بطه !!

[mmolazem]

آه يا بطتى

صرخة أطلقها القروى البسيط

عندما رأى احدى بطاته غارقة فى دمائها أمام بيته

و قف معترضاً طريق السيارة التى دهستها

تشاجر مع السائق الغريب و هو يشير الى دماء بطته على عجلات السياره

انكر السائق علاقته بالحادث

القروى : العمده يجيب لى حقى

السائق : بينا على العمده

.

.

.

العمده : بعد سماع و فهم و إستيعاب الرواية كامله . . و بناءً على ما صدر من القروى فى حق السيارة

و الشروع قى تكدير و تعكير جو الكفر و اشاعة جو من الزعل بين الكفر و بين السائق الغريب
و العمل على إهدار ثروة الكفر من الدواجن و الماشية و إضاعة هيبة الكفر تماً

تقرر :

- إزالة ما لحق بالسيارة من اذى بواسطة القروى دون أدنى إعتراض .

- مصادرة جميع طيور و حيوانات القروى .

- أمر لعموم القرية بالتخلص من كل ما لديها من طيور و حيوانات .

- عدم ذكر أو ترديد أى اسم او حتى التفكير فى ان يخطر على بال احد من الكفر اى اسم لطائر او حيوان .

- إعتبار خاصية الكلام الموجودة عند أهل الكفر لاغية من ساعته و تاريخه .

القروى بالإشاره وهو منصرف : ( يحيا العدل . . يحيا العدل ) .


انذار ووقف اسبوع لمخالفة 9 ب
يرجى مراجعة قواعد المنتدى
3:34pm 25/11/2013
م.ع.4

[saddam]

صديقي المواطن
هو ده العدل ولا بلاش وهو ده الحاكم القوي اللي الناس محتاجاه في مصر
وهذا ما لزم بيانه ودمتم
وبالتوفيق وإلى اﻷمام ومن نصر إلى.نصر
ودمتم للنضال

[horeen]

حلوه بس القصه دى متأخره فى التوقيت
توقيتها كان يوم الإعلان الديكتاتورى اللى أعلنه مرسيكا نصب نفسه فيه إله

[4fun14]

صديقي المواطن
هو ده العدل ولا بلاش وهو ده الحاكم القوي اللي الناس محتاجاه في مصر
وهذا ما لزم بيانه ودمتم
وبالتوفيق وإلى اﻷمام ومن نصر إلى.نصر
ودمتم للنضال

هى دى مطالب البلد!!!!هو ده الطموح والا فلا

[مصطفى-حسن]

ولما البط والطيور الارهابية كلها تتلم وتترمى فى السجون (مكانها الطبيعى)
ساعتها مش هتلاقى جنود تتقتل
ولا هتلاقى كنايس بتولع
ولا هتلاقى جامعات بتقتحم وبتدمر
ولا هتلاقى تجار دين

[تامر.محمد]

الخطأ لا يبرر خطأ آخر , و لا يمكن تبرير جريمة بأخرى

لا يحق لانسان تلبيس (بطة) جريمة لمجرد انه (ظانن) انها هي اللي عملتها , او انه ظانن ان البطة بنت عمها هي اللي عملتها

تجاهل تجارة امثال بطة جمعة بالدين و بطة برهامي بالدين في مقابل مسك رنة تجارة الدين تجارة الدين اسمه بالانجليزي Hypocrisy

احذروا ان تكونوا من المطففين
و عند الله تجتمع الخصوم

[friendship7897]

اضغط هنا لمشاهدة الصورة بالحجم الطبيعي.

( بِأَيِّ ذَنْبٍ قُتِلَتْ )

[تامر.محمد]

( بِأَيِّ ذَنْبٍ قُتِلَتْ )

يقال ان هي و بغلة العراق ضربوا نار على كلب العمدة فماتوا

[friendship7897]

يقال ان هي و بغلة العراق ضربوا نار على كلب العمدة فماتوا

هما اللي ضربوا!!! وهما اللي ماتوا !!!!
يبقى ليه حق العمدة
دا كلبه يا ناس مش بطة !
بس الناس ساكته ليه ؟
يا ترى هما مش شايفين الظلم اللي واقع على البطة والراجل القرووي
ولا هما مش عايزين يشوفوا الظالم أصلاً !
هو أكيد قرار العمدة هيتسبب في أن الهدوء هيعم على القرية وساكنها
بس أكيد الهدوء دا هيكون مؤقت لأن الناس كلها (الظالمة والمظلومة ) هيفوقوا في يوم من الأيام
وهيكتب في التاريخ كان فيه عمدة بلد ظلم أهلها وقتل الطيور