عن المحاماة والقضاء المصرى

[egyptawy2010]

سلام عليكم

انا رافع قضية على ساكن عندى بقالها 3 سنين والى الان لم يصدر الحكم والقضية محجوزة للحكم وكل ما استنى ميعاد المحامى يقولى القضية اتاجلت

وكمان مش بيقولى الحكم يوم الحكم لازم استنى يومين 3 على ما يروح المحكمة


دلوققتى انا عايز اتاكد من كلام المحامى وعايز اعررف ليه القضية بتاخد وقت طويل كده


وياترى ممكن بنفسى اروح المحكمة واسال

[akramlail]

ممكن تروح بنفسك برقم القضيه تروح تشوفها ف الجدول

[lidosasa]

لو معاك رقم القضية تقدر تطلع على المحكمة وتتطلع على أجندة سكرتير الجلسة أو من الجدول وتعرف القضية مؤجلة لجلسة كام وسبب التأجيل كمان

[egyptawy2010]

الف شكر ياجماعة

طيب هل التاخير ده كله طبيعى مع انى الجلسة محجوزة للحكم

[lidosasa]

الف شكر ياجماعة

طيب هل التاخير ده كله طبيعى مع انى الجلسة محجوزة للحكم

طبيعى جداً القاضى بياخد الأحكام معاه عشان يصدر حكم فى القضية والبيه مش فاضى يقرا القضية ويكتب الحكم فبيأجل القضية لبعد شهر 10 ( حركة تنقلات القضاة ) لو فضل فى نفس الدايرة يبقى يفكر يكتب فيها حكم ولو راح دايرة تانية يلبس القضايا للقاضى اللى حيجي بعده

[AHMED12345678]

الف شكر ياجماعة

طيب هل التاخير ده كله طبيعى مع انى الجلسة محجوزة للحكم

انا والدى كان رافع قضية رصيد اجازات
وكل مروح للمحامى اسال على القضية يقولى خلاص هانت وكل مرة يقولى خلاص
وبعد جوالى سنه اكتشفت ان المحامى مرفعش القضية اصلا
وعملت معاه الصح فى مكتبة وسط زباينه وخدت توكيل ابويا منه
الاسوء فى الموضوع ان المحامى دة كان صديق من اصدقائى

[AHMED12345678]

ووارد جدا ان المحامى مش متابع القضية
علشان يسحب فلوس على حسها

[egyptawy2010]

ان شاء الله ياجماعة هاخد رقم القضية واروح اسال فى المحكمة

طيب هل القاضى هيبقى موضح سبب التاجيل ولا هيبقى تاجيل وخلاص

[lidosasa]

ان شاء الله ياجماعة هاخد رقم القضية واروح اسال فى المحكمة

طيب هل القاضى هيبقى موضح سبب التاجيل ولا هيبقى تاجيل وخلاص

طبعاً بيبقى مكتوب سبب التأجيل للمذكرات مثلاً أو الإطلاع أو تقديم مستندات أو إعادة للمرافعة ولو محجوزة للحكم والقاضى ملحقش يكتب الحكم بيتكب فى الأجندة مد أجل الحكم

[egyptawy2010]

طبعاً بيبقى مكتوب سبب التأجيل للمذكرات مثلاً أو الإطلاع أو تقديم مستندات أو إعادة للمرافعة ولو محجوزة للحكم والقاضى ملحقش يكتب الحكم بيتكب فى الأجندة مد أجل الحكم

شكرا يافندم لمعلومات حضرتك
بس هى القضية محجوزة للحكم من اكتر من 9 شهور وكل مرة تاجيل فى تاجيل

فهل المدة ده طبيعية

ولا اكيد فى حاجة غلط

[AHMED12345678]

شكرا يافندم لمعلومات حضرتك
بس هى القضية محجوزة للحكم من اكتر من 9 شهور وكل مرة تاجيل فى تاجيل

فهل المدة ده طبيعية

ولا اكيد فى حاجة غلط

اكيد طبعا فى حاجة غلط
والمحامى عايز يسحب فلوس على حسها
والقضية غاليا تؤجل مرة واحدة للحكم
وغالبا واعذرنى فى الى هاقولوة بس احتمال كبير جدا ان المحامى خسر القضية وعمل استئناف ومش عاوز يقولك فبيقولك ان القضية أتاجلت للحكم او اى حاجة تانية ......... وانا شفت محامين بتعمل كدة
ومشكلة الناس انها بتسلم للمحامى من غير ما يتابعوه بانهم ياخدو رقم القضية منه للتاكد من صحة ما يقوله لهم .......... وطبعا كل مهنه فىها الكويس وفيها السئ بس المحامين للاسف نسبة السيئين مرتفعه عندهم

[egyptawy2010]

اكيد طبعا فى حاجة غلط
والمحامى عايز يسحب فلوس على حسها
والقضية غاليا تؤجل مرة واحدة للحكم
وغالبا واعذرنى فى الى هاقولوة بس احتمال كبير جدا ان المحامى خسر القضية وعمل استئناف ومش عاوز يقولك فبيقولك ان القضية أتاجلت للحكم او اى حاجة تانية ......... وانا شفت محامين بتعمل كدة
ومشكلة الناس انها بتسلم للمحامى من غير ما يتابعوه بانهم ياخدو رقم القضية منه للتاكد من صحة ما يقوله لهم .......... وطبعا كل مهنه فىها الكويس وفيها السئ بس المحامين للاسف نسبة السيئين مرتفعه عندهم

شكرا يافندم طيب انا معاى رقم القضية اروح اسال فين وعلى فكرة هى دعو بخصوص عقد ايجار مشاهرة

[egyptawy2010]

للرفع

[A.Saad]

تعرف اخر حاجة ليها كانت جلسة كام
او اى تاريخ فيها للجلسات
تروح الجدول
عندهم دفتر بالتاريخ وايه اللى حصل لكل قضية
تعرف جلساتها يوم سبت ولا اتنين ولا اربعاء مثلا
وتروح عندهم تعرف اخر تطور ليها ايه

او عند سكرتير المحكمة
تظبطه وممكن تاخد نفس البيانات

بس ليه مش تروح للمحامى وتشوف ملف القضية

[احمد المصرى]

بس ايه سبب رفع القضيه على الساكن كان ماجر منك شقه وعمل ايه علشان ترفع عليه قضيه معلش انا بسال علشان الكل ياخد باله كدا وربنا يوفقك لكل خير