عاوز أعرف معلومات عن سبائك الذهب

[marsguy]

السلام عليكم ورحمة الله وبركاته

كنت عاوز أعرف معلومات عن سبائك الذهب

إيه أنواعها وأوزانها ونشتريها منين وبكام

وهل الإستثمار في الدهب عامة فكره كويسه؟

شكرا

[4fun14]

فكرة زى الزفت
انا شارى سبايك بقالى سنتين وخسران خساره مره قلت ياريتنى اشتريت بيهم عربيه او احطها وديعه ف بنك
كنت كسبت 20% بدل مانا خسران 25%

[تامر.محمد]

معقول الدهب يخسر ده كله ؟؟؟؟؟؟؟؟؟؟؟؟
25% ليه يعني ؟؟؟؟؟؟؟؟؟؟؟

[hossam_elwani]

هو الدهب فعلا رخص وخسر كتير الفتره الى فاتت ياتامر ده واقعى والله اعلم ممكن يكون رايح على فين

[amr011111]

اللى اعرفه ان الدهب محتاج استثمار على المدى البعيد يعنى تشترى وتبيع بعد 6 سنين ولا حاجه

[الاستاذ]

فى ملياردير متخصص فى الدهب قال السنة دة انى الدهب هيحصل فى انخفاض كبيير
وانه هيرخص

[الفجر]

بص يا سيدى حظك الحلو انك وقعت معايا وشفت موضوعك لانى بدرس التحليل الفنى والدهب والفوركس وتجارة العملات اكتر من عشر سنين بس الحظ مساعدنيش انى اشتغل فى شركة فوركس محترمة و بكدة هجبلك خلاصة الموضوع والزبدة ان شاء الله

اولا اية اسباب انخفاض الدهب

بص ياسيدى اغلب دول اوربا وايضا روسيا قربت على التفليس فالبنوك هناك بتلجاءالى بيع الذهب لتوفير سيولة نقدية لمواجهه متطلبات حياة الشعوب وفاهيتها هناك وبالتالى بيع احتياطى الدهب لتلك الدول ادى الى تفاقم المشكلة الدهب و اصبح المعروض اكبر بكثير جدا من الدهب مما ادى فى النهاية الى نزول كبير للدهب

ثانيا اية مستقبل الدهب

الدهب الان يتدوال فى اسعار تقريبا بتكلفة استخراجة يعنى فى دول زى جنوب افريقيا تكلفة استخراج الدهب 900 دولار للاوقية وسعر الدهب جاليا 1200 دولار تقريبا وكسور وف دول اخرى تكلفة استخراج الدهب 1100 دولار يعنى قريبا جدا من سعر السوق العالمى ولما الدهب بينها مصانع استخراج الدهب اللى تكلفة استخراجة 1100 دولار بتوقف نهائيا ولو نزل عن كدة ودة مستحيل طبعا مصانع استخراج الدهب فى مناجم جنوب افريقيا بتقف ايضا وباالتالى بيزد الطلب على المعروض مما يؤدى فى النهاية الى صعود الدهب مرة اخرى


واخيرا ابشرك ان روسيا بنهاية العالم الحالى وايطاليا اكبر بائعين للدهب لحل مشكلتهم النقدية على وشك الانتهاء من البيع وبالتالى سيعود ارتفاع الدهب بشكل ملحزظ فى عام 2014

اتمنى اكون افدتك

[4fun14]

معقول الدهب يخسر ده كله ؟؟؟؟؟؟؟؟؟؟؟؟
25% ليه يعني ؟؟؟؟؟؟؟؟؟؟؟

اونصة الدهب فى اغسطس 2011 سجلت اعلى رقم حوالى 1900$ ولو اشتريت يباه حوالى 1950$ عشان مكسب البائع
حاليا سعر الاونصه للشراء 1250$ يعنى لو هبيع هتباه اقل من 1200$
يعنى تقريبا خساره 38%..انا اشتريت ف وقت عملت ناصح استنين الدهب نزل شويه ل 1800$ وقلت باه انتهت فتره التصحيح وهنعوم على وش الفته يا معلم وكلها 6 شهور نكون ضربنا ضربتنا وخلعنا..وادينى لابس ف الطين.
انا متابع فوركس نسبيا واللى اعرفه ان الدهب سعره بيزيد مع المشكلات الاقتصاديه وعدم الاستقرار بس الحاصل فعليا انه بينزل..وكتحليل فنى الدهب كسر كل ترندات الصعود وغرقان لشوشته فى البرك والمستنقعات ومش عارف ايه اخرتها معاه :d

[mgheam]

الذهب فكره فاشلة وخصوصاً الايام دي لأنه واخد اتجاة هابط من فتره ومتوقع استمرار الهبوط
اي استثمار اخر افضل بكثير

