فى مشروعين محتار مابينهم

[Secret-Man]

عندى مشروعين ناوى اعملهم فى مصر فى السنه الجديده باذن الله وبدرسه لسه حاليا

اول مشروع هو موقع الكترونى ضخم ولكن خاص بالعروض والخصومات هى الفكره مش جديده ولكن هيضاف اليه افكار كتير جديده على ارض الواقع مع الناس مش هتكون اونلاين فقط

المشروع التانى : هو فتح Portable Coffee حاجه زى on the run كده بس مش للقهوه

هتكون للشاى بجميع انواعه وشاى منزوع الكافين لمرضى الضغط وشاى لزياده الطاقه وهكذا

اساس الموضوع ده Franchise من المانيا وشركه منتجه للمنتجات ديه من الشاى انا هفتح الشوب بس


فايه رايكم اى المشروعين افضل فى السوق المصرى حاليا

[Curbis]

أنا رأيي المشروع الأول أفضل وهو اللي ماشي دلوقت خصوصا لو هتعرف تعرض منتجات أو ماركات مش موجودة في السوق أو بأسعار أرخص (الشحن+الجمارك)..

بس لازم يكون عندك أفكار جديدة مختلفة عن جوميا وسوق ودير اند ديل عشان تنجح وهتحتاج تعمل تسويق جامد للموقع

[matrix_it]

اعتقد ان اهم جاجة الدعاية

[mk3]

يمكن الالكترونى اقوى فى مصر

[qkash.com]

الادارة الجيدة وفريق العمل

الادارة الجيدة واختيار فريق عمل متفاهم ومتعاون وهدفه نجاح المشروع اهم عوامل نجاح اي مشروع

المشروعين كويسين لكن محتاجين خبرة في الادارة ومعرفة سابقة بالمجال وخصوصاً المجال اللكتروني لأنه واسع جداً ومحتاج فريق عمل كبير

مشروع الميني كافية اسهل نوعاً ما

ربنا يوفقك

[Secret-Man]

هو للعلم انا مجال عملى Senior network engineer لمده 7 سنين

وحاصل على دبلومتين تسويق الكترونى

ودبلومتين تسويق دولى وبيع

[dedi]

فية سؤال مهم راس المال اعتقد لو مشروع الكترونى موش محتاج راس مال ومتابعة متفرغة منك لانة اعتقد ممكن يكون التعامل بالاجل (على ظهر السوق) ولكن هل تستطيع المنافسة فى الاسعار بين باقى المواقع
بالنسبة للكافية اعتقد اربح و افضل ولكن هل ستتفرغ لة لنجاحة و طبعا عايز موقع مميز جدا جدا و ديكور و اسطاف و عمالة ولكن لية فقط شاى يعنى فية ناس تعشق القهوة بانواعها والعصاير لية تفقد زبون موش غاوى شاى

[Secret-Man]

فية سؤال مهم راس المال اعتقد لو مشروع الكترونى موش محتاج راس مال ومتابعة متفرغة منك لانة اعتقد ممكن يكون التعامل بالاجل (على ظهر السوق) ولكن هل تستطيع المنافسة فى الاسعار بين باقى المواقع
بالنسبة للكافية اعتقد اربح و افضل ولكن هل ستتفرغ لة لنجاحة و طبعا عايز موقع مميز جدا جدا و ديكور و اسطاف و عمالة ولكن لية فقط شاى يعنى فية ناس تعشق القهوة بانواعها والعصاير لية تفقد زبون موش غاوى شاى

كنوع من Nich Market

[Dr.M_baz]

حسب مجال تخصصك يبقى الموقع الإليكتروني أحسن ........ بس رأيي الشخصي الكافيه أحسن لو أحسنت إختيار المكان .

[ahmedkhairy]

ربنا يوفقك

[Secret-Man]

جزاكم الله كل خير ولو فى اقتراحات اخرى انا فى انتظارها


بالرغم انى متخوف جدا فى الفتره الحاليه من السوق المصرى

[Ahmed_Adham]

متحرقش أفكارك على النت وناقشها في نطاق ضيق بين معارفك وأنصحك تطلب الغاء الموضوع عشان الافكار الجديده بتتحرق بسرعه.

[Secret-Man]

متحرقش أفارك على النت وناقشها في نطاق ضيق بين معارفك وأنصحك تطلب الغاء الموضوع عشان الافكار الجديده بتتحرق بسرعه.

عندك حق فعلا