سؤال للأستاذ / كريم منير

[إسلام شاهين]

معلهش يا كريم الموضوع ممكن يكون هايف أو مش من شغلي إني أسأل فيه بس الفضول قتلني بصراحه هو إنت عرفت منين إن درايفر هو هو طارق 6210 ؟ هل مثلا ديه خاصيه عندكو في الموقع ولا إيه بالضبط يعني ؟ صدقني ده حب استطلاع بس ، وبعدين أنا أول مرة أشوفك متنرفز كده والواحد بدأ يخاف منك أوعى في المقابلة بتاعت يوم الجمعه تعمل كده .

[fahd_628]

لو تسمحلى ممكن ارد انا :)

هما بيعرفو من ال IP

حتلاقى ال IP بتاع زيزو هو نفس ال IP بتاع طارق6210

[Mohsens]

نادراً ما حتلاقي حد عنده Fixed IP معظمه Dynamic بيتغير كل مرة تخش.

[شريف]

نادراً ما حتلاقي حد عنده Fixed IP معظمه Dynamic بيتغير كل مرة تخش.

in dial up only but when using dsl or leased line you get the same real ip every time you logon

[h_hezzah]

But you get a different IP every time your modem/router logs in, unless you are subscribed to a static IP

[إسلام شاهين]

أنا برضه مفهمتش حاجة ؟؟؟؟؟؟؟؟؟؟؟؟؟؟؟؟؟؟؟؟؟؟؟

[mina_ramsis]

بص يا استاذ اسلام كل خط نت سواء كان دايل اب او dsl ليه حاجة اسمها ip و ده عبارة عن رقم يختلف من خط نت لخط اخر الرقم ده اللى بيدهولك هو الشركة اللى انت واخد منها النت زى مثلا شركة لينك و الاى بى ده بيتغير فى حالة الدايل اب فى كل مرة تدخل على النت عن طريق خط التليفون و ممكن يتغير فى حالة dsl بس مش بصفة مستمرة و الاى بى ده المشريفين و الادمين فقط هما اللى يقدروا يشوفوا انت داخل من ip رقم كام و ممكن يمنعوا الاى بى ده من الدخول على الموقع
اى استفسار انا تحت امرك

[Karim_Monir]

ولا تخاف ولا حاجة يا استاذ اسلام انا دايما هادي جدا
ونتمني نشوفك يوم المقابلة لو قدرت اجي ان شاء الله
بس اللي عملة في الاعضاء مش كويس خاصة انه سبق واعتذر وقبلنا
وانا مش هاتقبل ابدا اي هجوم علي اخوتي في الله
اما عرفت ازاي عن طريق حاجة مش فنية خالص مع اني عندي برامج تتبع وهاكرز وحاجات كدة فنية شوية بما اني كان شغلي الاصلي
System Administrator
في شركة فيها اكتر من 2500 جهاز و 6 مواقع علي مستوي الجمهورية واكتر من 25 سرفر مينفرام

العضو طارق كان حاطط صورتة في التوقيع ورافعها علي موقع شير وجنب الصور هاتلاقي اسم اليوزر اللي رافعها بيه
طارق 6210

وادي الصورة
وعشان مانسبش الفضل لنفسي مش انا اللش اكتشفتة دع احد الاعضاء بدون ذكر اسماء منعا للحساسية وده بالصدفة البحتة
وانت لو دوست علي صورة طارق او زيزو اللي في توقيعة هاينقلك علي اللينك ده مباشرة

ولا عزاء لاصحاب العقول المريضة

[mohamed yousry]

اية ياعم دة ......دة ولا شغل المافيا!!!! بهزر طبعا وربنا يبعد عننا السوء دائما.....

[معاذ الشرباصى]

فعلا مفيش جريمة كاملة :twisted:

[fahd_628]

انا اسف انا افتكرت من ال IP

معلش بقى :D اصل فية ناس بتعرف برضة من ال IP و بدليل انو فية ناس بتعمل Block ل IP لناس معينة فى المنتديات لأنهم بيثيروا المشاكل او لأى مشكلة اخرى صح ولا انا غلطان ؟

[Karim_Monir]

صح ومش ال اي بي بس
وعموما انت بتتعامل مع أذكي ادارة مخابرات يا فوزي
مين فوزي ده :mrgreen:
طبعا بهزر
لان اغبي الناس اللي تفتكر نفسها اذكي الناس وتستهين بذكاء الاخرين

[mina_ramsis]

على فكرة يا استاذ كريم احنا ابتدينا نقلق يا باشا هاكينج و تتبع و كلام كبير كده و اى بيهات و حتى اذا الاى بى اتغير ممكن نعرفه ازاى ديه مش فاهمها و كمان مخابرات و فوزى و الموضوع طلع من ادييا دلوقتى :D :D :D

[إسلام شاهين]

ونتمني نشوفك يوم المقابلة لو قدرت اجي ان شاء الله

الكبير كبير برضه

إنت كده هتخليني أزعل جدا أوعى ماتجيش ده إنت بالذات لازم تيجي ضروري ضروري وإلا ........