إعـــــــلان

Collapse

.

,
See more
See less

الشاب إيفان شبيغل ذو الـ23 عاماً رفض 3 مليار دولار من فيسبوك

Collapse
X
 
  • Filter
  • الوقت
  • Show
Clear All
new posts

  • الشاب إيفان شبيغل ذو الـ23 عاماً رفض 3 مليار دولار من فيسبوك





    خبر مثير أحدث ضجة كبيرة على الشبكات الاجتماعية وتفاصيله تقول:
    أن الشاب إيفان شبيغل ذو الـ23 عاماً رفض 3 مليار دولار من فيسبوك كعرض لشراء شركته Snapchat !!


    الشركة عمرها عامين وهي شركة أنشأها إيفان مع أصدقائه منذ عامين، وهي التي تملك برنامج Snapchat الذي يعد أحد أشهر برامج المحادثة على الموبايل.

    snapshot iconيوجد مقر الشركة في كاليفورنيا ولا تملك الشركة أي جانب تجاري، وتوفر برنامج Snapchat بصورة مجانية على أجهزة أنرويد وأجهزة iOS، ويتم استخدامه لتبادل الرسائل والصور والفيديوهات، وقد وصلت عدد الرسائل التي يتم تبادلها على هذا البرنامج إلى 350 مليون رسالة في اليوم !!

    لم تصدر الشركة أي تعليق على هذه الشائعات، لكن مصادر (من داخل الشركة) صرحت بأن تقييم الشركة لقيمتها كان أكبر مما عرضه فيسبوك (..)، وهو تصريح يتناسب مع الحالة الجنونية التي وصل إليها الاستثمار في مجال التقنية، فقد أعلنت شركة تويتر عن قيمتها السوقية التي قدرتها بـ35 مليار دولار، بينما ارتفع تقدير برنامج Pinterest من 225 مليون دولار إلى 3.8 مليار دولار !!
    ويقول نفس المصدر أن فيسبوك عرض العام الماضي 1 مليار دولار على الشركة لكنها رفضت، فزاد عرضه هذا العام إلى 3 مليار دولار ورفضت الشركة أيضاً، ومن الجدير بالذكر أن فيسبوك اشترى إنستجرام بمبلغ مليار دولار أيضاً !

    ماذا سوف تعمل لو كنت مكانة ؟!!

    المصدر
    [B][SIZE="4"]Take it Or Leave it.[/SIZE][/B]

  • #2
    هاتقل شوية لغاية مابيع الشركة ب 30 مليار دولار ,
    ماهي الدنيا بقت غاليه و التلاته مليار دول مايعملوش حاجه اليومين دول

    Comment


    • #3
      المشاركة الأصلية كتبت بواسطة a_h_m_a_d مشاهدة المشاركة
      هاتقل شوية لغاية مابيع الشركة ب 30 مليار دولار ,
      ماهي الدنيا بقت غاليه و التلاته مليار دول مايعملوش حاجه اليومين دول
      الفكره بتبقى ان العروض مش بتبقى كتير والفرصه اللي بتروح ممكن مترجعش وغالبا اللي بيعرض الشراء هوه أكبر المنافسين زي ما جوجل اشترت يوتيوب عشان كان مغطي على جوجل فيديو زمان.
      مصر أنت أغلى دره ... فــوق جبين الدهـر غرَّة

      يا بلادي عيشي حره ... واسلـمي رغـم الأعــادي

      Comment


      • #4
        ده بزنس وهو اكيد درس العرض وشاف مكسبه الحالى او المتوقع فى الفترة الجاية وشاف ايه احسن له. ده شغل شركات التحليل المالى هى اللى بتقوله يوافق على العرض ولا يرفض. ده اذا فرضنا انه عايز يبيع اصلا
        mhelshaar سابقا

        Comment


        • #5
          ويقال رفض 4 مليا من جوجل
          الغرابه انى اول مره اسمع اسم البرنامج ده من الخبر
          حتى نزلته ملقتش ولا واحد من اصدقائى عنده !!!
          الانفرتر الهندى من البدايه للنهايه
          http://www.nilemotors.net/Nile/430457-a.html

          Comment


          • #6
            لو مكانه مكنتش هبيع لو بتجيبلي دخل صافي مليون جنيه شهريا وكده كده قيمتها بتزيد مع الوقت يعني فلوس محفوظه

            Comment


            • #7
              طبعا البيع فكرة غلط ده دخل شهرى مربح جدا و مع الايام السعر هيزيد اضعاف اضعاف
              [SIZE=2][img3]http://im77.gulfup.com/mVDw3c.png[/img3][/SIZE]

