استفسار بخصوص عمليه الليزك

[PUTTPUTT]

شكرا على النصيحه ولو حضرتك ركزت فى اول الموضوع انا كاتب ان صاحبى حصل معاة الموضوع دة وفعلا عندة عين مش بيشوف بيها غير ضعيف
طيب لو تكمل جميلك وتسال والدك هل الفمتو سمايل برضه بيقلل سمك القرنيه ولا دى حاجه تانيه
معلش انا بسال لان اخويا شغال برة وهيجى اجازة وبيفكر يعملها

للاسف هي هي نفس العملية ونفس المبدا مع اختلاف المسميات
وللاسف برضه نفس الاضرار
بس طبعا لازم يغيروا الاسم عشان يقنعوا الناس ان الموضوع بقى ادق وافضل وتجنبوا العيوب السابقة
من الاخر
مافيش حد بيلعب في خلقة ربنا وبتبقى زي الاول
اي عملية ليها اضرار بس الفكرة ايه الضرر من عدم عمل العملية
يعني الزايدة مثلا لازم تتعمل عشان لو انفجرت الشخص هايموت
ترقيع القرنية عشان اصلا الواحد مش شايف
لكن ليزك عشان يقلع النظارة مش مستاهلة والله

[buksh]

انا ما اعرفش حاجة عنها
لكن عندى بنت اختى 14 سنة ونظرها ضعيف جدا سألنا على الليزك قالولنا ما ينفعش قبل سن الـ 18 سنة

[alavokatooo_o]

السلام عليكم
انا لسه عامل العمليه من شهرين بالظبط الي اقدر اقولهولك من غير كلام كتير العمليه انك بدل ما بتلبس نظاره مش هتلبسها تاني الفرق في النظر اتحسن شويه عن لما تكون لابس نظاره القرف كله يوم العمليه بس من تاني يوم بتشوف عادي جدا ولا اكن في حاجه بتحط نوعين قطره 5 مرات في اليوم لمده شهر وفي نوع بتحطه 3 مرات في اليوم لمده شهرين وشكرا علي كده ولما بتحس بموضوع الجفاف ده بتحط نوع قطره لترطيب العين مش اكتر واي استفسار انا في الخدمه وكانت مكلفاني 3000 جنيه

[ramy_gamal]

السلام عليكم
انا لسه عامل العمليه من شهرين بالظبط الي اقدر اقولهولك من غير كلام كتير العمليه انك بدل ما بتلبس نظاره مش هتلبسها تاني الفرق في النظر [gdwl]اتحسن شويه [/gdwl]عن لما تكون لابس نظاره القرف كله يوم العمليه بس من تاني يوم بتشوف عادي جدا ولا اكن في حاجه بتحط نوعين قطره 5 مرات في اليوم لمده شهر وفي نوع بتحطه 3 مرات في اليوم لمده شهرين وشكرا علي كده ولما بتحس بموضوع الجفاف ده بتحط نوع قطره لترطيب العين مش اكتر واي استفسار انا في الخدمه وكانت مكلفاني 3000 جنيه

اتحسن شويه ولا بقه 6/6 ولا انت نظرك مكانش ضعيف اوى
هل فى مشاكل فى يوم العمليه

[SHNORY]

اتحسن شويه ولا بقه 6/6 ولا انت نظرك مكانش ضعيف اوى
هل فى مشاكل فى يوم العمليه

شوف حتعملها فين وازاي وبكام علشان انا عاوز اعملها برضه
واحتمال اعملها في مركز العيون بتاع سموحه بس لسه مكسل ومش واخد قرار

[ramy_gamal]

شوف حتعملها فين وازاي وبكام علشان انا عاوز اعملها برضه
واحتمال اعملها في مركز العيون بتاع سموحه بس لسه مكسل ومش واخد قرار

يا باشا انت تامر
بس انت عايز الليزك العاديه ولا احدث حاجه الفمتو سمايل
بالنسبه ل العاديه كنت سمعت عن د / بيتر حبشى بيقولو كويس ولسه جاى من امريكا وكل دراسته هناك واسعارة كويسه فى حدود 3000 او 3300 حاجه كدة
بس انا يمكن استنى شويه لان اخويا جاى من امريكا واحتمال يعملها هنا هو كمان هو هيكون على شهر يناير

[alavokatooo_o]

