القرية الذكية

[OMAR11112010]

السلام عليكم
لو سمحتم انا عاوز اعرف كذا حاجة بالنسبة للقرية الذكية وخصوصا من الناس اللي شغالين في شركات فيها
هي ليها مواعيد محددة تلتزم بيها الشركات يعني علي حسب ما اسمع انها من 8ل 4؟
يعني مفيش شركة مواعيدها تكون قبل او بعد المواعيد دي

بالنسبة للمواصلات بشوف كدا اتوبيس احمر دورين مكتوب عليه القرية الذكية هل ممكن اعرف خط سيره منين لفين (أنا دايما بشوفه في محيي الدين ابو العز - المهندسين) وتكلفته كام؟

لو عاوز اخد شقة جنب القرية الذكية ادور فين حتة في أكتوبر بحيث تبقي قريبة منها
انا شوفت ع النت شقق كتير في أكتوبر بس انتوا عارفين ان اكتوبر كذا حي وكذا منطقة؟

وشكر لكم جميعا

[mohamed_selim]

لو هتاخد شقه خليك فى زايد مش اكتوبر

[OMAR11112010]

شكرا لردك السريع
بس أنا عارف إن زايد أقرب بس أغلي فلو هشوف في اكتوبر ايه اقرب حتة ممكن ادور فيها وشكرا مرة تانية

[ALshahba]

السلام عليكم
لو سمحتم انا عاوز اعرف كذا حاجة بالنسبة للقرية الذكية وخصوصا من الناس اللي شغالين في شركات فيها
هي ليها مواعيد محددة تلتزم بيها الشركات يعني علي حسب ما اسمع انها من 8ل 4؟
يعني مفيش شركة مواعيدها تكون قبل او بعد المواعيد دي

بالنسبة للمواصلات بشوف كدا اتوبيس احمر دورين مكتوب عليه القرية الذكية هل ممكن اعرف خط سيره منين لفين (أنا دايما بشوفه في محيي الدين ابو العز - المهندسين) وتكلفته كام؟

لو عاوز اخد شقة جنب القرية الذكية ادور فين حتة في أكتوبر بحيث تبقي قريبة منها
انا شوفت ع النت شقق كتير في أكتوبر بس انتوا عارفين ان اكتوبر كذا حي وكذا منطقة؟

وشكر لكم جميعا

وعليكم السلام ورحمة الله

- القرية مالهاش مواعيد محدده .....المواعيد بتحددها كل شركة علي حده
يعني فى شركات من 8-4 وفيه شركات من 8:30-5 وفيه من 9-5 , واللي وراه شغل كتير زي حالاتنا بيقعد ممكن للساعه 7-8مساءا وفيه ناس بتبات ..... كل علي طبيعة عمله

- القريه ليها عربيات ميكروباصات بيضاء اللون ..... ودي متغيره من شركة الي اخري , يعني حتلاقي شركات عاملة المواصلات مجانا للعاملين وفيه شركات عاملاها بفلوس بحوالي 300-350ج وفيه من ادارة القرية وتمنها 400-450ج علي حسب المنطقه ..... لكن الاوتوبيسات الحمرا دي انا ماشفتهاش قبل كده ,جايز موجوده بس ماشفتهاش

- اما لوعايز تاخد سكن جنب القريه عندك 3 مناطق:
1) اكتوبر
2)الشيخ زايد
3) هضبة الهرم
والارخص لك رقم 3 وفيها حاجات شيك جدا والمنطقه راقيه زي الباقي بالظبط وكمان مقفوله علي نفسها بسور ولها 4 بوابات

بالتوفيق

[OMAR11112010]

شكرا جدا لحضرتك
هي هضبة الهرم اللي هي حدائق الاهرام
انا اسمع انها اربع بوابات
بس فيه بوابات شعبية والمستوي فيها مش اد كدا
وفيه بوابات كويسة
هل حد عنده فكرة؟

[المنسي]

شكرا جدا لحضرتك
هي هضبة الهرم اللي هي حدائق الاهرام
انا اسمع انها اربع بوابات
بس فيه بوابات شعبية والمستوي فيها مش اد كدا
وفيه بوابات كويسة
هل حد عنده فكرة؟

