مقابلة المنتدي الاسريه في حدائق جاردينا بطريق السويس الجمعه 22 نوفمبر

[Karim_Monir]

السادة الاعضاء الافاضل
السلام عليكم ورحمه الله
بقالنا كتير ماتجمعناش من مقابلة رمضان اللي فات
وبناء علي طلب الاعضاء قولنا هانتقابل باذن الله
الميعاد الجمعه 22 نوفمبر القادم الساعة 10 صباحا
المكان حدائق جارينيا التابعه للقوات المسلحة بطريق السويس (بعد كوبري الجيش مباشرة وجنب بنزينة وطنية اللي في مطلع الطريق الدائري من طريق السويس وانت متجه للرحاب

باذن الله هانخد شالية علي حمام السباحة لتغيير الملابس ووضع الشنط او استغلاله كغرفة تغيير ملابس للاطفال وغيرة (في حالة الامكانية لاني عرفت ان الجمعه دايما محجوز للظباط لكننا بنحاول ولو منفعش مش هاتفرق كتير لان معتقدش حد هاينزل المية )
الشاليه ده هديه من نايل موتورز للاعضاء مش هايتحملو اي تكاليف ليه
الدخول هايكون مقابل تذكرة ب 10 جنيهات فقط شاملة الجلوس سواء علي حمام السباحة او الحدائق او القاعة الداخلية
بخصوص الغداء هايكون فيه ترتيب بوجبة ميكس جريل تم الاتفاق عليها شاملة وجبة ميكس جريل و عصير وكان بيبسي وزجاجة ميه صغيرة وبالدخول هاتكون في حدود 55 جنيه مصري ان شاء الله
وبعد كدة اللي عايز يطلب اي مشاريب بتكون بتمن بسيط المشورب بين 3 الي 5 جنيهات
المكان جميل وواسع ويكون يوم في الهواء الطلق بكامل الخدمات ونتمني نشوفكم قريب خاصة اني حضرت مقابلة كيا فيه من سنتين وكان اكتر من رائع والاكل بتاعهم حلو ونضيف والمكان بصفة عامة كويس
الشكر كل الشكر لاستاذ وائل فوزي ابو ليلي اللي قام بكل المجهود من ترتيب اليوم والحجز وكل التفاصيل
وللاعضاء مش مطلوب منك غير انك تحط بعضك في عربيتك انت واسرتك واطفالك تيجي نقضي يوم حلو واسري
فقط مطلوب منك تقول هنا انك جاي عشان نعرف عدد تقريبي للحضور
مفيش حجز مسبق ولا تحويل دفعه حجز ولا اي حاجة
وبخصوص الباركينج في باركينج برة ببلاش
وباركينج جوة ب 5 جنيه فاختار اللي يريحك

ملحوظة :
الدار تابعه للقوات المسلحة وتطبق جميع قواعد وشروط القوات المسلحة

خالص تحياتي
ونشوفكم بخير

[A.Saad]

مقابلة سعيدة ان شاء الله
جاردينيا مكان جميل
والطريق اليه سهل جداً

[Samah AbdAllah]

مقابلة سعيدة ان شاء الله
جاردينيا مكان جميل
والطريق اليه سهل جداً

ماله الكاسيت يعنى :-)
جاى ولا مش جاى يعنى مش مقبول منك اعذار على فكرة

[sherifowahba]

ان شاء الله احاول و اكون معاكم لانكم و احشني جدا جدا الكل بلا استثناء

[MTAK]

ماله الكاسيت يعنى :-)
ة

فضلت 5 دقائق متنح مش فاهم يعني ايه

و ايه مشكلة الكاسيت عنده و علاقته بالموضوع.

[A.Saad]

ماله الكاسيت يعنى :-)
جاى ولا مش جاى يعنى مش مقبول منك اعذار على فكرة

كاسيت ايه
انتى مين وبتعملى ايه

[Sharky]

ححاول اجى ان شاء الله

[damasry]

بإذن الله تعالى ها احضر المقابلة بس بشرط ان شنورى يحضر هو كمان :)

[eng.octooo]

انا معاااااااكم وحشتونى والله من زمااان ماشفتكمش :) بس لازم موضوع اسري دى ولا ممكن اجي سناجل :) او ممكن اتبنى اى طفل واقول انة ابنى عادى خالص :)

[elmkaneeki]

فضلت 5 دقائق متنح مش فاهم يعني ايه

و ايه مشكلة الكاسيت عنده و علاقته بالموضوع.

رايح ولا لا يابو الكيمياء

[Samah AbdAllah]

فضلت 5 دقائق متنح مش فاهم يعني ايه

و ايه مشكلة الكاسيت عنده و علاقته بالموضوع.

ههههههههههههههههههههههه
طيب وصلت ولا لسة :)
اصله داخل يدعي وخلاص وماقالش انه جاى
وطبعا مفيش احتمال يقول مش جاى عشان هو عارف انه ميقدرش اصلا
وبعدين برضه ما قلوتلناش يا محمد بيه هتيجى الساعة كام

كاسيت ايه
انتى مين وبتعملى ايه

هههههههههههههههههههه
برضه انا اختك الصغيرة طبعا
مستنيينك انت والمدام
مفيش حجة المقابلة عندكم اهيه

[Ashraf_Ibrahim]

ان شاء الله انا جاي :d

[kh_talaat]

بإذن الله معاكم ... اخيرا بعد انتهاء الحظر هنرجع نتقابل من تاني

[نجم]

ان شاءالله جاي

[نجم]

ان شاءالله جاى وحشتونى جدا