افضل فكره للمحافظة على مبلغ كبير هو (التوزيع)
جزء ذهب وجزء بورصة وجزء عقارات وجزء سيولة في البنك وجزء دولار

وبالتالي تكون محمي تماماً ضد اي مشكلة في حاجه منهم الباقي هيعوض وهتطلع كسبان دايماً

انما مبلغ صغير الدهب مش هيكون مفيد والبنك او عقار صغير (شقة مثلاُ) هتحافظ على قيمه الفلوس احسن

[moody_687]

هى السبيكة حاليا تعمل ف حدود كام حاليا كاقل سبيكة او متوسط

[تامر.محمد]

اونصة الدهب فى اغسطس 2011 سجلت اعلى رقم حوالى 1900$ ولو اشتريت يباه حوالى 1950$ عشان مكسب البائع
حاليا سعر الاونصه للشراء 1250$ يعنى لو هبيع هتباه اقل من 1200$
يعنى تقريبا خساره 38%..انا اشتريت ف وقت عملت ناصح استنين الدهب نزل شويه ل 1800$ وقلت باه انتهت فتره التصحيح وهنعوم على وش الفته يا معلم وكلها 6 شهور نكون ضربنا ضربتنا وخلعنا..وادينى لابس ف الطين.
انا متابع فوركس نسبيا واللى اعرفه ان الدهب سعره بيزيد مع المشكلات الاقتصاديه وعدم الاستقرار بس الحاصل فعليا انه بينزل..وكتحليل فنى الدهب كسر كل ترندات الصعود وغرقان لشوشته فى البرك والمستنقعات ومش عارف ايه اخرتها معاه :d

كان الله في عونك

[marsguy]

ألف شكر يا جماعه

أنا بعد ما قرأت ردودكم وبعد ما سمعت من ناس تانييين إستنتاجي كلآتي:

• الدهب دلوقت سعره نازل والإحتمال الأكبر أنه يزيد في 2014 . ومعظم الناس بتقول إنه هايعلى على أول 2014 مش نصها مثلاً. بس طبعاً الكلام ده مش أكيد 100%
  
• من الحكمه إنك تنوع إستثماراتك مهما إنت كنت متيقن من إستثمارك في حاجه واحده.
  
• طبعاً ما تتوقعش إنك هاتشتري دهب ب 20 ألف مثلاً وتبيعه ب 40 ألف على آخر السنه. الدهب الغرض منه الإستثمار طويل الأجل بدل ما إنت حاطط فلوسك في البنك بالسنين والفوائد اللي بتطلعلك بتروح بسبب التضخم.
  
• في عنصر غايب شويه عننا. الدهب عليه زكاه. يعني لو الدهب اللي عندك بلغ النصاب اللي هو 85 جرام وفقاً للموقع ده ����� ����� ���� ���� ����� - ����� ��� - ���� ������ يبقى المفروض تدفع عليه زكاه 2.5% أول أما الذهب يقعد عندك سنه.
  
• الفلوس في البنك بيجي عليها أرباح لكن طبعاً الذهب مش زي الفلوس مش هايزيد لوحده.

السؤال دلوقت: نشتري سبائك منين؟ وانهو وزن أحسن؟

يعني مثلاً لو أنا عاوز أشتري 100 جرام, أشتري سبيكتين 50 جرام ولا 10 سبائك 10 جرام؟

أنا سمعت إن ال 50 جرام مميزه عشان معترف بيها دولياً؟ صحيح الكلام ده؟

وسمعت إن السبائك دي الصياغ بيشتغلوا الناس فيها جامد. ساعات بياخدوا من الناس مصنعيه كأنها مشغولات ذهبيه.


الرجاء الإفاده

[prof2013]

عايزين نلحق نخطب قبل الدهب ما يرفع تاني هههههههههه

[أبوبلال]

السلام عليكم ورحمة الله وبركاته

كنت عاوز أعرف معلومات عن سبائك الذهب

إيه أنواعها وأوزانها ونشتريها منين وبكام

وهل الإستثمار في الدهب عامة فكره كويسه؟

شكرا

سبائك الذهب بتكون عيار 24 ذهب خالص
وبتكون اوزان من 25 و 50 و 100 و 500 و 1000 و 2000 جم
والسبائك بتعملها شركات ذهب معروفة عالميا

يوجد سبائك ذهبيه فئه 100 و 50 جرام تم شراؤها من سويسرا (يوجد فواتير الشراء) لأعلي سعر متفق مع اسعار السوق. للتواصل عبر البريد الإلكتروني د.محمود

[أبو_يوسف]

اسعار الذهب في خلال ال 5 سنوات الماضية