نصب

[koheya]

النهارده واحد كلمنى وقالى يا باشا انا حولتلك 25 جنيه رصيد بالغلط ابوس ايدك حوليلهملى تانى لانى بشتغل فى سنترال وممكن اترفد ولقيت فعلا رساله تحويل فلوس على تليفونى وبعد لما حولتله الفلوس اكتشفت ان رساله التحويل من نمره تليفون مش من اتصالات ولما استعلمت عن الرصيد اكتشفت انه فعلا محوليش حاجة وان دة نصب لذا ارجو الانتباه.

[starlanos]

والله العظيم حصلت معايا
بس انا حظي احسن وفعلا اتبعت رساله انه حولي 25ج
وحظي الحلو اني اصلا معيش رصيد
واحلا حاجة في الرساله مكتوب ايه
حول من حنيه

[assaf]

لاسف الموضوع دا كتر اوي و الغريب انه بيتصل قبل التحويل مش بعده

[DODGE2013]

ماتلومش النصاب لوم الي اتنصب عليه

لان في الحاله ديه اي انسان تاني (فاهم)

المفروض اول حاجه يعملها يشوف الرسال بتاعت التحويل ويشوف الرقم الي مبعوت منها المفروض يكون رقم رسمي

من فودافون او كلمة فودافون بس تاني حاجه يشوف رصيده كام

انا واحد غبي عملهالي زمان وكنت خط مش كارت ههههههههههههههههههههه ده اقوله ايه بقى ؟؟؟

اكتفيت اني قلتله حمرا وقفلت في وشه

عموما ربنا عمره ما بيوفق حد بيسعى في الشر او اكل المال بالحرام مهما طال الوقت

يمهل ولا يهمل

[Secret-Man]

حصلت معايا من واحد صوت امه فلاح جلنف واديته طريحه زى الفل وشتمته لحد ماهو قفل هههههه

وكان بيصطبح بيا لسه وان ارايح الشغل الصبح بيتصل ابن الذين

[DreAmO]

حصت معايا بردو من سنه
اللي اتصل بيه لهجته غير مصريه
وانا موبينيل .. وهو استعلم عن رصيدي عن طريق خدمه موبينيل
وبعتلي رساله بنفس صيغة موبينيل وفيها الرصيد بعد التحويل لأنه استعلم عنه اساسا
علشان تبقى لارساله متقنه ومقنعه

لكن هو غبي وكاتب الرقم اللي تم الارسال منه كاتبه غلط 12 رقم تقريبا .. ده غير ان الراسل رقمه مش موبينيل

وفضلت العب بيه واغرمه مكالمات وانا عامل نفسي مش عارف احولهمله واطلب مساعدته ههههههههههه

[MuhamedNabil]

النهارده واحد كلمنى وقالى يا باشا انا حولتلك 25 جنيه رصيد بالغلط ابوس ايدك حوليلهملى تانى لانى بشتغل فى سنترال وممكن اترفد ولقيت فعلا رساله تحويل فلوس على تليفونى وبعد لما حولتله الفلوس اكتشفت ان رساله التحويل من نمره تليفون مش من اتصالات ولما استعلمت عن الرصيد اكتشفت انه فعلا محوليش حاجة وان دة نصب لذا ارجو الانتباه.

كلم خدمة العملاء و قولهم و هم يقدروا يشوفوا التحويلات و لازم تعرفهم انه نصاب و بيستخدم الخدمة بطريقة غير مشروعة و بينتحل صفة الشركة و كده يعنى مش حتخسر حاجة بلعكس ممكن يرجعولاك التحويل. على الاقل تبقى عملت العليك.

[AboELsoud]

انا بتحصلي بمعدل مره في الاسبوع على الاقل
و خلاص اتعودت
اول مره حصلت معايا استعلمت عن الررصيد بسرعه و عرفت انه نصاب قمت باعتله الرساله بنفس الصيغه
اللي هوه كاتبها عشان يعرف انه مش هوه الصايع الوحيد

بعد كده بقيت استخسر ابعت رساله بقيت اقوله حاضر اول ما توصلي رساله التحويل هابعتلك الرصيد تاني
يقوم يفرح و يقوللي ماشي و يقوم باعتلي الرساله اقوم منفض
يقوم يتصل عشان يعرف فيه ايه اقوم فاتح عليه و اسيب رصيده يخلص
يقعد تلت اربع مرات كده يلاقي انه رصيده بيروح يقوم ساكت :)

[sama_Sama]

حصلت معايا قولتله عوضك على الله، خلي بالك المره الجايه

[saddam]

صديقي المواطن
والله تعبنا من العلل اﻹجتماعية في مصر فعلا يقت الحياة لا تطاق وعلى شفير الهاوية في آخر 5 سنين وأشدها في آخر 4 سنين ولكن أنا مزعلني من الناس اللي تنزل لمستواه وتعمل ناصحه وتبادله الخدعة أو تفتح عليه أنا تاس زي دولرأترفع عنهم وأتجاهلهم التجاهل التام كأنه مش موجود أصلا ولكن أناقشه وأرد عليه وآخده على قد عقله فأي رد عليه حيكبره وهو عندي حشرة فلا أرد ولا أديه فرصة يسمع صوتي وأصرف عليه طقم أحبال صوتيه
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[محمد طايع]

برضه حصلت معايا
وكنت هصدقه للأسف لولا انى حاولت اتصل قبل ما احوله
وعلشان النصيب مكانش معايا رصيد وطبعا اكتشفت انى لسه مش معايا رصيد

قمت منفضله علطول

[Ahmed_Adham]

اشتكيه في اتصالات وهما هيلاقو انه بيبعت الرسايل دي وناس مختلفه بتحوله رصيد كل يوم وهيبلغو عنه المباحث. وياريتك تعمل محضر بنفسك عشان ييجي من قفاه.

[S O P H O S]

شكرا عالتنبيه
طرق النصب بقت فكل حته وبأي وسيلة