مهندس ولا ضابط مهندس ؟

[Hikayat]

انا واقع في حيره شديده جدااااا وكنت محتاج رايكم علشان يساعدني في قرار مش عارف اخده فانا صليت استخاره وقلت اسالكم وربنا يقدم اللي فيه الخير ان شاء الله

انا خريج ميكانيكا باور دفعه 2013 تقديري مقبول وطبعا مش لاقي شغل علشان مفيش شغل دلوقتي في البلد خالص حتي اللي معاه واسطه برضه تقريبا مفيش شغل نهاااااائي المصانع بتقفل والحاله في الارض
المهم انا مش عارف اقدم اكاديميه حربيه ولا لا ؟ مع العلم اني لو قدمت بشكل كبير جدااا هخش ان شاء الله
فكنت محتاج رايكم .....
وقبل ما حد يقولي الحياه الميري صعبه وبتاع فانا مهندس ميكانيكا يعني شغلنا مقرف وصعب برضه ولو ربنا كرمني بشركه بترول ولا حاجه هيبقي شغلي في الصحراء يعني هبقي مدني بس ميري برضه
مستني ارائكم لاني الصراحه هعتمد عليها بشكل كبير لان الموضوع بالنسبالي متساوي ومش عارف اقرر

[#MAAM#]

أنا شايف ان موضوع الميري هيبقى صعب لو انت مش واخد على الحياة الميري ............ مهما كان لو اشتغلت بعيد عن الميري انت ملك نفسك تسيب الشركة ده وتروح ده عندك فرصة سفر تسافر من الاخر اللي انت عاوزة تعمله .......... بالنسبة للميري حد يكون ظابط مهندس ويفيدك أكتر عن الحياة وشكرا

[Ahmed_Adham]

فرصه سفر بره أحسن مليون مره من الميري. بس انت محتاج فعلا رأي ظابط مهندس يقولك السلبيات والايجابيات.

[eng/ahmed_go]

شوف يا باشا انت قدامك حاجتين

1-تدخل الجيش وتاخد اول ما تتخرج 4300 جنيه وطبعا هتبقى احسن من زمايلك اللي لسه متخرجين بس اعمل حسابك ان الزيادة مع السن مش كبيرة يعني لما تيقى مقدم (36 سنة تقريبا) هتزيد الف بالكتير يعني قول 5300 يعني هيبقى مرتبك اقل من المهندس اللي في سنك غير كده حياتك معظمها في صحراء مع نفسيات معقدة وهتفضل مرغم على الغيشة في البلد
الميزة (لبعض الناس) انك مش محتاج تطور نفسك كده كده هتاخد مرتبك اشتغلت او لاء
العيب علميا و عمليا انت هتبقى اقل من زميلك المهندس العادي
2-تفضل مهندس حر بس هتتعب اول سنتين تلاتة لغاية ما تستقر ولازم تطور نفسك اول باول
العيب :مرتب اقل من الجيش اول كام سنة ومحتاج تميز نفسك وتطورها هتبدأ حياتك الاسرة متأخرة عن بتاع الجيش
الميزة : خبرة علمية وعملية اكبر ،، لو تعبت من شركة ممكن تسيبها ،،،مرتب اعلى بعد اول 3 سنين


حضرتك اختار اللي هيريحك

[mr_vampire]

شوف يا باشا انت قدامك حاجتين

1-تدخل الجيش وتاخد اول ما تتخرج 4300 جنيه وطبعا هتبقى احسن من زمايلك اللي لسه متخرجين بس اعمل حسابك ان الزيادة مع السن مش كبيرة يعني لما تيقى مقدم (36 سنة تقريبا) هتزيد الف بالكتير يعني قول 5300 يعني هيبقى مرتبك اقل من المهندس اللي في سنك غير كده حياتك معظمها في صحراء مع نفسيات معقدة وهتفضل مرغم على الغيشة في البلد
الميزة (لبعض الناس) انك مش محتاج تطور نفسك كده كده هتاخد مرتبك اشتغلت او لاء
العيب علميا و عمليا انت هتبقى اقل من زميلك المهندس العادي
2-تفضل مهندس حر بس هتتعب اول سنتين تلاتة لغاية ما تستقر ولازم تطور نفسك اول باول
العيب :مرتب اقل من الجيش اول كام سنة ومحتاج تميز نفسك وتطورها هتبدأ حياتك الاسرة متأخرة عن بتاع الجيش
الميزة : خبرة علمية وعملية اكبر ،، لو تعبت من شركة ممكن تسيبها ،،،مرتب اعلى بعد اول 3 سنين


