محتاجينا معاهم و لو ليوم لواحد

[OlaOsman]

تعبوا في شبابهم كتير.. يمكن أيامها ما كانوش محتاجين حد جنبهم.. دلوقتي همه في دور المسنين لسبب أو لآخر.. و دلوقتي همه محتاجين ناس تكون جنبهم.. خصوصا في رمضان و وقت الفطار و لو ليوم واحد.. ناس تنسيهم و لو مؤقتا أد ايه همه منسيين و وحدانيين.. يا ريت نكون احنا من الناس دي

مش هانفطر معاهم في الدار.. لأ ده احنا هانخرجهم و نخرج معاهم و نفطر معاهم في مكان على النيل.. نخرجهم من جو الدار الرتيب و ندخل على قلوبهم السرور و نخليهم فعلا يغيروا جو وينبسطوا.

مش هانتكلم معاهم عن ليه همه في الدار و فين أهلهم.. مش هانقلب عليهم المواجع.. بس كفاية اننا نبقى جنبهم.. نحسسهم بالدفا و ان فيه حد بيفكر فيهم.. كفاية اننا نفتح لهم علب العصير وقت الفطار.. نقطع لهم الأكل لو قوتهم خانتهم و مش قادرين يقطعوها بنفسهم.. نفتح لهم أزايز المية.. و الله لو رحنا عملنا دي بس و رجعنا ربنا ان شاء الله هايتقبل مننا

المعاد يوم السبت اللي جاي ان شاء الله 20/9.. انا عارفة ان معظم اللي هايروحوا مقابلة رمضان بتاعة نايل موتورز اليوم اللي قبله هايبقى صعب يفطروا برة بيتهم يومين ورا بعض.. انما اللي مش هايقدرييجي يا ريت يقول للي يعرفهم عشان الثواب يعم ان شاء الله.

ده لينك اليوم على الفيس بوك فيه كل التفاصيل http://www.new.facebook.com/home.php...id=28419658574

[م/محمد صلاح]

جزاك الله خير يا علا وربنا يتقبل منك ويجعله فى ميزان حسناتك وانا ان شاء الله لوقدرت اكيد هاجى اهو يمكن لما نكبر ونبقى زيهم نلاقى حد يعملنا اللى احنا سبق وعملناه لغيرنا

[theking2690]

جزاك الله خيرا يا علا باشا وبإذن الله احاول اجى بس ادعى انهم ما يهلكوناش فى الكليه يوميها

[Akram]

ربنا يبارك فيكي يا علا,
و ربنا يُعني و أقدر آجي ,
انا شايف في الإفطار اللي فات و الموجود علي الـ FaceBook ان الإفطار كان جماعي في مكان على النيل , يا تري هيكون الإفطار السنة دي فين ,
و هل بيكون فيه برنامج معين ,
مثلاً بننقل المسنين من الدار بتاعتهم في توقيت محدد ,
بعد الإفطار هل بيكون فيه ندوة ولا ايه اللي بيتعمل ,
القعدة بعد الافطار بتبقى لكام ,
إعادة المسنين الي الدار ,
و هو مكان الدار بتاعتهم فين .

[OlaOsman]

جزاك الله خير يا علا وربنا يتقبل منك ويجعله فى ميزان حسناتك وانا ان شاء الله لوقدرت اكيد هاجى اهو يمكن لما نكبر ونبقى زيهم نلاقى حد يعملنا اللى احنا سبق وعملناه لغيرنا

و جزاك كل الخير يا ميمو و يا ريت فعلا تقدر تيجي

[OlaOsman]

جزاك الله خيرا يا علا باشا وبإذن الله احاول اجى بس ادعى انهم ما يهلكوناش فى الكليه يوميها

ههههههههههههه علا باشا دي بتاعة شيكو يا رب يكون وصل مصر دلوقتي بالسلامة

ان شاء الله ربنا يكتب لك ثواب اليوم حتى لو ماقدرتش تروح

[OlaOsman]

ربنا يبارك فيكي يا علا,
و ربنا يُعني و أقدر آجي ,
انا شايف في الإفطار اللي فات و الموجود علي الـ FaceBook ان الإفطار كان جماعي في مكان على النيل , يا تري هيكون الإفطار السنة دي فين ,
و هل بيكون فيه برنامج معين ,
مثلاً بننقل المسنين من الدار بتاعتهم في توقيت محدد ,
بعد الإفطار هل بيكون فيه ندوة ولا ايه اللي بيتعمل ,
القعدة بعد الافطار بتبقى لكام ,
إعادة المسنين الي الدار ,
و هو مكان الدار بتاعتهم فين .

يا رب بإذن الله تقدر تيجي يا أكرم.

هي كل الأسئلة اللي انت سألتها دي أو معظمها موجود على الفيس بوك في اللينك اللي في رأس الموضوع، بس عموما برضه هجاوبك على اللي أعرفه منها:
مكان الإفطار هو نادي العاملين المدنيين في شارع عبد العزيز آل سعود بالمنيل أمام بيتزا بلس

البرنامج بعد الإفطار هايكون غالبا نزهة نيلية بالمركب و بعديها تخت شرقي و مشاركات حرة من المسنين نفسهم.

اليوم آخره الساعة 9 مساء

انتقال المسنين من و إلى الدار بتكون بباص مخصوص

اللي هاييجي لازم يأكد انه جاي على الأرقام دي 0111148282
0113666854 جمعية روح، عشان يتعمل حسابه في وجبة إفطار و إلا هايتسووووووووووح

آخر معاد لتأكيد الحضور هو غدا الجمعة الساعة 9 مساء.

اليوم فعلا محتاج إيدين رجالة عشان مساعدة المسنين في طلوع و نزول السلالم و ركوب المركب و طلوع الأتوبيس و إلى آخره.