              Comment


              • #8
                التلاته مليار ( دولار) معدتش جايبه حاجه في الغلا اليومين دول

                Comment


                • #9
                  المشاركة الأصلية كتبت بواسطة a_h_m_a_d مشاهدة المشاركة
                  هاتقل شوية لغاية مابيع الشركة ب 30 مليار دولار ,
                  ماهي الدنيا بقت غاليه و التلاته مليار دول مايعملوش حاجه اليومين دول
                  اه والله
                  الواحد لو صرف كل يوم 33 الف دولار المليار حيخلص بعد 33 سنه وشويه
                  نعيش ازاي بيهم
                  [CENTER]

                  [URL="http://www.nilemotors.net/Nile/320037-a.html"]اسهل واسرع طريقه لتصغير حجم اي عدد من الصور باسرع وقت لرفعهم علي المنتدي[/URL][/B]
                  [/CENTER]

                  [B][SIZE=4] لا تحزن إذا فاتك قطار الزواج، فلأن يفوتك القطار خير من أن يدهسك..
                  ---------------------------------
                  [/SIZE][/B][CENTER]
                  [/CENTER]

                  Comment


                  • #10
                    ما شاء الله ، امال احنا الـ Developers في مصر مش لاقيين ناكل ليه :D

                    Comment


                    • #11

                      برنامج اسمه
                      Snapchat
                      فكرته انك بتاخد صورة او تسجل فيديو وتبعته لاشخاص معينة وفى خلال 10 ثوانى كحد اقصى الفيديواو الصورة بتتمسح من عندهم
                      ودا منتشر جدا لانهم "لامؤاخذة" مهتمين بحاجة اسمها
                      Online Personal Brand
                      ودى حاجة مهمة جدا بس "ولامؤاخذة" برضه محدش بيجيب فى سيرتها عندنا


                      النهاردة اكتر من موقع تقنى قال انه جوجل قدمت عرض للشركة دى "بعض ما الشركة رفضت عرض الفيسبوك" علشان تشتريها ..وكان العرض بقيمة 4 مليار دولار

                      الجميل بقى هو ردود المستخدم العربى على الموضوع:
                      هو فاكر نفسه مين علشان يرفض العرضين دول – بكرة هايدرب نفسه بالجزمة علشان ضيع الفرصتين دول – هى امه تعرف الموضوع ده – هما بيتخانقوا عليه على ايه …الخ الخ الخ

                      هاحكلكوا عن كام موقف فى فيلم
                      The Social Network
                      واللى انصحكم جدا بمشاهدته


                      المشهد الاول:
                      مارك زوكربيرج "مؤسس الفيسبوك" قاعد مع ادواردو سافرين "الشريك بتاعه -كان هو اللى ممول الفكرة" وعاملين اجتماع مع شون باركر "اللى اصبح بعدها اول رئيس للفيسبوك" ودا كان مؤسس موقع نابستر :

                      شون سألهم انتوا ارقامكم "انجازاتكم" ايه؟
                      قالوله انهم وصلوا ل 29 مدرسة وعندهم دلوقتى 75 الف مشترك ..الكلام ده المفروض انه حصل فى اخر 2004 او اول 2005
                      ولما سألوه انهم "مارك وادورادو" مختلفين يبدوأ الاعلانات دلوقتى ولا لا…شون قالهم الفكرة كويسة وانكم ممكن توصلوا لاقصى احلامكم لو بدأتوا فى الاعلانات من دلوقتى "فى الوقت ده كانوا بيحلموا بان فكرتهم تساوى مليون دولار" بس قالهم تعرفوا ايه الاحسن ..انك توصلوا لمليار دولار
                      "شوفوا بقى الفيسبوك دلوقتى يسوى ايه"

                      المشهد الثانى:
                      شون باركر بيحكى لمارك عن مؤسس "فيكتوريا سيكريت" ..اعرفوا انتوا المكان ده بيبع ايه
                      المهم قاله ان الشخص صاحب فيكتوريا سيكريت لما جه يأسس شركته اخد 40 الف دولار من حد قريبه و عمل قرض ب 40 الف دولار كمان ..واسس الشركة وكسب نص مليون دولار فى اول سنة ..وابتدى يتوسع وفى خلال 5 سنين قدر يبيع الشركة ب 4 مليون دولار ..نهاية سعيدة مش كده
                      للاسف لا ..لان الشركة دى فى خلال سنتين وصل سعرها 500 مليون دولار ..وصاحبها نتيجة للصدمة انتحر من فوق الكويرى

