استخراج سجل تجارى وبطاقة ضريبية !!!!!!!!

[abo sandy]

السلام عليكم
من فضلكم يا جماعة
انا ان شاء الله هفتح مشروع مطعم سى فود
وعايز طبعا ابقا قانونى لابعد الحدود عشان ربنا يبارك ونبقا ماشيين صح

وعايز اعمل سجل تجارى وبطاقة ضريبية ونشاط مزاولة المهنة وكل الاجراءاى المطلوبة لفتح مشروع
يا ترى الاوراق دى بعملها ازاى وفين وبتاخد وقت وفلوس اد ايه
وانا ذكرت نوع المشروع عشان الكل يبقى عنده المعلومات الكافية عشان يقدر يفدنى صح
وللعلم انا مفيش معايا شريك يعنى لوحدى

يا ريت الى يرد عليه يقلى بالتفصيل الخطوات هتبقى ايه
وياترى انا بفتح وبعد كده بعمل الاجراءات دى ولا لازم يكون الورق ده كله معايا قبل يوم الافتتاح

شكراااااااااااا مقدما لكل من سيعطى معلومة تفدنى

[saddam]

صديقي المواطن
قولا واحدا إنت عايز نصيحة ولا تحب تحرق بنزين عالفاضي
لو حنحرق بنزين.عالفاضي يبقه تعملها.بنفسك وحتكره نفسك وحيفضلوا.يمشوروا بيك وهات وشيل وحط
لكن تدفع 350 جنيه لمحامي خلال أسبوع تكون إنت فاتح المحل وبايع أول بلطيه وحبعتلك العنوان عشان تستفتح بيا على حسابك طبعا
أنا.عملت توكيل للمحامي بتاعي وخلال أسبوع كان معي سجل تجاري وبطاقة ضريبية
وهذا ما.لزم بيانه ودمتم
وبالتوفيق وإلى.اﻷمام.
ومن.نصر إلى.نصر
ودمتم.للنضال

[abo sandy]

صديقي المواطن
قولا واحدا إنت عايز نصيحة ولا تحب تحرق بنزين عالفاضي
لو حنحرق بنزين.عالفاضي يبقه تعملها.بنفسك وحتكره نفسك وحيفضلوا.يمشوروا بيك وهات وشيل وحط
لكن تدفع 350 جنيه لمحامي خلال أسبوع تكون إنت فاتح المحل وبايع أول بلطيه وحبعتلك العنوان عشان تستفتح بيا على حسابك طبعا
أنا.عملت توكيل للمحامي بتاعي وخلال أسبوع كان معي سجل تجاري وبطاقة ضريبية
وهذا ما.لزم بيانه ودمتم
وبالتوفيق وإلى.اﻷمام.
ومن.نصر إلى.نصر
ودمتم.للنضال

ياباشا طبعا تشرف وعلى حسابى كمان
لكن انا عايز اسأل عن حاجتين طالما حضرتك مريت بالقصة دى
اول حاجة : اى محامى يخلص ولا محامى عقر بقا وكده وهل المحامى الى بيعمل كل حاجة من الالف الى الياء ولا كان بيحتاجك او بيطلب منك تطلعله ورق معين ... وهل بتعمله توكيل ولا لئه .. وفى حالة لو عملتله توكيل عادى التوكيل دا ما يضركش فى حاجة ( معلش اصل اخوك بعيد عن القصص دى وما يعرفش عنها حاجة )
الحاجة التانية بقا ال 350 دول الاتعاب بالتكلفة بتاعة استخراج الورق ... ولو دى الاتعاب بس استخراج الورق كلفك كام ... يعنى القصة كلها كلفتك كام ..

ومعلش سؤال زيادة بقااا
هل انا بفتح المحل عادى والمحامى شغال فى الاجراءات دى ولا لازم الورق يكون فى ايدى وبعدين افتح ؟؟؟؟؟؟؟؟؟؟؟؟؟؟؟؟؟
ودمتم للنضال

[ramyhekal]

انا روحت لمحاسب وعملتله توكيل فى الشهر العقارى بصيغه معينه بتبقى عنده وهو خلص كل حاجه وتقريبا خد 350 جنيه بالورق

[benmatar]

أولا مبروك مقدما وبالتوفيق، والمجال ما شاء الله عليه ممتاز، بس تعرف إنك هتأكل ناااااااس كتير عشان تمشي أمورك حتى بعد ما تفتح، وبالتوفيق

