فى حاجه غريبه فى العربيه

[akramlail]

لاحظت ان الارضيه تحت الكرسي اللى جمب السواق عاليه زى مقببه كده حد عندو فكره ده من اى
العربيه بولو 95

[Ahmed_selmy]

غالبا والله اعلم ان حد حط الكوريك فى مكان غلط يعنى مش فى مكانه المظبوط على عصب فى اسفل العربيه....لان الموضوع دا حصل معايا فى 127
العلاج انك تدق عليها بشاكوش على الجزء المقبب حترجع عادى زى ما كانت .

[windofchange]

بس يعملها سمكري لانها عايز حرفية اكيد ودائما وبتاع الكاوتش بيرفع العربية عينك معاه وانزل بص بيحط الكريك فين وطنشه لو بصلك باستغراب لان كتير منهم جاهل وبيرفع من اي حته ويقلك انت هتعرفني شغلي واحد قبل كده رفع العربية من خرطوم زيت الباكم!!وقلتله قالي هتعرفني شغلي نفضت له وقلت مش هجيله تاني لان خلاص رفع العربية

[akramlail]

طب كد هيضطر يحل فرش الارضيه ولا اى عشان الحاجه اللى بيحلها اى صنايعى مبترجعش تانى

[windofchange]

اكيد بس ممكن والله اعلم تخليه يدق عليها من غير فك

[amoor89]

نفس الموضوع عندى
ابقى قولنا عملت ايه

[Elawany13]

قبل ما تروح لسمكرى اتأكد الأول ان ده عيب فى عربيتك وذلك بمقارنتها بعربية نفس الماركة والموديل بالضبط
لإنه احتمال كبير يكون مش عيب ولا حاجه ويكون هوه ده العادى
غالبا فى معظم العربيات بيكون فيه تجويف زى ده بيدخل فيه علبة البيئة بتاعت الشكمان لحمايتها من الاحتكاكات والمطبات