اتحسن شويه ولا بقه 6/6 ولا انت نظرك مكانش ضعيف اوى
هل فى مشاكل فى يوم العمليه

يمكن التعبير خاني في الكلمه دي ومش عايز اقولك ومتفتكرش اني ببالغ لو قلتلك ان في حاجات بشوفها اصحابي العادين مش بيشفوها زي يافطه بعيده مثلا وبالنسبه ليوم العمليه المشكله كلها انك في العمليه بيحطلك قطره مخدره تمام لما مفعول القطره دي بيروح اوعي وشك بقي تحس ان حد بيلعبلك في عينك بس مع استخدام القطرات بانتظام كل الكلام ده بيروح بسرعه واطمن واعملها ومتخافش من حاجه

[ghost11]

يا باشا خليكى زى ما انتا كده احسن انا كنت بادردش مع دكتور مصرى فى قطر فبيقولى اللى خلانى اطفش من مصر هو غياب الضمير وقالى على اسم مستشفى كبير ومشهور فى مصر بعمليات الليزك وجراحة العيون كان بيشتغل فيه

بيقولى الدكتور يبقى عارف ان سمك قرنيه المريض غير مناسب للعمليه ومع ذلك بيعملها ويروح نظره بعد 5 او 6 سنين وهو عارف انه هيرجعله يعمله نقل قرنيه من واحد ميت ب50 الف جنيه

فنصيحة بلاش ربنا يبعد عنك الشر

[yaserbasha2000]

انا الحمد لله عامل العمليه دي من 2003 و الحمد لله حتي الان النتيجه مرضيه جدا بالنسبه لي

اولا الفرق بين اليزك والفيمتو ليزك و السمايل هي في تكنيك جرح الطبقه الشفافه لكن العمليه نفسها واحده انا طبعا وقت ما عملت مكانش فيه غير الليزك

احتياطات العمليه :

1-عمل قياس نظر و التاكد من ثبات قياس النظر مرتيين متتاليتين الفرق بينهم عام علي الاقل
2-مسح للقرنيه لتحديد سمكها و تحديد نوعها (و ده موجود من زمان يعني انا عامله في 2003)
3- فيه كمان فحص لتحديد ان القرنيه مش مخروطيه (دي حاله لا يتم عمل العمليه ليها و غالبا الحاله دي بتقترن بدرجات الاستجماتزم العاليه يعني 8 و طالع)

[PUTTPUTT]

يا باشا خليكى زى ما انتا كده احسن انا كنت بادردش مع دكتور مصرى فى قطر فبيقولى اللى خلانى اطفش من مصر هو غياب الضمير وقالى على اسم مستشفى كبير ومشهور فى مصر بعمليات الليزك وجراحة العيون كان بيشتغل فيه

بيقولى الدكتور يبقى عارف ان سمك قرنيه المريض غير مناسب للعمليه ومع ذلك بيعملها ويروح نظره بعد 5 او 6 سنين وهو عارف انه هيرجعله يعمله نقل قرنيه من واحد ميت ب50 الف جنيه

فنصيحة بلاش ربنا يبعد عنك الشر

هو فعلا بس لو العين لو انفجرت لاقدر الله مش هاينفع ترجع تاني
الموضوع ببساطة انك بتلعب في خلقة ربنا وعمرك ماهتعرف تعمل واحد على مليون من خلقة ربنا
الناس كلها متفقة هنا على ان في سمك قرنية مش مناسب وهو بيرفعها زيادة
يعني باختصار بيقلل سمك القرنية زي مايقلل سمك لوح خشب ف هايتكسر اسهل او يقلل سمك صاج ف هيتطبق اسهل
ودي عين مش رفرف هاترميه وتجيب غيره
اي حاجة في الجسم بيحصل فيها مشكلة مابترجعش زي الاول ابدا زي اي واحد عنده مشكلة في العظم زي الانزلاق الغضروفي عمره مابيرجع زي الاول
بلاش احسن انا مش ناوي ازهق واقولكو لا لحد لما تقولولي اطلع بره

[ALshahba]

يا جماعه العمليه دي مفيده جدا جدا ..... بلاش تخوفو الناس
فى ناس كتير جدا بتعاني من الضعف الشديد من النظارات وبتعاني من لبس النظاره ايضا
التقدم العلمي ليس معناه ابدا تغيير خلق الله ............ "مالكم كيف تحكمون"

- ولكن انا عندي سؤال ملحوظ : لماذا اغلب الاطباء والمشهورين من الاثرياء وغيرهم ......مازالوا يلبسون النظارات ؟؟؟