استشاره بخصوص شقة فى التجمع

[ahmed]

يا جماعه انا عايز استشارة ... انا شفت شقه بالتجمع الخامس عمارة اهالى الراجل بنى العمارة وكله تمام بس لسه ما دخلهاش كهرباء يعنى الشقق ما فيهاش عداد بس فيها وصلة انشاءات المهم الشقه قيمتها 500 الف قالى ادفع 350 مقدم والباقى على 18 شهر ماشي المهم بقى قالي انا هسلمك بعد 5 شهور وهنكتب عقد ابتدائي بكده و بعد ما الاقساط تخلص هايدينى عقد نهائي واخد عليه صحه توقيع [ السؤال بقى دلوقتى انا هدفع مقدم 350 الف ومش هستلم غير بعد خمس شهور و كمان لسه ما اطمنتش ان الكهرباء دخلت وان الشقه ركبلها العداد هو انا كده صح ولا غلط ] لان فى ناس قالتلى انت هتدفع 75 % من المبلغ والباقى بشيكات وهو ما سلمكش الشقه و كمان مافيهاش عداد كهرباء طب افرض الكهرباء مادخلتش لاي سبب طب افرض هو مسلمكش بعد 5 شهور
ودلوقتى انا لو كتبت العقد ايه اللى يمنع انى اجيب باب حديد واحطه ع الشقه ولا استنى لما يدخل الكهرباء ويسلمنى يارت الافادة

[khaled_yassin]

نصيحتى يا باشا
انا اشتريت شقه فى التجمع الخامس شهر 1 الى فات ودفعت نصف المبلع والنص التانى بوصلات امانه وزى ما قالك كده عقد بيع ابتدائى لحد ما تخلص الاقساط , لشقه كلها ملك ليك تقدر تحط باب حديد وتقدر تشطب كمان لو عايز
المشكله كانت فى ايه بقى , صاحب العماره قالى هسلمك فى شهر 4 يعنى بعد 3 شهور قولتلوا تمام التمام
يادوب موصل الكهرباء الاسبوع لاى فات بس يعنى قعد بتاع 10 شهور على ما وصل الكهرباء بس بصرحه كان بيشتغل فى تشطيب العماره وفعلا شطبها بس كانت واقفه على الكهرباء
انا عن نفسى مكنتش مستعجل خالص فمكنش فارق معايا واول ما الراجل دخل الكهرباء عرضتها للبيع
السؤال لحضرتك اولا هى مكانها فين وانا اقولك الكهرباء ممكن تدخلك امتى ؟
العماره متشطبه ولا لالا؟
سالت فى الجهاز عليه اى مخالفات ولا لالا؟
انت مستعجل على انك تسكن فيها ولا لا؟

واى استفسار انا تحت امرك

[beshomilan]

عمارة اهالي ب ٥٠٠ الف جنيه فالتجمع!!!!! ده التجمع مليان كمباوندات راقيه جدا وفيها شقق بنفس الرقم ده وبتدفع الربع والباقي بيتقسط علي ٥ سنين بدون فوائد

[beshomilan]

وكمان عقد البيع الابتدائي متقدرش تبيع بيه الشقه لو اتزنقت قبل ماتخلص الاقساط..وافرض كمان صاحب العماره رفض يديك مخالصه مع اخر قسط هتعمل ايه!!اسأل محامي دي نصيحه اخويه

[أحمد عبدالله]

المكان فين فى التجمع

[أبو صلاح]

عمارة اهالي ب ٥٠٠ الف جنيه فالتجمع!!!!! ده التجمع مليان كمباوندات راقيه جدا وفيها شقق بنفس الرقم ده وبتدفع الربع والباقي بيتقسط علي ٥ سنين بدون فوائد

فين ياباشا الكومباوند اللي ب 500 الف ده ؟

[ahmed]

نصيحتى يا باشا
انا اشتريت شقه فى التجمع الخامس شهر 1 الى فات ودفعت نصف المبلع والنص التانى بوصلات امانه وزى ما قالك كده عقد بيع ابتدائى لحد ما تخلص الاقساط , لشقه كلها ملك ليك تقدر تحط باب حديد وتقدر تشطب كمان لو عايز
المشكله كانت فى ايه بقى , صاحب العماره قالى هسلمك فى شهر 4 يعنى بعد 3 شهور قولتلوا تمام التمام
يادوب موصل الكهرباء الاسبوع لاى فات بس يعنى قعد بتاع 10 شهور على ما وصل الكهرباء بس بصرحه كان بيشتغل فى تشطيب العماره وفعلا شطبها بس كانت واقفه على الكهرباء
انا عن نفسى مكنتش مستعجل خالص فمكنش فارق معايا واول ما الراجل دخل الكهرباء عرضتها للبيع
السؤال لحضرتك اولا هى مكانها فين وانا اقولك الكهرباء ممكن تدخلك امتى ؟
العماره متشطبه ولا لالا؟
سالت فى الجهاز عليه اى مخالفات ولا لالا؟
انت مستعجل على انك تسكن فيها ولا لا؟