[miceg]

سؤال صغير ؟؟؟؟؟؟
هو انت لاقي الاصطف والشيف اللي هيشتغل ولا انت شيف ومتخصص
اصل صعوبة فتح المطاعم انك تلاقي شيف محترم والاصطف اللي يكمل معاك

[abo sandy]

انا روحت لمحاسب وعملتله توكيل فى الشهر العقارى بصيغه معينه بتبقى عنده وهو خلص كل حاجه وتقريبا خد 350 جنيه بالورق

يعنى مش شرط محامى ... ينفع محاسب ؟؟؟؟

[abo sandy]

أولا مبروك مقدما وبالتوفيق، والمجال ما شاء الله عليه ممتاز، بس تعرف إنك هتأكل ناااااااس كتير عشان تمشي أمورك حتى بعد ما تفتح، وبالتوفيق

مهو ياباشا انا عايز افتح قانونى وبما يرضى الله عشان احاول على اد ما اقدر ابعد عن النقطة الى انت بتتكلم فيها دى
يعنى من الاخر ما تبقاش عينى مكسورة لحد ولا يبقى حد له عليه جميلة عشان اطر اكله

وربنا ييسر

[abo sandy]

سؤال صغير ؟؟؟؟؟؟
هو انت لاقي الاصطف والشيف اللي هيشتغل ولا انت شيف ومتخصص
اصل صعوبة فتح المطاعم انك تلاقي شيف محترم والاصطف اللي يكمل معاك

والله ياباشا نا اصلا لسه ما دورتش لان الموضوع كله لسه على الورق
وقيد التنفيذ ان شاء الله فى خلال شهرين من دلوقتى

بس زى ما انت بتقول المشروع كله هيبقى واقف على شيف متخصص ومحترف فى السى فود
بس انا هعمل اعلان فى الوسيط وعلى النت وربنا ييسر الحال واقدر الاقى شيف محترف

وباقى الاصطف هيبقى امره سهل شوية عن الشيف

ولو تعرف شيف متخصص ومحترف فى السى فود تبقى خدمتنى

[miceg]

والله ياباشا نا اصلا لسه ما دورتش لان الموضوع كله لسه على الورق
وقيد التنفيذ ان شاء الله فى خلال شهرين من دلوقتى

بس زى ما انت بتقول المشروع كله هيبقى واقف على شيف متخصص ومحترف فى السى فود
بس انا هعمل اعلان فى الوسيط وعلى النت وربنا ييسر الحال واقدر الاقى شيف محترف

وباقى الاصطف هيبقى امره سهل شوية عن الشيف

ولو تعرف شيف متخصص ومحترف فى السى فود تبقى خدمتنى

لا والله خالص
انا عندي شركة تخصص أنظمة أمنية
وكنت بفكر جديا فموضوع المطعم بإعتباره ان الحاجة الوحيدة اللي مش بتتأثر بظروف البلد
انا كنت اعرف الاونر بتاع بسمتيو
والراجل اصلا كان عنده مجموعة شركات مالهاش علاقة بالمطاعم
لكن بدأ المشروع والدنيا مشيت
والداتا كلها بتاعت بسمتيو الخاصة بالوجبات والتحضير والتصنيع كانت قدام مني
بس دي أمانه والحمد لله ممدتش أيدي عليها
فالموضوع فبالي فعشان كده كنت بستفسر منك

[abo sandy]

لا والله خالص
انا عندي شركة تخصص أنظمة أمنية
وكنت بفكر جديا فموضوع المطعم بإعتباره ان الحاجة الوحيدة اللي مش بتتأثر بظروف البلد
انا كنت اعرف الاونر بتاع بسمتيو
والراجل اصلا كان عنده مجموعة شركات مالهاش علاقة بالمطاعم
لكن بدأ المشروع والدنيا مشيت
والداتا كلها بتاعت بسمتيو الخاصة بالوجبات والتحضير والتصنيع كانت قدام مني
بس دي أمانه والحمد لله ممدتش أيدي عليها
فالموضوع فبالي فعشان كده كنت بستفسر منك

تمام ياباشا
وبالتوفيق للجميع ان شاء الله

[طارق _عبد السلام]

المحاسب القانونى افضل لك لانه اكتر واحد بيتعامل مع الضرائب وعارف من اين تؤكل الكتف وهو بعد كده اللى هيعمل لك الاقرار الضريبى
والسجل ايضا سيأتى بعد استخراج البطاقه الضريبيه