تحذير هام في الشتاء بخصوص القطط المستخبيه في العربيه

[mahmoud85]

بسم الله الرحمن الرحيم
اولا بعتذر عن المشهد بس بصراحه لازم احذر الناس تاني وتالت ومليون
دايما بنشوف تحذير عن القطط اللي بتكون نايمه علي فرده الكاوتش هربا من البروده والشتا وانا دايما بحاول اخد حذري من الموضوع ده بس للاسف حصل معايا النهارده وانا بدور العربيه الصبح قولت ابص عالمياه كده عشان بقالي مده ما فتحتش الكبوت ... وللاسف لقيت قطه ميته جوه الكبوت
من الصبح ونفسي مسدوده من المنظر وكمان صعبان عليا القطه دي دخلت تستخبا من البرد وماتت اومال الناس اللي مش لاقيه مكان يئويها بتعمل ايه ... ولما قطه صعبانه عليا كده اومال اللي بيقتلو الناس ويحرقو جثثهم دول يبقو ايه ؟؟؟؟؟؟؟؟؟
عموما كل واحد ياخد باله كويس جدا عشان البرد صعب ومعظم القطط بتستخبا في العربيات

[أبو آسر]

جزاك الله خيرا على التنبيه
مشكلة فعلا الموضوع ده ربنا يستر ومنقعش فيه

[mastr_n]

جزاك الله خيرا

[fghahkj]

منظر صعب جدا جزاك الله خيرا
والله ينتقم من الى بيقتل الناس ويتاجر بجثثهم على الفضئيات

[ser3a_0]

لازم قبل ما تدور بس كلاكسين كده

و ربنا يستر

شكرا للتزكره

[friendship7897]

جزاك الله خير على التنبيه

[ayman66]

الف شكر على المشاعر النادر وجودها هذه الأيام ,وانا عندى القطة مثل الأنسان الجميع من حقه ان يعيش ويحيا حياة امنه كريمة ,,,,ولكنها فى النهاية دنيا اى منحدر سفلى يجب ان يحدث فيه التدنى دائماً ولكن دائماً نحيا باالأمل والأيمان الذى حمانا به الله عزوجل حتى من شر انفسنا ---جزاك الله خيراً

[mr_vampire]

لازم قبل ما تدور بس كلاكسين كده

و ربنا يستر

شكرا للتزكره

فكرة حلوة اوي موضوع الكلاكس ده فعلا يجيب من الاخر.

[mahmoud85]

لازم قبل ما تدور بس كلاكسين كده

و ربنا يستر

شكرا للتزكره

انا كنت متعود في العربيه القديمه اني اخبط عالكبوت وبرضو اني لما بركب العربيه بتتهز وكنت دايما اسمع القطط بتجري ... المره دي سبحان الله مش عارف ايه اللي حصل
لازم افتح الكبوت بعد كده وربنا يسترها

[ser3a_0]

انا كنت متعود في العربيه القديمه اني اخبط عالكبوت وبرضو اني لما بركب العربيه بتتهز وكنت دايما اسمع القطط بتجري ... المره دي سبحان الله مش عارف ايه اللي حصل
لازم افتح الكبوت بعد كده وربنا يسترها

خير يا باشا
متزعلش نفسك

قدرها

[mem]

جزاك الله خيرا على التنبيه

[azwoz65]

شكراً على النصيحة والتذكرة

[bmya]

شكرا على التنبيه بس هي ماتت ازاي ؟!!
انا بحاول برده اني اضرب كلاكس قبل مادور وبصبر شويه على ما تلحق تهرب ومع ذلك برده لقيت قطه ميته قبل كده وكانت محشوره في مكان غبي جدا ومعرفتش اصل ان في حاجه ميته غير لما لقيت في ريحه زبااااااااااااااله والعربيه كل ماركنها ارجع الاقيها متغطيه ذباب !!!!!!!! وانا مش فاهم في ايه لانها كانتمحشوره تحت بين المقص والاسكاترا مكان عجيب كده مش بايين اصلا واضطريت ارفع العريه وافوك الجنط واشيلها وكانت اتحللت اصلا واتفسخت من بعضه وانا بشيلها وكان بهدلللللللللله طول عمري بكره القطط بس طبعا حرام تموت

[S O P H O S]

والله لازم الواحد يبص
لكن ساعات والجو بيمطر بيركب العربية علطول

[ABO MALEK]

سارينة الإنذار بتنبه القطط لما تفتح العربية بالريموت..
العربيات اللى مفيهاش انذار تستخدم الكلاكس وخلاص.