                      المشهد الثالث:
                      "ودا اللى بيتكرر فى عالمنا العربى كتيييييييييييير جدا"
                      شون باركر بعد ما حكى لمارك قصة تأسيسه لنابستر قاله ..انا يمكن معملتش بيزنس كويس ..بس نابستر مكنش فاشل ..قاله انا عملت حاجة غيرت تاريخ الموسيقى
                      و قاله اى مستثمر او شركة استثمارات بتشوف موضوع بيكبر ..بتجيلك وتقولك فكرة حلوة يا شاطر ..سيبهالنا احنا هانكبرها وشكرا روح لامك …وتدفعلك مبلغ كبير جدا "وقتها" وقليل جدا مقارنة باللى الشركة دى او المستثمر دا هايكسبه فى خلال الفنرة اللى جاية

                      ساعتها شون قال لمارك ..بس الكلام ده مش هايحصل المرة دى "بيتكلموا هنا عن الفيسبوك" ..الوقت دا وقتنا احنا
                      قاله احنا المرة دى هانديهم الكارت بتاعنا وكاتبنلهم عليه
                      I'm the CEO, Bitch

                      اعتقد الموضوع كده بقى فيه سبب منطقى ان صاحب الموقع اللى الناس عماله تهاجمه يرفض عرض من الفيسبوك وجوجل ب 3 او 4 مليار ..لانه شايف شركته اكبر من كده "بالمناسبة: انا لما دورت فى الموضوع لقيت الفيسبوك قدم عرض السنة اللى فاتت لنفس الشركة بمليار دولار وصاحبها رفض"…الموضوع اكبر من كده بكتييييير ..الناس اللى بره دى بتعرف تحلم

                      انت الوحيد اللى قادر تنجح حلمك وتوصل بيه للسما
                      اقرا التاريخ "قصة مارك والفيسبوك" شوف دلوقتى مارك وصل لفين
                      ابل وستيف جوبز ..ستيف بدأ القصة ونجح بيها واتطرد منها وابل كانت على وشك الافلاس ولما ستيف رجع تانى ..رجعت ابل معاه
                      ومن اللى هاتقراه فى التاريخ ان مؤسسى جوجل جابوا شخص يدير الشركة ..قعد حوالى 10 سنين بيدرها
                      بس كان بيشتغل عندهم ..مش باعوا نفسهم ليه وبعد كده واحد منهم هو اللى مسك ادراة الشركة دلوقتى
                      فلو سمحت ..لو سمحت ..لو سمحت..اتمسك بحلمك ومتبعش نفسك
                      واى حد يقولك غير كده قوله
                      I'm the CEO, Bitch
                      [B][SIZE="4"]Take it Or Leave it.[/SIZE][/B]

                      Comment


                      • #12
                        ابيع وافكر واطلعلهم ببرنامج جديد كل سنتين.

                        Comment


                        • #13
                          ال snapchat واخد 3.7 من 5 فى التقييم على الماركت !!!!
                          يعنى برنامج اى كلام غالبا امال لو واخد 4.5 ولا حاجه كانو عرضو كام
                          ممكن حد يقولى البرامج دى بتكسب ازاي ؟

                          Comment


                          • #14
                            المشاركة الأصلية كتبت بواسطة hussein مشاهدة المشاركة
                            ال snapchat واخد 3.7 من 5 فى التقييم على الماركت !!!!
                            يعنى برنامج اى كلام غالبا امال لو واخد 4.5 ولا حاجه كانو عرضو كام
                            ممكن حد يقولى البرامج دى بتكسب ازاي ؟
                            علي ما اظن ان البرامج دي بتكسب من بيع بيانات المستخدمين الاوليه
                            مثلا انت عندك منتج
                            عاوز تنشره
                            لو عملت اعلان في التليفزيون علي مستوي العالم حيوصل ل10 مليون فرد وحيكلفك 100 مليون دولار
                            في حين انك ممكن تشتري 100 مليون ايميل ب20 مليون دولار وتبعت عليهم اعلانك
                            حيمسحه 60 مليون ويقراه 40 مليون
                            ويستجيب ليه 5 مليون
                            وبكده تبقي عملت انتشار اكبر بسعر اقل
                            دا رايي الشخصي والله اعلم
                            [CENTER]

                            [URL="http://www.nilemotors.net/Nile/320037-a.html"]اسهل واسرع طريقه لتصغير حجم اي عدد من الصور باسرع وقت لرفعهم علي المنتدي[/URL][/B]
                            [/CENTER]

                            [B][SIZE=4] لا تحزن إذا فاتك قطار الزواج، فلأن يفوتك القطار خير من أن يدهسك..
                            ---------------------------------
                            [/SIZE][/B][CENTER]
                            [/CENTER]

                            Comment


                            • #15
                              3 مليار يعملوا ايه الايام دي بس ؟؟!!

                              Comment

                              Working...
                              X