لو حد طلب منك المساعدة اوعي تساعدوا

[Mamoud salah H]

باختصاار كدة
اخويا الصغير كان راجع من من المدرسة (اولي ثانوي) مع مجموعة اصحابه 5 او 6 تقريبا وجه اتنين شباب وعيل صغير معاهم راكبيين فزبة وطلبوا منهم يساعدوهم في رف الفزبة عشان يفير حاجة فيها مش عارف ايه بالظبط المهم وافقوا ورفعوا معاهم الفيزبا والواد نزل تحتها يصلحها والعيل الصغير عمال يرخم عليهم ويستفزهم ويشتمهم ويجري ويرجع تاني فالمهم الاتنين اصحاب الفيزبا فضلوا يتاسفوا وان العيل الصغير الي معاهم عقله علي قدة ومش طبيعي وكدة ف اخويا واحابه تقبلوا الاسف بس الواد الصغير زود فيها لحد ما اصحاب اخويا وقعوا في المصيدة وشتموا الواد الصغير وكدة بدات التثيلية وان الاتنين بتوع الفيزبا ينخانقوا معاهم وبعد لما الوضوع خلص وركبه الفيزبا ومشيوا صاحب اخويا بيمد ايده فجيبه ملاقاش الموبايل طبعا والقصة مفهومة طبعا

من الاخر انا الي طلعت بييه من الموضوع ده
لو حد طلب منك الساعدة في الشارع اوعي تساعدوا حتي لو باس ايدك

[marieneer]

طيب وافرض ان فى شخص فعلا محتااااااااج مساعده بجد. ليه أسيبه وأمشى؟؟علشان فى حد سرقنى أو خطف منى حاجه. لا لا لا المبدأ واحد ساعد وخلى اللى يسرق يسرق. لازم تعرف حاجه مهمه جدا . كلنا هنتقااااااابل تااااانى

[Ahmed_Adham]

مش معنى ان فيه ناس بتسرق عربيات ان كل الناس تتحبس في بيوتها ومتخرجش بالعربيات. فيها ايه لما أساعد الناس وأبقى حريص على نفسي وعلى حاجتي في نفس الوقت؟

[saddam]

صديقي المواطن
قولا واحدا مخافة أن لاتظلم فمهما إتأذيت ومهها يحصل لك إفضل ساعد الناس ﻷنه لو واحد من كل 10 تساعدهم يطلع هو فعلا يستاهل والباقي من جماعة
ومن يزرع المعروف في غير أهله يكن حمد ذما عليه ويندم

فصدقني الواحد ده هو اللي حيوقفلك عند ربنا وكمان مساعدة اﻵخرين تجلب لك راحة نفسية ورضا فظيع عن النفس وإحساس إن لسه الخير جواك وإنك لسه منحدرش مستواك إلى منزلق الناس التعبانة اللي مجرد تتفسهم يسيء لخلق الله فأرجوك لا تحرم نفسك من شعور رضاك عن نفسك
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[mohamedbook]

اشكالهم بتبان بيبقي سحنة امهم غبرة ولهجتهم منيله بنيلة وشكلهم بيقول يامشاكل شمين كله علي الصبح وكمان شربين بانجوا

[Mamoud salah H]

والله من كتر ما بقي المواضيع بتكرر مع ناس كتيير اعرفهم بقييت ش عارف اعمل ايه اقول مليش عوة ومساعدش ولا حاجة

[miceg]

تمااااااام وبعدين ؟؟؟؟؟؟؟؟؟
هو اخوك محدش قاله ان أغلب الحرامية هما اللي بيركبو فزبات وتكاتك ولا لا

[buksh]

الحسنة تخص والسيئة تعم

[Mamoud salah H]

تمااااااام وبعدين ؟؟؟؟؟؟؟؟؟
هو اخوك محدش قاله ان أغلب الحرامية هما اللي بيركبو فزبات وتكاتك ولا لا

لا هو للاسف كل الي قالولوا الوا ساعد كل الناس من غيير ماتفرق عشان ممكن يكون كويس ومش حرامي

[ALshahba]

يحتسب النية عند الله وان شاء الله يؤجر عليها
لازم كلنا تساعد بعض ونساعد كل من احتاج المساعده
ولكن نتحري الصدق قدر المستطاع ..... المسلم كيس فطن وليس "كيس قطن"

[OMAR61995]

أنا نفسى أعرف الواحد يعيش فى البلد دى ازاى بعد كده
حتى المساعدة بقت سرقة !

حاجة شبه الموقف ده قريتها على الفيسبوك (بغض النظر عن الباقى )

واحد طلعلي بمطوه و سبتني.. أظن صعب حد يصدق التفاصيل اللي حصلت.