واى استفسار انا تحت امرك

الشقه في غرب ارابيلا عند المصريه للغات . العماره متشطبه سلالم ووجهات والشقه كل ليها باب وكل حاجه بس هو لسه شغال في المطبخ عشان بيوسعه شويه عن طريق المنور ولسه مسالتش في الجهاز ولا اتا مستعجل اني اسكن فيها

[ahmed]

فين ياباشا الكومباوند اللي ب 500 الف ده ؟

فين ياباشا الكلام ده هتلي شقه ٣ غرف و يسبشن 130متر بالسعر والمواصفات دي في كومباوند

[magedfarid]

• انت تقدر ترفع قضية بصحة التوقيع على العقد الابندائي عادي مش لازم العقد يبقى نهائي
• انت بتسال في الجهاز علشان تعرف اذا كان في على العقار اي مخالفات جسيمة ام لا وصاحب العمارة لازم يكون معاك او يديلك المستندات اللي هتحتاجها
  
• الاهم انك تتاكد من ملكيه صاحب العقار للارض المبني عليها

[ahmed]

ماشي فرضنا اني تاكد من كل ده ..طبيعي اني ادفع كل المقدم وهو لسه مدخلش عداد الكهربا وهو ايه اللي يمنع اننا نكتب في العقد انه سلمني الشقه مع التزامه التام بتوصيل عداد تيار كهربائي للعين محل العقد في موعد غايته .....كذا

[khaled_yassin]

اخونا الى بيقول كمباوند ب500 الف ده كلام صح جدا بس كان ينفع من سنه فاتت اقولك اه
دلوقتى يا باشا النرجس المتر ب4 الاف فم فما فوق والبنفسج ب3800الى 4200
ومش هتلاقى الاقساط طويله المدى خلاص اخرك دلوقتى سنه ونص لو حد عمل معاك واجب
اى كمباوند السعر اكتر من كده بكتير وهتشترى رمله
انا شغال فى المقاولون العرب بنعمل هناك كمباوند المتر ب 3800 ولحد دلوقتى ما حطناش يافطه المشروع لسه يعن رمله فى رمله حتى كمباوند نقابه المهندسين مساحات كبيره اوى والسعر ب3500
يعنى من الاخر الحكومه هتبيع ب3500 لحد 4000 تفتكر الاهالى والكمباوند هيكون بكام؟

[khaled_yassin]

ماشي فرضنا اني تاكد من كل ده ..طبيعي اني ادفع كل المقدم وهو لسه مدخلش عداد الكهربا وهو ايه اللي يمنع اننا نكتب في العقد انه سلمني الشقه مع التزامه التام بتوصيل عداد تيار كهربائي للعين محل العقد في موعد غايته .....كذا

مش هيعملها يا باشا مش هيكتب تاريخ هو اخره هيكتب ان هو هيسلمك العمارره شغاله كهرباء وميه
المنطقه بتاعتك الكهرباء داخله فيها يعنى مجرد اجراءات ومش هينفع يدخل كهرباء غير لما بكون مشطب واجهه وسلم , ونصيحه منى اول ما هيدخل الكهرباء هيزود فى سعر المتر
بس انت بالسعر ده تقدر تشترى فى النرجس او البنفسج احسن من غرب اربيلا

[ahmed]

مش هيعملها يا باشا مش هيكتب تاريخ هو اخره هيكتب ان هو هيسلمك العمارره شغاله كهرباء وميه
المنطقه بتاعتك الكهرباء داخله فيها يعنى مجرد اجراءات ومش هينفع يدخل كهرباء غير لما بكون مشطب واجهه وسلم , ونصيحه منى اول ما هيدخل الكهرباء هيزود فى سعر المتر
بس انت بالسعر ده تقدر تشترى فى النرجس او البنفسج احسن من غرب اربيلا

شكرا ياباشا الواحد دماغه هتنفجر من التفكير

[ramymechanics]

عمارة اهالي ب ٥٠٠ الف جنيه فالتجمع!!!!! ده التجمع مليان كمباوندات راقيه جدا وفيها شقق بنفس الرقم ده وبتدفع الربع والباقي بيتقسط علي ٥ سنين بدون فوائد

الكلام دة حضرتك شفته فى أنهى فيلم خيال علمى ؟؟؟ كومباوند فالتجمع ب 500 وقسط كمان؟؟ طب هاتلى 2 وهجيبلك الفلوس بكرة! !!!

ماونتن فيو ب 7000 المتر
فاميلى سيتى 6400 المتر
ووتر واى المتر ب 7200 على سنة ونص
ميفيدا الى تسليمها كمان سنتين وفى آخر بلاد المسلمين الشقة 130 متر بمليون وحبة
كل دة طبعا غير وديعة الصيانة والذى منه

[khaled_yassin]

لازم تروح تسال الجهاز على العماره علشان لو عليه اى مخالفات الموضوع هيبقى مقرف
وزى ما قولتلك المبلغ بتاعك يجيب فى النرجس وهى حاليا التوب فيها عمار عن البنفسج وارقى من غرب اربيلا
واى استشاره انت تؤمرنى