حضرتك اختار اللي هيريحك

الله ينور . وممكن نزود ان فرصة السفر اللي ممكن تساعدك انك تعمل في سنة اللي هتعمله في خمسة لو اشتغلت في مصر منعدمة في رقم 1 ومتاحة في رقم 2 .

[tmz9111]

انا شايف طبقا للاوضاع الحاليه توكل على الله وادخل ظابط مهندس وربنا يوفقك فى الخير ان شاء الله

[sasa44]

يا باشا علشان تبقي ظابط مهندس لازم تقدير جبد.... مش بيرضو بمقبول
واسأل واتأكد برضو علشان تفكر صح

[AHMADALY1999]

ظابط مهندس مش وحش خالص

[أحمد كمال]

بص هو فيه حاجة كمان

خبرتك العلمية و العملية هتبقى في البلالا

يعني كمان 10 سنين زميلك اللي اشتغل في القطاع الخاص هيفهم في الشغل عنك بكتير

و لو انت لاي سبب خرجت من الخدمة هتعيش بمعاشك

الخلاصة يعني


لا المهندسين هيعتبروك مهندس ....... و لا الضباط هيعتبروك ضابط ..... (الضابط المتخصص بيتعامل كانه درجة تانية في الجيش ..... مش زي الضابط بتاع حربية) .....

[benmatar]

خليك حر

[amr011111]

بص هو فيه حاجة كمان

خبرتك العلمية و العملية هتبقى في البلالا

يعني كمان 10 سنين زميلك اللي اشتغل في القطاع الخاص هيفهم في الشغل عنك بكتير

و لو انت لاي سبب خرجت من الخدمة هتعيش بمعاشك

الخلاصة يعني


لا المهندسين هيعتبروك مهندس ....... و لا الضباط هيعتبروك ضابط ..... (الضابط المتخصص بيتعامل كانه درجة تانية في الجيش ..... مش زي الضابط بتاع حربية) .....

كلام سليم تماماً
اخرك اللى اتعلمته فى كليه هندسه وشكراً
اما لو كنت دخلت مثلا فنيه عسكريه فخبرتك مش هتبقى زى خريج الهندسه العاديه

[Hikayat]

يا باشا علشان تبقي ظابط مهندس لازم تقدير جبد.... مش بيرضو بمقبول

لا يا باشا الاعلان نزل وهندسه من مقبول

شوف يا باشا انت قدامك حاجتين

1-تدخل الجيش وتاخد اول ما تتخرج 4300 جنيه وطبعا هتبقى احسن من زمايلك اللي لسه متخرجين بس اعمل حسابك ان الزيادة مع السن مش كبيرة يعني لما تيقى مقدم (36 سنة تقريبا) هتزيد الف بالكتير يعني قول 5300 يعني هيبقى مرتبك اقل من المهندس اللي في سنك غير كده حياتك معظمها في صحراء مع نفسيات معقدة وهتفضل مرغم على الغيشة في البلد
الميزة (لبعض الناس) انك مش محتاج تطور نفسك كده كده هتاخد مرتبك اشتغلت او لاء
العيب علميا و عمليا انت هتبقى اقل من زميلك المهندس العادي
2-تفضل مهندس حر بس هتتعب اول سنتين تلاتة لغاية ما تستقر ولازم تطور نفسك اول باول
العيب :مرتب اقل من الجيش اول كام سنة ومحتاج تميز نفسك وتطورها هتبدأ حياتك الاسرة متأخرة عن بتاع الجيش
الميزة : خبرة علمية وعملية اكبر ،، لو تعبت من شركة ممكن تسيبها ،،،مرتب اعلى بعد اول 3 سنين