نازل من البيت بالموبايل و المحفظه فيها 750 جنيه و 10 جنيه في جيبي..
ونا ماشي في الشارع قابلت واد ساند على مدخل عماره.. نده عليا.. قلتلو أؤمورني قالي في كرتونه جوا (بيشاور على جوا العماره).. ممكن ترفعها على ضهري بس بعد أذنك.
دخلت معاه العماره عشان ارفعها على ضهره زي مهو عايز.
طلعنا كده على أول سلمتين.. و فجأه قام ماسك فيا و مطلع مطوه و اطلع بالموبايل بدل موربنا لاعورك..
تغفيله ..... خصوصا ان انا طالع في نيتي أساعده.. و ده رافعلي مطوه!
قمت سكت ثانيه كده.. و قلت
- يعني أنا جي أساعدك.. تقوم رافع عليا مطوه!
ولا كاني قلتلو حاجه طبعا و مكمل تهديد
. اطلع بالموبايل يبن الحلال لو عايز تروح سليم.
ونا مش عايز اخسر الموبايل ولا عايزه يعرف أني معايا 700 جنيه في المحفظه طبعا.
فكرت لثانيه كده.. و قلت بقولك ايه تاخد ميت جنيه؟
الابتسامه .... بئو..
. يا ريت.. تبقا عملت فيا معروف.
قمت حطيت أيدي في جيبي على أساس هطلعلو الميت جنيه.. لقيت العشره جنيه هي اللي طلعت في أيدي.. الواد .... كانت هتفضحه هو شخصيا و تلم الناس اللي في العماره من قوتها.
. إنتا قلت ميجنيه.. أعمل بيها ايه العشه جنيه.
أنا كل ده بفكر اطلعله إزي ورقة الميت جنيه من وسط السبعميت جنيه.. هو لو شاف المبلغ ده في المحفظه هياخده كله مفيش كلام.. فكرت أني اطلعله ورقة الميه و هي في المحفظه و المحفظه في جيبي.
أعدت العب بأيدي في الجيب الورا في محاوله ان الورقه تطلع من المحفظه لوحدها من غير ما تأخد ورق تاني معاها قام مزعء
. أخلص و طلع الميت جنيه ياه
- بطلعلك أمها أهو.
لحد ما القدره الإلهيه تدخلت و الورقه طلعت معايا من غير ماشوف المحفظه.. بس كان خد بالو أني سلتها من وسط فلوس تانيه تقريبا..
. ولا إنتا سلت الورقه كده ليه.. إنتا معاك فلوس تانيه؟
قلتلو لا ممعيش
بصلي كده و عارف أني كداب.. و هيمد أيده عشان يأخد المحفظه بنفسه (لو كان عمل كده أنا كنت همد أيدي و اللي يحصل يحصل.. أنا سايب مد الأيد آخر حاجه لو خربت و هياخد الموبايل و الفلوس)
مسكت أيده و هو بيمدها و قلتلو احنا مش اتفقنا على ميت جنيه؟
(اللي جي ده أنا نفسي مش مصدق أنه حصل)
لقيتو قام مدخل المطوه في جيبو.. و ماسك دماغي و بيبوس عليها.. و بيقولي بالنص كده
أوعى تزعل مني.. اللي أنا عملته ده غصب عني إقسم بالله إنتا أصلك مجربتش إحساس ان يبقى ليك بت جعانه و مفيش في أيدك حاجه تعملها.. و ديه بلد .... اللي معوش شهاده ....
*كل ده وحنا بنتمشى خارجين من العماره و طالعين عالشارع*
و قام مكمل
. إنتا إسمك ايه؟
- كريم
. كريم إنتا مسامح في الميت جنيه ديه؟ أنا اقسم بالله مكنت هعملك حاجه بالمطوه.. أنا بهدد بيها بس.
- إنتا إسمك ايه؟
. مصطفي
- بص يا مصطفى إنتا لو عامل كده عشان تجيب برشام.. أنا مش مسمحك فيها.. لو فعلا عشان جعان زي ما بتقول.. فنا أقسملك بالله أني مسمحك.
*كل ده بنكلم و احنا بنتمشى.. خلصنا بتاع أربع شوارع مثلا وحنا بنكلم.. مش منظر أتنين كانو بيثبتو بعض أبدا*
فا بعد ما قلتلو أني مسمحو.. باس على دماغي تاني و باسني على خدي و نا كمان بوستو.. متفهمش إزي.. أنا لسه مستغرب نفسي لغاية دلوقتي.. بس الواد صعب عليا بمعنى الكلمه.. الحراميه مش ... زي محنا ما وأخدين عنهم فكره.. الظروف هي اللي .... و ونبي وحيات ابوك مطلعش كلام الأفلام العربي عليا.. اللي هو أنا أكلها بدوقه ولا أني أسرق.. إنتا عمرك ما عرفت يعني ايه جعان.. أو بلاش إنتا..إنتا عمرك عرفت يعني ايه أهلك و عيالك يبقو جعانين؟

ما علينا من الهري ده كله..المهم ان ربنا ستر و روحت بالموبايل و الفلوس.

[beshoyyy]

معلش ربنا يعوضة علي فعل الخير

[S O P H O S]

معلش يا جماعة هو المقصود النصيحة
ولكن يمكن عنوان الموضوع مباشر زيادة

[Mamoud salah H]

معلش يا جماعة هو المقصود النصيحة
ولكن يمكن عنوان الموضوع مباشر زيادة

+1111

[chicobon]

ربنا يعوضه بي موبيل احسن سرقة الموبيلات بقت اسهل حاجة صحبي نسي تليفونه في تاكسي و السواق مرجعهاش و فضل يكنسل عليه و بعدين رمي الشريحة اهو طب ده عمل كده ليه ولا يتقال عليه ايه سواق حرامي ولا ملوش ضمير الواحد بقي مش عارف الكويس من الوحش و في الاول و الاخر كله علي الله