حدائق الاهرام لو عايز تاخد شقة فيها خليك يا فى البوابة الثالثة يا البوابة الرابعة
والاقرب كمان للقرية الذكية الشيخ زايد

[mohamed_selim]

صديق ليا بيشتغل فى القريه الذكيه و ساكن فى اكتوبر بيعمل كل يوم 60 كيلو بالعربيه رايح جاى زى مايكون ساكن فى مدينة نصر !
بيضرب نفسه بالجزمه انه لما اشترى اخد فى اكتوبر مش فى زايد

[ALshahba]

شكرا جدا لحضرتك
هي هضبة الهرم اللي هي حدائق الاهرام
انا اسمع انها اربع بوابات
بس فيه بوابات شعبية والمستوي فيها مش اد كدا
وفيه بوابات كويسة
هل حد عنده فكرة؟

فعلا هي 4 بوابات .... الاقرب للدائري هي البوابة 4 ومنها تروح القريه مباشر
كلهم كويسين .....بس ابعد عن الاولي لانها زحمه

[OMAR11112010]

طيب غالبا الشركة هتدينا بدل مواصلات هل بقي فيه امكانية اني اشترك في باص تبع القرية علي حسب محل سكني ولا طالما الشركة مش هتوفر اتوبيسات يبقي خلاص اروح واجي مواصلات؟
وشكرا

[A.Saad]

من اكتوبر للقرية نصف ساعة فى المعتاد بحوالى 20كم
الطريق سريع
الهضبة ابعد وممكن يبقى الطريق فيه اماكن زحمة
الشقة هناك نصف اكتوبر
بس اكتوبر ارقى
زايد ارقى واغلى كمان
انت عايز حاجة فى حدود كام ومستوى راقى ولا وسط ؟

[OMAR11112010]

طيب سؤال للناس اللي شغالة في شركات في القرية الذكية
هو اكيد السبت اجازة في القرية ولا ممكن شركات تشتغل السبت عادي

وشكرا جدا

[Ahmed.Ali]

طيب سؤال للناس اللي شغالة في شركات في القرية الذكية
هو اكيد السبت اجازة في القرية ولا ممكن شركات تشتغل السبت عادي

وشكرا جدا

عشان تكون فاهم القريه الذكيه دي مجرد مكان بيجمع الشركات لاكن مفيش قواعد مشتركه

بس في الغالب الشركات المالتي ناشونال اجازه السبت فعلا

[ALshahba]

طيب غالبا الشركة هتدينا بدل مواصلات هل بقي فيه امكانية اني اشترك في باص تبع القرية علي حسب محل سكني ولا طالما الشركة مش هتوفر اتوبيسات يبقي خلاص اروح واجي مواصلات؟
وشكرا

يوجد باصات خدمة من القرية للشركات .....يعني حتي لو الشركه ماوفرتش باصات( وده حال شركات كتير ) فانت ممكن تشترك فى باص بتاع القريه
وفى الغالب لو الشركه ماوفرتش باصات بتدي بدل مواصلات

[wawamoha]

كل شركه عل حسب مواعيدها و نظامها انا بشتغل لحد 6:30 و فيه باصات تبع الشركه فعلا

بالنسبه ليك لو هاتروح مواصلات فيه عند داندي موقف تكاسي بيدخلك القريه ب 5 تقريبا - بس مااعتقدش فيه مواصلات تبع القريه نفسها

بالتوفيق

[Ahmed_Rahem]

طيب سؤال للناس اللي شغالة في شركات في القرية الذكية
هو اكيد السبت اجازة في القرية ولا ممكن شركات تشتغل السبت عادي

وشكرا جدا

مفيش حاجة كدة خالص، كل شركة وليها نظامها الخاص، فية شغل سبت وجمعة وشيفتات باليل وبيات كلة موجود.
انت اسأل مباشرة الشركة الى انت رايحها مواعيد العمل الرسمية اية ولو تعدتها فية بدل ولا لأ؟