رسايل نصب على الموبيل !!

[خالد]

أحذروا النصب !!!
جتنى دلوقتى حالاً رسالة على رقم موبينيل من cairo-bank بتقول مبروك أنت أول فائز معنا بالسيارة إتصل فوراً لإستلامها 0022470030002
طبعاً عملت search سريع على النت لقيت الموضوع نصب وبنك القاهرة بيحذر الناس من الأتصال لأنه يطلب منك أسمك والرقم القومى ورقم الحساب البنكى !!! طبعاً علشان يفلسوك ويسحبوا رصيدك من البنك ( ده إذا كان فى رصيد أصلاً ) وتحذير البنك كان فى جريدة المصرى اليوم !!
طبعاً الموضوع ده مستمر من السنة اللى فاتت 2012 وحتى الآن والنصابين بيغيروا الرسالة مابين الفوز بسيارة والفوز بمبلغ نقدى بالدولار ..... إلخ وبرضه بيغيروا رقم الموبيل المرسل ولكن الحاجة اللى ثابتة هى كود الموبيل اللى بيبدأ بــ 002247 وعملت بحث عن كود البلد دى طلعت جزيرة فى المحيط تابعة لبريطانيا وأمريكا أسمها Ascension Island

[mk3]

لأنه يطلب منك أسمك والرقم القومى ورقم الحساب البنكى !!! طبعاً علشان يفلسوك ويسحبوا رصيدك من البنك

شعب يموت فى الحكايات والاساطير المتناقله زى ابعت الرساله لعشره هتسمع خبر حلو
فهمنى بقى بالاسم والرقم القومى ورقم الحساب هيسحبوا رصيدك ازاى

[LegendJo]

شعب يموت فى الحكايات والاساطير المتناقله زى ابعت الرساله لعشره هتسمع خبر حلو
فهمنى بقى بالاسم والرقم القومى ورقم الحساب هيسحبوا رصيدك ازاى

بالظبط.

[benmatar]

نصب الكتروني
سمعت عن هاكر يخترق حسابك وبريدك عن طريق النت؟؟؟ ويعمل عليه بلوك كمان ومتعرفش تدخل عليه؟؟؟؟

ده زيه بالضبط ومنتشرة في بلاد كتير، وتلاقي رصيدك وحسابك في البنك زيرو، تسأل ازاي؟؟؟ تلاقي نفسك مشتري سلع وبضائع في البرازيل وجواتيمالا وبيرو وغيره!!!! بإسمك ورقم حسابك وبياناتك، ولو قلتلهم دي نصباية محدش هيصدق إلا بعد قصص ومغامرات ومراسلات واثباتات من الخارجية والسفارات وتتبع لأجهزة الكمبيوتر اللي عملت العمليات دي ونفذت المشتريات وموضوع معقد وموال طويل، ومحدش ينفي ويكذب لأنها حصلت ولناس مصريين كانوا ضحايا، وكمان هاكر مصري بيعمل الحركة دي واتقبض على واحد من فترة في إحدى قرى طنطا!!!!!!!! ناصب على ناس من انجلترا ودول تانية. الموضوع بيدخل فيه انتربول وشرطة الاتصالات وجهات عديدة.... مش لازم نكذب او نختلق مواويل وقصص بس الوقاية خير من العلاج والواحد ميجريش ورا سراب وهدايا وهمية وإغراءات لا أصل لها، ونحافظ على بيانتنا الشخصية وارقامنا السرية ومش هنخسر حاجة لو اخدنا بالحيطة والحذر.
تقبلوا مروري

[samehafez]

شعب يموت فى الحكايات والاساطير المتناقله زى ابعت الرساله لعشره هتسمع خبر حلو
فهمنى بقى بالاسم والرقم القومى ورقم الحساب هيسحبوا رصيدك ازاى

باشا هو لو معاهم العنوان كمان عن طريق الهاتف البنكي في بعض البنوك ممكن يعملوا تحويل

[خالد]

نصب الكتروني
سمعت عن هاكر يخترق حسابك وبريدك عن طريق النت؟؟؟ ويعمل عليه بلوك كمان ومتعرفش تدخل عليه؟؟؟؟

