ممكن مساعدة .. إستفسار عن متطلبات سفر لرحلة علاجية لـ إيطاليا

[Xander2010_Evo]

السلام عليكم ورحمة الله
رجالة نايل موتورز إزيكم عاملين إيه؟؟
بالمختصر بس عشان مطولش عليكم .. أختي محتاجة تعمل عملية جراحية فالقدم وملقتش دكتور هنا في مصر بيعمل العملية دي للأسف وكل إللي لقيتهم نسب نجاح العملية مش كويسة
فالمهم دورت شوية كده علي النت وربنا رزقني بدكتور فلسطيني بس عايش في إيطاليا وبيقوم بالجراحة دي .. المشكلة دلوقتي أنا ولا أعرف حاجة أصلآ عن إيطاليا
ومسافرتش الصراحة قبل كده برة مصر خاااااااالص
ولا عملت باسبور لأختي لسه ولا أي حاجة ومش عارف آخد مواصلات إيه هناك عشان أوصل للمدينة إللي فيها الدكتور ده ومش عارف هنقعد فين علي مانخلص
قولولي أعمل الخطوات إيه بالظبط لأني صراحة مش عارف أسأل مين ولا أروح فين أصلآ
جزاكم الله خيرآ مقدمآ

[wael3m]

السلام عليكم
انا ممكن أفيدك ياريت تقول الدكتور فى اى مدينة ولو معاك رقم تليفونة
لو شغال في مستشفى هيعملك ورقة تروح بيها السفارة تقدم على تأشيرة علاج

[saddam]

صديقي المواطن
ربنا بشفي مريضكم
ولكن حضرتك شايل هم للمواصلات هناك إنت إدعي ربنا بس تعرف تطلع من المحروسة وتوصل لباب المطار الباقي كله بفلوس حيمشي وحتعيش تجربة محترمة ولكن المصيبة عشان تطلع فيزة أول مرة أظن حتكره نفسك وتكره إنك إتولدت في مصر عقبال متطلعلك فيزة ده إن طلعت ونصيحة دور على دكاترة هنا بس إتعب شوية حتلاقي ثم إيطاليا أساسا مش من الدول المشهورة بتطور العلاج عندهم ممكن ألمانيا كندا أستراليا وتصدق أوكرانيا أحسن في العمليات من إيطاليا ومعروفة إن أحسن حلول لمشاكل العظام في العالم واﻷربطة والغضاريف هي عند الدكاترة الروس
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[Xander2010_Evo]

السلام عليكم
انا ممكن أفيدك ياريت تقول الدكتور فى اى مدينة ولو معاك رقم تليفونة
لو شغال في مستشفى هيعملك ورقة تروح بيها السفارة تقدم على تأشيرة علاج

وعليكم السلام ورحمة الله :D
أولآ جزاك الله خيرآ ومتشكر جدآآ علي سرعة رد حضرتك
هي العملية بتتعمل عنده فالعيادة .. حاجة كده زي جراحة اليوم الواحد وبعدها بأسبوع بتروح تاني للدكتور عشان أول مراجعة .. فـ لسه مش عارف هل هتبقي المراجعة دي مرة واحدة ولا كل قد إيه عشان أعرف أحدد الإقامة قد إيه .. ده أولآ
ثانيآ العنوان أهوه
Ancona- via maggini 200, italy 60128
وإداني بردو رقم التليفون وشاءت الصدفة إنه دكتور فلسطيني بس عايش هناك أصلآ
وقاللي ممكن يبعت دعوة عشان الفيزا
بس لسه بردو مش عاوز أبدء في أي إجراءات الإ بعد لما أبقي مُلم بالموضوع كله وتكاليفه
ولسه هوا كمان طالب مني شوية أشعة وتحاليل لسه هعملها
بس ممكن حضرتك تفيدني فالموضوع ده إزاي ؟؟ ههههههه لأن صراحة مش عارف أبدء منين ولا فين

[Xander2010_Evo]

صديقي المواطن
ربنا بشفي مريضكم
ولكن حضرتك شايل هم للمواصلات هناك إنت إدعي ربنا بس تعرف تطلع من المحروسة وتوصل لباب المطار الباقي كله بفلوس حيمشي وحتعيش تجربة محترمة ولكن المصيبة عشان تطلع فيزة أول مرة أظن حتكره نفسك وتكره إنك إتولدت في مصر عقبال متطلعلك فيزة ده إن طلعت ونصيحة دور على دكاترة هنا بس إتعب شوية حتلاقي ثم إيطاليا أساسا مش من الدول المشهورة بتطور العلاج عندهم ممكن ألمانيا كندا أستراليا وتصدق أوكرانيا أحسن في العمليات من إيطاليا ومعروفة إن أحسن حلول لمشاكل العظام في العالم واﻷربطة والغضاريف هي عند الدكاترة الروس
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

