بتدفع كام شهرياً للعماره

[amr011111]

السلام عليكم ورحمة الله وبركاته

العماره عندنا فيها 10 شقق ساكنه فكنا بندفع كل شهر 50 جنيه كرقم ثابت نظير استهلاك الكهرباء ( اسانسير ونور سلم ) ونظير المياه ونظير صيانة الاسانسير
يعنى كل الشقق مجتمعه بتدفع 500 جنيه

المشكله بقى ان وصل الكهرباء بيجى حوالى 950 جنيه ده غير المياه وغير 100 جنيه كل شهر صيانه دوريه للاسانسير

فكان كل شهر مبندفعش الكهرباء اول بأول لان وصل الكهرباء 800 جنيه والعماره لامه مبلغ 450 جنيه فقط

فاقترحنا ان احنا مش نخلى المبلغ اللى بيتلم كل شهر رقم ثابت ولكن نلم الرقم الفعلى بمعنى 800 جنيه كهرباء على تسع شقق يعنى كل شقه حوالى 90 جنيه كهرباء وزيهم مياه يعنى 180 ده غير بواب 50 يبقى
كل شقه هتدفع شهرياً 230 جنيه

اللى انا اعرفه بقى ان كل العمارات فى المنطقه بتدفع رقم ثابت ( 70 جنيه شامل البواب والكهرباء والمياه ) ورغم ذلك مش بيجى متأخرات

رجاء الافاده بتجاربكم فى هذا الموضوع

[mohamed_selim]

لو متوسط الكهربا ثابت و الميه احيبو مثلا ٩٠٠ جنيه كهربا و ٣٠٠ ميه و ١٠٠ اسانسير يبقى كله ١٣٠٠ .... زودهم شويه قول ١٥٠٠ و يتقسمو على الشقق و يبقى ده المبلغ الثابت و الزياده تتشال للشهر اللى بعده تحسبا الدنيا تيجى زياده و متقعدش تحسب و تقسم على الناس

عندنا كنا زمان بندفع ٧٠ و الميه غليت و بقينا بندفع ١١٠

[mem]

حضرتك تتفق مع سكان العماره طالما متعاونيين
وتعملوا وديعه فى البنك بمبلغ كويس مره واحده
وريعها ينفق على الحاجات ده وتريحوا نفسكم من وجع دماغ كل شهر ده

[Ahmed_Adham]

كهربه السلم والاسانسير 800 جنيه؟ عندكو نور السلم اوتوماتيك ولا شغال عمال على بطال؟ ومركبين كام لمبه على كده؟

وكمان 90 جنيه كل شهرين ميه لكل شقه كتير جدا !!!

حاولو ترشدو استهلاكو شويه يا جماعه انتو ممكن تستهلكو نص كده بسهوله.

[amr011111]

كهربه السلم والاسانسير 800 جنيه؟ عندكو نور السلم اوتوماتيك ولا شغال عمال على بطال؟ ومركبين كام لمبه على كده؟

وكمان 90 جنيه كل شهرين ميه لكل شقه كتير جدا !!!

حاولو ترشدو استهلاكو شويه يا جماعه انتو ممكن تستهلكو نص كده بسهوله.

العماره فيها 20 شقه 9 شقق بس هما اللى ساكنين

النور اتوماتيك يعنى فيه لمبه واحده فى الدور والاتوماتيك بيفصل بعد تقريبا دقيقتين

بالنسبه للاسانسير انا اخر استهلاكى له مرتين مره الصبح وانا رايح الشغل ومره بالليل لانى برجع متأخر فمش بنزل تانى الا نادراً

بالنسبه للكهرباء الاستهلاك الشهر ده 1540 كيلووات عاملين 800 جنيه وبيقولوا ان العداد تلاته فاز ( يعنى تعريفته اعلى من عداد الشقق ) ويقال ان الاسانسير بيستهلك عموماً كهرباء كتير

فانا قولت اشوف هل ال 800 جنيه رقم واقعى ولا الحل

[mohamed_selim]

مفيش حاجه اسمها التلاته فاز اغلى من العادى

[أبو آسر]

اتفقوا على مبلغ ثابت من واقع متوسط الاستهلاك الفعلي الشهري ولو اتبقى حاجة تترحل للشهر اللي بعده ولو مكفاش شوفوا الزيادة كام وقسموها على عدد الشقق بالتساوي وحد فيكوا يدفعها وبعدين يخلي البواب يلمها من كل شقة
أخوك كان ماسك اتحاد ملاك عمارة سابقا .. منفض وعايش حياته حاليا !

