و عنده ولد وبنت وانا كمان بدخل و ادور بس لسه مالقيتش الى يناسبنى .. من الاخر الى بتستخدم النت هى اختك او قريبتك او جارتك المهم بتستخدمه ازاى و فى ايه

[dreslam]

النت اصبح بديل عن الشارع وحتى الكافيه وخلافه.الدايره زمان كانت تشمل الجيران والحبايب والصحاب كلنا كنا بنقف في الشارع في الحاره عالناصيه جنب السينما في الملاهي عالكورنيش الخ....اختفى الكلام ده واستبدل اجتماعيا وفكريا وحواريا بالنت والفيس والبلوجز الخ.نعم جواز الانترنت قد يكون قسم من الاقسام النوعيه الحديثه لطريقه المصريين والعرب السائده في الزواج الا وهو زواج الصالونات العظيم اللي اغلبيتنا من ضحاياه هاهاها