هههههههه حلوة صديقي المواطن دي .. ممكن تزود عليها كمان المطحون :d
والله أنا دورت علي دكاترة كتير هنا بس نسب نجاحها هنا في مصر شبه فاشلة وبيستخدموا طرق الجراحة التقليدية وتخدير كلي وشق للقدم كلها وجبس لمدة 8 أسابيع وبعدها متمشيش عليها 6 شهور وحاجة آآآخر عك الصراحة .. في حين إنهم هناك بيعملوها بتخدير موضعي وعن طريق 3 ثقوب كل واحد من مكمل 3 مللي ومفيش مسامير والمريض بيخرج يمشي علي رجله في نفس اليوم بس بحذاء طبي لمدة إسبوع .. وبالنسبة لتقنية العملية ذات نفسها لقيت دكاترة كتير فالعالم كله بيعملوها بس بتقنيات بردو جراحة كاملة بتخدير كلي ومسامير وكلام كبير .. أينعم التكاليف باهظة بس كولو يهون .. صحة البني آدم متتعوضش ولو بفلوس الدنيا كلها
موضوع الفيزا والتذاكر والمواصلات والحاجات دي أهوه ربنا يستر .. دعواتك :)

[wael3m]

بصراحة مش عارف أساعدك أزاى لان الدكتور كدا هيعمل كل حاجة

ممكن مثلا اساعدك في فندق لانه مجال شغلى . أظن لازم نسخة من الباسبور علشان يقدر يبعت عليه الدعوة
ومن خلالها بتروح السفارة وبتقدم على تأشيرة
بالنسبة للمطار هتاخد القاهرة روما وبعد كدا قطار سريع للمدينة دى.
لو احتاجت حاجة تانية تحت أمرك

[Xander2010_Evo]

بصراحة مش عارف أساعدك أزاى لان الدكتور كدا هيعمل كل حاجة

ممكن مثلا اساعدك في فندق لانه مجال شغلى . أظن لازم نسخة من الباسبور علشان يقدر يبعت عليه الدعوة
ومن خلالها بتروح السفارة وبتقدم على تأشيرة
بالنسبة للمطار هتاخد القاهرة روما وبعد كدا قطار سريع للمدينة دى.
لو احتاجت حاجة تانية تحت أمرك

جزاك الله خيرآ بجد .. حضرتك بجد نجدة جاتلي من السماء
أكتر موضوع كان قالقني موضوع الفندق ده والسفر الداخلي لأني معرفش أي حاجة هناك
حاليآ لسه في مرحلة عمل الباسبورتات والدكتور كان طالب كام تحليل علي أشعة ولسه مخلصتش
ده غير إن الجو دلوقتي أكيد هناك تلج فـ والدي بيفكر يأجل الموضوع ده لأول الصيف
سؤال أخير بما إن حضرتك شغلك في الفنادق .. متوسط تكلفة التنقلات والإقامة في فندق عادي مش هاي لمدة إسبوع مثلآ لأربع أفراد ممكن تكون قد إيه عشان نبقي عاملين حسابنا؟؟
وجزاك الله خيرآ مرة تانية :)

[dedi]

يا باشا سورى يعنى حضرتك بتفكر فى اشياء موش وقتها فكر فى الفيزا فى الاول دى اهم خطوة زى ماقال لك الاستاذ صدام

[Trondo]

مصاريف طيران للفرد ٢٥٠٠ -٣٠٠٠ حسب وقت الحجز
مصاريف فيزا ١٠٠٠ جنيه للفرد بالتامين الدولي
مصاريف اقامه الاوضه الدبل اقل حاجه ٧٥ يورو و محتاج اوضتين علشان انتو اربعه
الاكل و الشرب عموما فى اوروبا غالى مش رخيص
لو قدرت تقلل عن ٤ افراد يبقي احسن
لو الامكانيات الماديه تسمح يبقي مفيش مشكله

[ahmedkhairy]

ربنا يكتيلكم الشفا

[egyptawy2010]

ربنا يكتبلها الشفا

معلش ممكن تقولى ايه المشكلة بالظبط وايه سبب الجراحة

يمكن اقدر افيدك

[wael3m]

جزاك الله خيرآ بجد .. حضرتك بجد نجدة جاتلي من السماء
أكتر موضوع كان قالقني موضوع الفندق ده والسفر الداخلي لأني معرفش أي حاجة هناك
حاليآ لسه في مرحلة عمل الباسبورتات والدكتور كان طالب كام تحليل علي أشعة ولسه مخلصتش
ده غير إن الجو دلوقتي أكيد هناك تلج فـ والدي بيفكر يأجل الموضوع ده لأول الصيف
سؤال أخير بما إن حضرتك شغلك في الفنادق .. متوسط تكلفة التنقلات والإقامة في فندق عادي مش هاي لمدة إسبوع مثلآ لأربع أفراد ممكن تكون قد إيه عشان نبقي عاملين حسابنا؟؟
وجزاك الله خيرآ مرة تانية :)

أسف أنى برد عليك متأخر بسبب الشغل
بص تكلفة الفندق من ٦٠ يورو وانت طالع دا طيعا فندق متوسط طبعا لليلة مع فطار
اما الانتقال بالقطار من روما للمدينة تقريبا فى حدود ٤٥ يورو للشخص فى قطار عادى مش سريع
ممكن تخلوها على اول ابريل الجو كويس ومش برد
بص على الموقع دا booking.com
بتحط على اسم المدينة ويبجيبلك كل الفنادق اللى موجودة فيها واللى قريب منها
انتقالات داخل المدينة الباص تقريبا ١.٥٠ € التذكرة . ولو فى حالة أختك مثلا مش بتتحرك كتير
ممكن تأجر عربية حتى من روما وتطلع بيها وتخليها معاك طول رحلتك ونفس الوقت تتفسح فى أماكن تانية
على العموم انا نازل مصر الشهر اللى جاى سبيلى نمرتك على الخاص