[wesam_salom]

عماره فيها 20 شقه بندفع 70 جنيه شهريا بدون اسانسير
لسه الاسانسير راكب الشهر ده فمعرفش هيبقى فيه زياده كام

[lanos2004]

70 جنبه مع الاسانسير

[amr011111]

شكراً لجميع الردود

بس معنى كده ان ممكن يكون فيه مشكله عندنا فى العداد لان كده الكهرباء والمياه والاسانسير هيتدفعلهم بتاع 200 جنيه اقل واجب
رغم ان كل العمارات المحيطه معظمها بيدفع 70 او 80 شهرياً

[lanos2004]

حد سارق كهربا عندك فى العمارة

[sas5]

اخى العزيز السلام عليكم ورحمه الله
عندنا نفس الذى عندكم تقريبا حوالى عشرون شقه تقريبا وكنا نواجهه نفس المشكله
فعملنا اجتماع للسكان حضر سته سكان فقط واجبرنا من لم يحضر باجتماع مجلس الملاك الذين حضروا واتفقنا على الاتى
كل شقه متشطبه وساكنه تدفع 80 جنيها شهريا والشقق الغير متشطبه تدفع 40 جنيها ومفيش حجج انه مش ساكن
تقسيم الفلوس
20 بواب
20 كهرباء وصيانه اسانسير
20 مياه
20 صيانه او اى اشياء اخرى
وهذه الارقام قابله للتغيير والتعديل ايضا باجتماع لاخذ الموافقه

وبالنسبه لمصاريف الكهرباء عندكم 1500 ك فى الشهر انا شايف انه مبالغ فيها جدا
حاول تحصرها وتشوف ممكن يكون فيه تيار مسروق

[amr011111]

اخى العزيز السلام عليكم ورحمه الله
عندنا نفس الذى عندكم تقريبا حوالى عشرون شقه تقريبا وكنا نواجهه نفس المشكله
فعملنا اجتماع للسكان حضر سته سكان فقط واجبرنا من لم يحضر باجتماع مجلس الملاك الذين حضروا واتفقنا على الاتى
كل شقه متشطبه وساكنه تدفع 80 جنيها شهريا والشقق الغير متشطبه تدفع 40 جنيها ومفيش حجج انه مش ساكن
تقسيم الفلوس
20 بواب
20 كهرباء وصيانه اسانسير
20 مياه
20 صيانه او اى اشياء اخرى
وهذه الارقام قابله للتغيير والتعديل ايضا باجتماع لاخذ الموافقه

وبالنسبه لمصاريف الكهرباء عندكم 1500 ك فى الشهر انا شايف انه مبالغ فيها جدا
حاول تحصرها وتشوف ممكن يكون فيه تيار مسروق

واحنا برضه كنا بندفع من 80 ل 100 كل شهر كرقم ثابت شامل بواب ومياه وكهرباء الاسانسير بس للاسف شالوا عداد الكهرباء مره من كمية المتاخرات اللى على العداد نتيجه ان احنا مش بندفع بانتظام لاننا بنجمع حوالى 450 جنيه وايصال الكهرباء فقط مره 800 ومره 900 جنيه
بالنسبه ان حد سارق الكهرباء ولا لاء -هوه فيه 4 محلات تحت يقال ان كل محل ليه عداده بس هتأكد من الموضوع ده تانى

[sas5]

واحنا برضه كنا بندفع من 80 ل 100 كل شهر كرقم ثابت شامل بواب ومياه وكهرباء الاسانسير بس للاسف شالوا عداد الكهرباء مره من كمية المتاخرات اللى على العداد نتيجه ان احنا مش بندفع بانتظام لاننا بنجمع حوالى 450 جنيه وايصال الكهرباء فقط مره 800 ومره 900 جنيه
بالنسبه ان حد سارق الكهرباء ولا لاء -هوه فيه 4 محلات تحت يقال ان كل محل ليه عداده بس هتأكد من الموضوع ده تانى

ممكن تعمل عداد لاناره العماره وعداد اخر للاسانسير
ولازم الشقق المغلقه او غير متشطبه تساهم معاكم
انا ماسك العماره عندنا والشهر الماضى انا دفعت وصل الكهرباء للاسناسير والعماره مبلغ قليل مش كبير بس اقل من مئه جنيه مش متذكر بالضبط
اكيد فيه سرقه تيار كهرباء عندكم

[mohamed_selim]

عندنا عداد السلم و عداد للاسانسير
انت مقولتش ان البواب و نضافة السلم داخلين معاكم ... تفصص المصروفات .. الشقق الساكنه تدفع الميه و الكهربا .. كل الشقق (ساكن او لا) يدفع للبواب و النضافه لانهم بيستفيدو كده كده ... طبعا هتتخانقو و محدش هيرضى يدفع بالساهل بس حاولو