استفسار بخصوص ألعاب أطفال لتنمية الذكاء والمهارات

[أبو آسر]

السلام عليكم
كنت عايز أشتري شوية لعب للأولاد تنمي مهاراتهم وقدراتهم وذكاءهم مش اللعب المملة اللي مش بتكمل 24 ساعة وتتكسر فعايز آخد رأيكوا لو حد يعرف لعبة كويسة يقولي عليها وأجيبها منين
أنا أعرف محل ألعاب كويس في شارع السباق اللي بين جسر السويس وشارع الحجاز لو في محلات تانية كويسة ياريت تقولولي وتكون في نطاق جسر السويس أو مصر الجديدة أو النزهة أو العبور
وللعلم الأولاد سنهم 5 و 6 سنين وعندهم تابلت طبعا بس زهقوا منه ! فعايز ألعاب زي puzzle مثلا أو غيرها بس حاجات تنمي القدرات مش حاجة يلعبوا بيعا يوم ويزهقوا منها تاني يوم
وشكرا

[mohammedgido]

انا زيك وابني عمره سنة وشهرين
ونفسي اجبلة العاب كويسة ومش عارف اجيبلة ايه كل الي بجبهولوا بيتكسر علي طول وبيزهق منه بسرعة
ياريت حد يدلني علي العاب تناسب سنة دا واجبها منين

[محمد يوسف]

عندك محلات "تويز أر أص" Toys R US ودى فى سيتى ستارز المرحلة التانية (وفيه فرع فى روكسى غالبا) فيه كل الألعاب لكل الأعمار ..بس ألعاب ماركات وغالية شوية.

[bluemagic11]

عليك وعلى محل اسمه بهجه العقول موجود فى مول العرب و سيتى ستارز .. بهجه العقول ده متخصص فى الالعاب اللى بتمنى الذكاء عند الاطفال من سن 4 شهور لما فوق .

خد فكره و مش هتندم :)

[أبو آسر]

عندك محلات "تويز أر أص" toys r us ودى فى سيتى ستارز المرحلة التانية (وفيه فرع فى روكسى غالبا) فيه كل الألعاب لكل الأعمار ..بس ألعاب ماركات وغالية شوية.

عليك وعلى محل اسمه بهجه العقول موجود فى مول العرب و سيتى ستارز .. بهجه العقول ده متخصص فى الالعاب اللى بتمنى الذكاء عند الاطفال من سن 4 شهور لما فوق .

خد فكره و مش هتندم :)

يعني كده فيه شبه إجماع على سيتي ستارز !
الله المستعان