بخصوص شبكات الموبيل

[amir]

اشتراك البريمو بتاعي قرب ينتهي
و بصراحه علي مدار سنوات عديده عانيت الامرين من موبينيل, في نفس الوقت اللي عملاء فودافون ساعات بيشكرو و ساعات بينضمو لجبهه الشكاوي
مش عارف اشترك مع انهو شبكه و اتصالات تقلق من موضوع التغطيه
عايز اعرف ايه احسن حاجه مريحاكو و انظمه الدفع و المميزات

[Bossy_Fadl]

موبينيل معايا من تسع سنين

عمري ما عانيت منها كشبكة

بس بما ان حضرتك كنت موبينيل فاكيد انت عارف عنها كل حاجة

يعني مش محتاج مني معلومات طبعا

يعني نستني راي اعضاء الشبكات التانية

بوســـــي

[Dr.A.Nabil]

كله محصل بعضه

[amir]

نفس الفتره بتاعتي تقريبا مع موبينيل و الصراحه الشبكه مكانتش بقوه فودافون ولا نقائها
بس انا كمان عايز اعرف انظمه الدفع و المميزات و الاسعار

[badblood]

مشاركة بدون محتوى
نأسف للحذف
برجاء مراجعة القواعد

مشرف القســـم الاجتماعي

[badblood]

انا جربت الـــ 3
زي بعض بالظبط وفي الاخر برتاح لموينيل

[MoDyBeNz2008]

جربت موبينيل و اتصالات

اتصالات احسن من موبينيل بس معرفش فودافون

[Hussein_Ramdan]

فودافون شبكة عالمية يا شباب مش شبكة فى بلد او اتنين
الصراحة انا جربت فودافون وموبينيل واتصالات
الصراحة مرتحتش غير ما فودافون
عيش اللحظة :)

[mohamed ibiza]

انا فضلت عميل لفودافون 6 سنين و قرفت منهم في الريف و الحتت دي و الاعياد بقي تتصل 18 مرة عشان تلقط الريف لما الواحد يروح هناك بيتعذب عشان تلقط مكالمة اول ما اتصالات نزلت حولتلهم شبكة نضيفة معاملة نضيفة فروع بتنتشر في كل حته بصراحة احسن من فوادفون كتير حتي الرصيد بتسأل عليه ببلاش و مخيبتش معايا ولا مرة و العروض كلها صادقة و كويسة

[mahgary]

انا بقالى 10 سنوات فى فودافون بس كانت وحشه عندما اسافر الى البلد داخل المنازل هناك انسه بس على اى طريق كويس ولكن حسيت انهم مش صدقين فى تعاملتهم وحولت اتصالات وفى منته الجمال فى التعامل معهم وارشحلك اتصالات لصدق عروضهم

[aliabutaleb]

مفيش حاجة اسمها شبكة أحسن على المطلق كدة
المهم احتياجاتك ايه
والتغطية عاملة ازاي في الأماكن اللي بتروحها
يعني في البيت وفي الشغل
ممكن تكون الشركة أفضل ما تكون لكن مش حاططة مكان بيتك أو شغلك في أولوية خطط تغطيتها او تقوية التغطية الحالية
وممكن تكون الشبكة الكل بيقول عليها سيئة وتكون مغطية كويس في عملك وبيتك

[Akram]

محطات التقوية

مفيش حاجة اسمها شبكة أحسن على المطلق كدة
المهم احتياجاتك ايه
والتغطية عاملة ازاي في الأماكن اللي بتروحها
يعني في البيت وفي الشغل
ممكن تكون الشركة أفضل ما تكون لكن مش حاططة مكان بيتك أو شغلك في أولوية خطط تغطيتها او تقوية التغطية الحالية
وممكن تكون الشبكة الكل بيقول عليها سيئة وتكون مغطية كويس في عملك وبيتك

+1
انظمة التشغيل في الغالب واحدة و الفرق في محطات التقوية ,
فشوف انت الاماكن اللي بتتواجد فيها أغلب الوقت و اكتر شبكة مغطياها كويس يبقى دي اللي تستخدمها ,
اما بالنسبة لفروق التسعير فمش هتفرق كتير , كلهم متشابهين ,
انا معايا موبينيل من 10 سنين و مبسوط منها و من تغطيتها بالنسبة للاماكن اللي بتواجد فيها.

[eng/muhamad]

موبينيل جابت احدث و اكبر شبكه فى مصر
لو الكلام ده صح يبقى موبينيل الافضل
عشان موبينيل معروفه ان عروضها جامده
لكن يعيبها الشبكه سيئه فلو الكلام صح وفيه
شبكه جديده و حديثه يبقى موبينيل بقت الافضل

[Bossy_Fadl]

مفيش حاجة اسمها شبكة أحسن على المطلق كدة
المهم احتياجاتك ايه
والتغطية عاملة ازاي في الأماكن اللي بتروحها
يعني في البيت وفي الشغل
ممكن تكون الشركة أفضل ما تكون لكن مش حاططة مكان بيتك أو شغلك في أولوية خطط تغطيتها او تقوية التغطية الحالية
وممكن تكون الشبكة الكل بيقول عليها سيئة وتكون مغطية كويس في عملك وبيتك

+100000

Good point

ممكن طبيعة العمل تفرض عليك شبكة معينة

لانو مثلا ممكن تكون بتشتغل في الصحرا فتشوف انهي اقوي شبكة هتخدمك في المكان ده

و ممكن تكون بلدك نفسها فارضه عليك شبكة معينه

لانها اقوي من مثيلاتها في البلد دي

ده في مواقف قابلتني انا شخصيا انو في نفس البيت و في نفس الشقه يكون في شبكة بتشتغل افضل من التانية

فالموضوع دلوقتي بقي نسبي

و كل واحد و احتياجاته و اولوياته

[فادى]

انا معايا فودافون و هى فعلا شبكة كويسة لكن فى المناطق المأهولة فقط!
بحكم عملى بطلع مواقع كتير فى الصحرا و فى البحر, و ساعتها الموبايل مبيلقطش شبكة فى أغلب الأحيان, موبينيل بتبقى الشبكة الوحيدة الى بتلقط, و عشان كده بفكر اجيب حط موبينيل عشان الأماكن ديه.