هل الحياة عادلة ؟!

[RAPID]

أحياناً أراها عادلة .. وأحياناً غير ذلك !
فماذا تراها أنت ؟

[moh19227]

اكيد عادله علشان ربنا عز وجل هوا اللى خلقها وربنا لا يظلم احد مثقال ذره

[Hobgoblin]

ربنا خلقها عادلة...لكن احنا اللي خليناها غير عادلة.

[eng wael]

الحياه هى قدرك الذى كتبه الله عليك من رزق وولد وصحه وجاه ومنصب
فاعلم ان الله هو العادل الحق
عندما يضيق الله عليك الرزق فانظر الى بدنك السليم واحمد الله لان غيرك مصاب ويتمنى الصحه
الرضا ثم الرضا بما قسم الله

[amr011111]

ماذا تقصد بهل الحياه عادله هل من منظور المال ام من اى منظور
معظم الناس إلا من رحم ربى بتعتقد ان علشان الحياه تبقى عادله انه المفروض يبقى غنى جداً وساكن فى فيلا وهكذا وذلك لأننا ننظر للحياه بمفهومنا أحنا ولكن فيه أشياء بنغض الطرف عنها فمثلا فيه ناس معاهم فلوس كتير جداً ومش هقول ان صحتهم تعبانه لا صحتهم كويسه برضه بس فيه حاجات بتخليه مش مبسوط كأنه مثلا فقد أحد أبنائه او أحد والديه فى سن صغير او انه معندوش راحة بال

زياره واحده فقط لاى مستشفى والانسان يحمد ربنا من هنا لاخر يوم فى عمره

ولو حصل وكل الناس معاها فلوس هتلاقى كل الناس مش محتاجه تشتغل ومش هنلاقى الزبال ولا السباك ولا النجار و...

[Maghraby1987]

اكيد عادله علشان ربنا عز وجل هوا اللى خلقها وربنا لا يظلم احد مثقال ذره

هو ده الكلام من الاخر

[mgheam]

طبعاً ليست عادلة
ولو كانت عادلة ماكان هناك اخرة تقتص من الظالم ويأخذ المظلوم حقة اللى ضاع في الدنيا

[حاتم سليم]

RAPID بك

اذا كنتُ تقصد بالحياه

الوقت من الميلاد للموت

فقطعاً هى ليست عادله .

اما اذا كنت تقصد بالحياه الوقت من الميلاد مروراً بالموت

ثم البعث و الحساب ثم الخلود فى الجنه او النار ( و العياذُ بالله )

فهى عادله و زى الفل ...

[Imhotep]

ايه هى الحياة؟ هى عبارة عن التفاعلات اللى بتحصل بين الناس و بعضهم كنتيجة للتعاملات بينهم يعنى الواقع اللى احنا عايشينه
و بالتعريف ده فهى طبعا غير عادلة

و لازم نفرق بين حاجتين عشان اللخبطة

الواقع و هو ده اللى غير عادل لان حياتنا كل شئ فيها نسبى و البشر كمان تقديرهم للاشياء نسبى فبالتالى مفهوم العدل بين البشر ايضا نسبى

لازم نفرق بين الواقع بتعريفه اللى فات ده و بين القدر اللى ربنا كاتبه لكل شخص...... و ده العدل فيه مطلق لانه يكتسب هذه الصفة من عدل الله سبحانه و تعالى و علمه المطلق ببواطن الامور

[RAPID]

اكيد عادله علشان ربنا عز وجل هوا اللى خلقها وربنا لا يظلم احد مثقال ذره

ونعم بالله

[RAPID]

ربنا خلقها عادلة...لكن احنا اللي خليناها غير عادلة.

وجهة نظر

[RAPID]

الحياه هى قدرك الذى كتبه الله عليك من رزق وولد وصحه وجاه ومنصب
فاعلم ان الله هو العادل الحق
عندما يضيق الله عليك الرزق فانظر الى بدنك السليم واحمد الله لان غيرك مصاب ويتمنى الصحه
الرضا ثم الرضا بما قسم الله

الحمد لله حمداً كثيراً

[RAPID]

ماذا تقصد بهل الحياه عادله هل من منظور المال ام من اى منظور
معظم الناس إلا من رحم ربى بتعتقد ان علشان الحياه تبقى عادله انه المفروض يبقى غنى جداً وساكن فى فيلا وهكذا وذلك لأننا ننظر للحياه بمفهومنا أحنا ولكن فيه أشياء بنغض الطرف عنها فمثلا فيه ناس معاهم فلوس كتير جداً ومش هقول ان صحتهم تعبانه لا صحتهم كويسه برضه بس فيه حاجات بتخليه مش مبسوط كأنه مثلا فقد أحد أبنائه او أحد والديه فى سن صغير او انه معندوش راحة بال

زياره واحده فقط لاى مستشفى والانسان يحمد ربنا من هنا لاخر يوم فى عمره

ولو حصل وكل الناس معاها فلوس هتلاقى كل الناس مش محتاجه تشتغل ومش هنلاقى الزبال ولا السباك ولا النجار و...

أقصد التعب فى الحياة وتحصيل القليل فى حين أن هناك من لا يتعب والدنيا تحت أطراف أصابعه، والحال ينطبق على الدول والبلدان، بلاد غنية بالثروات والخيرات والموارد وأخرى لا تجد ما تداوى به مرضاها .. الأمر عجيب!

[RAPID]

طبعاً ليست عادلة
ولو كانت عادلة ماكان هناك اخرة تقتص من الظالم ويأخذ المظلوم حقة اللى ضاع في الدنيا

إذن أنت ترى أن النصف الأول (الحياة الدنيا) غير عادل ..

[RAPID]

rapid بك

اذا كنتُ تقصد بالحياه

الوقت من الميلاد للموت

فقطعاً هى ليست عادله . :n_no[1]:

اما اذا كنت تقصد بالحياه الوقت من الميلاد مروراً بالموت

ثم البعث و الحساب ثم الخلود فى الجنه او النار ( و العياذُ بالله )

فهى عادله و زى الفل ...

سيد حاتم،
بالطبع أقصد الحياة الدنيا التى نعيشها قبل الموت
معادلة السعادة والشقاء الدنيوى !