فيلا الكونت دراكيولا بذات نفسه في مصر وللبيع كمان (تحفه معماريه في العبور )

[SHNORY]

وانا قاعد عالفيس وكالعاده اعلانات دويزبيل الي مبفتجهاش من اساسه متلقحه
بس لقيت اعلان عن فيلا
وصوره غريبه محطوطه
ابص فيها شمال ويمين مش شايف ولا عارف ايه ده
فتوكلت علي الله ودوست علي اللينك اشوف الاعلان

تخميني انها بيت دراكيولا وانه لما لقي الناس معندهاش دم في مصر راح ياكل في حته تانيه
وتعليق تاني قال انها فيلا ماسونيه بحته
ومن رايي انها تنفع كباريه معتبر لعبده الشيطان
مش لاقيلها تفسير فعلا
فاسيبكم مع الصور يمكن حد يقدر يفسرلنا التحفه المعماريه دي المعماريه دي















صحيح
صاحبها طالب 4 مليون و200 (:
وحد يقولنا الناس دي بتشرب ايه علشان منشربش منه

[eng.m7md.ali]

شوفتلها اعلان في دوبوزيل بردو ب 9 مليون و400 الف .. بس ايه السر ان السعر ينزل النص كدة ...

هيا بصراحة شكلها يقرف بس ملفتة اوي للنظر وفكرتها مطرقعة

[أحمد كمال]

التفسير انه بني ادم محدث نعمة و فاهم ان كل الناس هتحسده و بما انه بني ادم بيئة و جاهل فهو فاهم ان رسمة العين هتحميه من الحسد

[Ahmed_Ramadan]

أموت و أعرف المعمارى كان بيفكر فى إيه !!!

[SHNORY]

شوفتلها اعلان في دوبوزيل بردو ب 9 مليون و400 الف .. بس ايه السر ان السعر ينزل النص كدة ...

هيا بصراحة شكلها يقرف بس ملفتة اوي للنظر وفكرتها مطرقعة

حتلاقيه شال منها ادوات التعذيب والخوازيق
كل ده بيعمل فلوس برضه

التفسير انه بني ادم محدث نعمة و فاهم ان كل الناس هتحسده و بما انه بني ادم بيئة و جاهل فهو فاهم ان رسمة العين هتحميه من الحسد

بس واخده ناصيتين برضه يا كمال دي حقيقه منقدرش ننكرها ههههههههه

أموت و أعرف المعمارى كان بيفكر فى إيه !!!

دا محماري مش معماري يا رمضان
تلاقيه كان ضاربله شريطين هلوسه وراح راسمها
راح واحد تاني كان ضارب 200 قرض غيابب ماضي معاه عقد انه ينفذها

[تامر.محمد]

دراكيولا ولا المسيخ الدجال؟

[midooo_119]

ده كان بيت رعب بس المشروع فشل

[abdulkhaleq]

تعليقات الاخوه الاعضاء هلكاتني ضحك :) :)
بصراحه مش عارف الرموز والطلاسم دي ايه وتماثيل وحركات
وموضوع اعلان ب 9 مليون وبعدين ب 4 ده مش عارف ممكن يكون اعلان وهمي ؟؟

[مصطفى-حسن]

على فكرة الراجل دة دماغة عالية جدا جدا وعندة خيال كمان
دة فية ناس برة بتعمل بيوتها على شكل قوارب وعلى شكل احذية

الناس مش شايفة الوجة الاخر للموضوع
فن معمارى جديد فى مصر مبتكر ومفتكس وفية خيال عالى

[eng.m7md.ali]

بصراحة موقعها اصلا متميز .. الحي الرابع على الطريق الواصل بين جيرو لاند والعبور من جوة .. وقدام بوابة جمعية عرابي يعني الخروج منها في منتهى السهولة ... بس ده ميمنعش انها تقرف بردو

[aldesha989]

ايه المنظر المقرف ده

[horas3000]

ههههههه صباح الدماغ المتكلفه
بس هي بخلاف العين ملهاش علاقه بدراكولا و عبده الشياطين و كده
ده شكله راجل جاي من ادغال افريقيا
و راسم الادغال دي علي الفيلا
دي فيه اسود و فهود و فيله

[besso]

هى تنفع فى حاله واحده لو هاخدها اعملها اسطبل حصنه لحسن مضيقين عليا البيت وبدورلهم على مكان يعيشوا فيه
ههههههههههههههههههههههههههههههههههههه
بس دى اكيد نقاش هو اللى حط تصميم البيت ده هههههههههههههههههههههههههههههههههههههههههههههههههه ههههههههههههههه

[chicobon]

شكلها مش طبيعي و غير مريح زي ماتكون جنينه حيوانات

[hugan]

المعماري مش ليه ذنب
تصميمه بيكون بناء علي طلب صاحب المكان
وبيعرض عليه اكتر من تصميم للشغل اللي هو عايزه وبيختار بينهم
يعني المعماري يستحق التحيه علي شغله