ده زيه بالضبط ومنتشرة في بلاد كتير، وتلاقي رصيدك وحسابك في البنك زيرو، تسأل ازاي؟؟؟ تلاقي نفسك مشتري سلع وبضائع في البرازيل وجواتيمالا وبيرو وغيره!!!! بإسمك ورقم حسابك وبياناتك، ولو قلتلهم دي نصباية محدش هيصدق إلا بعد قصص ومغامرات ومراسلات واثباتات من الخارجية والسفارات وتتبع لأجهزة الكمبيوتر اللي عملت العمليات دي ونفذت المشتريات وموضوع معقد وموال طويل، ومحدش ينفي ويكذب لأنها حصلت ولناس مصريين كانوا ضحايا، وكمان هاكر مصري بيعمل الحركة دي واتقبض على واحد من فترة في إحدى قرى طنطا!!!!!!!! ناصب على ناس من انجلترا ودول تانية. الموضوع بيدخل فيه انتربول وشرطة الاتصالات وجهات عديدة.... مش لازم نكذب او نختلق مواويل وقصص بس الوقاية خير من العلاج والواحد ميجريش ورا سراب وهدايا وهمية وإغراءات لا أصل لها، ونحافظ على بيانتنا الشخصية وارقامنا السرية ومش هنخسر حاجة لو اخدنا بالحيطة والحذر.
تقبلوا مروري

ربنا يباركلك ياأخى الكريم ، كلامك مظبوط 100*100
تقبل تحياتى وأحترامى

[benmatar]

ربنا يباركلك ياأخى الكريم ، كلامك مظبوط 100*100
تقبل تحياتى وأحترامى

الله يبارك فيك، وربنا يحفظ انفسنا وأموالنا وبلادنا من كل سوء

[DreAmO]

الاسم والرقم القومي ورقم الحساب .. وكل بياناتك ليس لها اي علاقه في سحب رصيدك من البنك

ولو الحكايه كده كان زمان الشعب كله فلس واتنصب عليه .. ده طوب الارض عارف عن الواحد كل حاجه

انت الوحيد القادر على سحب رصيدك .. بالإمضاء وأصل بطاقتك الشخصيه .. او عن طريق كارت ال atm
وده طبعا له رقم سري مكون من 4 ارقام غير انه له حدود سحب يومي ويتطلب وجود الكارت


القصه وما فيها .. هي النصبايه اياها اللي حفظناها من سنين السنين

وهي انك كسبت كذا .. محتاجين بعض البيانات .. طيب محتاجين مبلغ " كذا " رسوم تخليص جمركي او ضرائب أو الخ الخ


كمان انا بستغرب من اللي يقولك في واحد عايز رقم حسابك علشان يبعتلك 100 مليون دولار امانه وياخدهم تاني .. ويقولك اوعى تديله رقم الحساب .. علشان ده غسيل اموال

طب يا سيدي افرض اديتهوله .. وافرض انه صادق وحولي ال 100 مليون من غير اي حوارات تانيه

يا الف مرحب .. ال 100 مليون دخلم حسابي .. وريني بقى هياخدهم تاني ازاي !

القصص كتير والاساليب كتير .. والهدف واحد .. وهو انه يطمعك .. ويلغي عقلك بالجايزه .. ويخليك تبعت مبلغ رمزي بحجة رسوم وما شابه .. وشكراً

[Ahmed_Adham]

كمان انا بستغرب من اللي يقولك في واحد عايز رقم حسابك علشان يبعتلك 100 مليون دولار امانه وياخدهم تاني .. ويقولك اوعى تديله رقم الحساب .. علشان ده غسيل اموال

طب يا سيدي افرض اديتهوله .. وافرض انه صادق وحولي ال 100 مليون من غير اي حوارات تانيه

يا الف مرحب .. ال 100 مليون دخلم حسابي .. وريني بقى هياخدهم تاني ازاي !

القصص كتير والاساليب كتير .. والهدف واحد .. وهو انه يطمعك .. ويلغي عقلك بالجايزه .. ويخليك تبعت مبلغ رمزي بحجة رسوم وما شابه .. وشكراً

ومين قال انه هيحولهملك؟ بعد ما توافق هيقولك ابعتلي مثلا 5 تلاف دولار عشان أدفع مصاريف التحويل أو مصاريف المحامي الخ الخ وفيه ناس كتيييييييييييير بتدفع عادي وطبعا مفيش حاجه هتجيلك!

وبعدين انت فاكر لو جه في حسابك فجأه 100 مليون دولار البنك هيسيبك؟ هيجمد حسابك ويحولك لغسيل الاموال لحد ما تفسر مصدر الفلوس الا اذا كان تحويلات بالمبالغ دي شيء عادي بيحصل في حسابك كل يوم وده حجم التعاملات الطبيعي في حسابك.

[S O P H O S]

مشكورر عالتنبيه
انا مبقتش بهتم بأي رسائل علي الموبيل
حتي لو من الشركة نفسها