عاوز رأيكم في اللاب دا

[OMAR11112010]

السلام عليكم

عاوز اعرف رأيكم في اللاب دا - أنا محتاجه فقط للدخول ع النت هل امكانياته كويسة ومناسبة-

أخبار صيانته في مصر ايه والضمان بتاعه كويس ولا لا وهل فيه عيوب شائعة يعني مثلا سمعت ان مفصلاته سهلة الكسر هلي دي شكاوي فردية ام ماذا؟

https://www.jumia.com.eg/B590---Inte...ck-143389.html

وشكرا لكم

[ابو لؤى]

هو هيكون كويس انما لمه حضرتك تحب تبيع او تجدد على ماعتقد هيكون صعب او هتخسر فى السعر جامد لان كله دلوقتى بيدور على الاحدث يعنى شوف مثلا لاب ديل كور اى 3 هيزيد عن السعر ده 750 وهيكون افضل واسرع واحدث وبالتوفيق

[D . a .\ AYMAN]

هو لو للنت فقط هايكون كويس معاك ومش هايعمل مشكلة والبروسيسور استهلاكه قليل للطاقة فالمفروض البطارية تقعد كويس .. بس الشاشة كبيرة عشان كدة مش قادر أحدد برضه البطارية في النهاية هاتكون كويسة ولا لأ

بس عموما لينوفو كويسة وأنا شغال حاليا من على لينوفو جي 570 بقالو معايا سنتين أو اقل

واتهلاك البطارية بتاعه كويس جدا وبتقعد حوالي ساعتين لغاية دلوقتي برغم أن البروسيسور عالي والشاشة برضه 15

المفصلات عندي فعلا مكسورة بس مش من المفصلة نفسها لكن مكان تثبيتها في الشاسيه اتكسر واضطريت أعملها بطريقة كدة بلدي شوية ومسامير قوية عشان تمسك

بس في نقطة .. الكسر ده كان نتيجة لأن عربية ميكروباص وأنا ماشي في الشارع على رجلي زي بقية خلق الله راح حادف علية عشان يعدي عربية قدامه والباشا مركب حديد من ورا بارز عن عرض العربية وهو ماشي بسرعته زي الحم......... راح الحديد ده شابط في الشنطة بتاعة اللاب ونتشه من إيدي ونطره في الهواء لأعلى لارتفاع حوالي أربع أمتار ولمسافة 30 أو 40 متر ووقع في وسط الشارع ولولا ولاد الحلال جريوا شالوه من وسط الشارع قبل ما أعرف أوصله كان زمان بقية العربيات فرتكته بعجلها

عموما هو عندي فيه كذا مكان دلوقتي معرض للكسر أعتقد برضه نتيجة للحادث ده .... لكن كجهاز هو زي الفل