حضرتك اختار اللي هيريحك

اهو المشكله اني عارف الكلام ده بالحرف وبرضه مش عارف اقرر
انا مش بتاع ميري خاااااااااااالص وطول عمري عايش حر نفسي ومبحبش حكم النفس ع النفس بالذات كمان اني اصلا مليش جيش
بس الجيش ميزته دلوقتي ان البلد دلوقتي بقت بتاعتهم ولسه ايامهم جايه كمان وكمان زي ما حضرتك قلت فوق هكبر دماغي وسواء اشتغلت او لا هاخد مرتبي
والله مانا عارف

انا شايف طبقا للاوضاع الحاليه توكل على الله وادخل ظابط مهندس وربنا يوفقك فى الخير ان شاء الله

اهو ده من اهم الاسباب اللي بتخليني اقول اخش

بص هو فيه حاجة كمان

خبرتك العلمية و العملية هتبقى في البلالا

يعني كمان 10 سنين زميلك اللي اشتغل في القطاع الخاص هيفهم في الشغل عنك بكتير

و لو انت لاي سبب خرجت من الخدمة هتعيش بمعاشك

الخلاصة يعني


لا المهندسين هيعتبروك مهندس ....... و لا الضباط هيعتبروك ضابط ..... (الضابط المتخصص بيتعامل كانه درجة تانية في الجيش ..... مش زي الضابط بتاع حربية) .....

واهو السببين دول من اهم الاسباب اللي بتخليني اقول مخشش
اني هبقي درجه تالته في الجيش بعد بتاع حربيه ( اولي ) وبتاع فنيه ( ثانيه ) وانا تالته
تاني حاجه اني سمعت ان 60 % من الجيش بيخرج علي 45 سنه واني غالبا هخرج ع السن ده اه هاخد معاش كويس وهاخد مكافاه نهايه خدمه محترمه بس في نفس الوقت زمايلي المهندسين هيبقوا بيقوا مرتبات اعلي بكتير

[Hikayat]

الف الف شكر لكل الناس اللي اهتمت وردت
وياريت لو في ظباط جيش او ظابط متخصص او مهندس ميكانيكا يدوني رايهم اكيد
انا عمري ما كنت محتار في حاجه بس المرادي محتار جدااا جداااا وفعلا الكفتين عندي متساويين

[3ateef]

الف الف شكر لكل الناس اللي اهتمت وردت
وياريت لو في ظباط جيش او ظابط متخصص او مهندس ميكانيكا يدوني رايهم اكيد
انا عمري ما كنت محتار في حاجه بس المرادي محتار جدااا جداااا وفعلا الكفتين عندي متساويين

بص, انا دكتور امتياز طب أسنان. وفى الايام اللى فاتت كان شاغلنى نفس الموضوع.
فيه فروق بين هندسة وطب فى الجيش, بس فيه حاجات مشتركة ما بينهم.

لو انت معندكش استعداد تفضل مربوط بالجيش لعدد من السنين مش قليل, يبقى كبر دماغك من الموضوع كله. لو شايف انك مش هتكون مرتاح من الشغل الميرى وحياتك اللى مش هتكون ملكك يبقى الغى الفكرة.

عندى اصحابى مهندسين اول ما خلصوا الجيش سافروا على السعودية وبمرتبات تعتبر كويسة كون انهم فى بداية حياتهم.

دخولك الاكاديمية ايوة هيديك بداية كويسة لحياتك, فلوس واستقرار من ناحية الشغل, بس على المدى البعيد مفتكرش ان الوضع هيكون نفسه.

اعمل استخارة وربنا يكرمك ويقدملك اللى فيه الخير.

[AHMADALY1999]

انا بعتلك رسالة معرفش وصلت و لا لأ