باب خير .. ارجوكــ أدخل شارك بمعلومة

[ياسر مصطفي]

السلام عليكم

الموضوع بإختصــار اني طالب مساعده حتي لو معلومة

الموضوع بقي مرهق وكتير بقيي بيجري لينا وبنشوفه كل يوم

ولا حول لنا ولا قوة

انا من الفيوم واحد اعرفه كان ماشي على الدائري طريق القاهرة
لقي بنت 16 سنه واقفه عند وقت المغرب بتعيط
نزل وسألها مالك منين . ايه اللي قفك كدا . الله اعلم كان ممكن يحصلها ايه لو قعدة ساعه كمان في مكنها ده

البنت من سؤلها طلع انها من الغربيــه . وحكة حكايتها ان امها مطلقه من ابوها واتزوجت شخص تاني والتاني ده خلف منها ولد . شاب دلوقت

في يوم اتهجم عليها وكان عايز يعتدي عليها جنسياً لما صوتك ودفعت عن نفسها

ابو الولد قال ابني ميغلطش وطلعها هي اللي غلطانه
وامها ما باليد حيلها لو قاالت غير كده هتطلق . البنت سابت بلدها وجات الفيوم عندنا تدور على ابوها
متعرفش عنه حاجة غير اسمه

الراجل الله يكرمه راح اول حاجة عملها راح لظابط طلع كويس الحمد لله

وقال مش همشي الموضوع رسمي لانها بنت وده يضر بيها

بس هنمشي الموضوع من سسكات واخد اسم ابوها وتحري عنها
وفعلا تاني يوم جاب عنوان ابوها وشغله وكل شيء عنه

لما الراجل اخد العنوان وراح لابوها
لاقها راجل مش كويس شرب كتير واتجوز اكتر من 10 مرات يجوز ويطلق واخلاقه زي الزفت وكمان مش شغال
والناس قلوله لو البنت دي راحت لابوها هيبقي عليه العوض فيها

والكلام ده كلام عمها اخو اابوها على طول

وقال كمان انا مليش صالح بيها ومقدرش اعيشها معايا ز انا بصرف على بيتي بالعافية . والراجل اللي لاقها بردوا على قد حاله بس ضميرة مش سامحله يسيبها في الشارع فهيروح للظابط النهاردة عشان يشوفوا حل للموضوع ده

انا من وقت ما سمعت القصه وانا بتحصر على حالنا طيب ليه وبعدين هنفضل كدا لحد امتي
كل يوم قصص زي دي فين الدييييييييييين يا مؤمنين
أستقـــــيموا يرحمكم الله

دي القصة باختصار شديد

ايه مصير البنت دي
وبشهادة الراجل اللي لاقها قال عنها .. انها ملتزمة جدا بالصلاه في وقتها وصوم ولها ورد من القرأن بتقرأه كل يوم بليل ..

تخيل يا مؤمن لو البنت دي مصيرها كان الشارع هتبقي ازاي
وايه ذنبها في ده كله

لك ان تتخيل فقط ......
كل اللي عنده معلومة او يقدر يساعد بمشاركة بسيطة ممكن نعمل ايه والحل ايه يبقي كتر خيره . وربنا يديه على قد نيته
انا فكرت ان مثلا تروح جمعية رساله مثلا ولا مصر الخير يشغلوها وتكمل تعليمها ويهتموا بيها ...


بس هل ده ينفع يعني ممكن ده يحصل ولا في حل تاني ارجوا المشاركة في الخير

نلحق الموضوع قبل ما البنت تضيع ...
البنت مذنبهاش حاجة غير ان الاخلاق والدين معدومين عند اهلها

البنت الحمد لله ما زالت عذراء



جزاكـــــــــم الله خيراً

[sakr_skoda]

لا حولا ولا قوة الا بالله انعدمت الأبوة فى هذا الأب وضمحلت الاخلاق بين الناس وهذه الفتاه لها ربها يحميها من شياطين الأنس الذين هزمو شياطين الجن بالفعل........

اقترح لو صاحب مستشفى خاص يقوم بتشغيل تلك الفتاة على ان يوفر لها المئكل والملبس والمسكن الائق بالمستشفى وتكون تحت رعايته شخصيا يكون خير بكدا حتشتغل وتصرف على نفسها وتكون فى مامن باقامتها بالمستشفى....*

[ياسر مصطفي]

انا اتصلت دلوقت بجمعية رساله فرع الفيوم عندنا وقالو اتصل تاني الساعه 4 العصر

هتقلي ممكن يعملوا ايه


وشاكر لك جدا يا فندم فكرة كويسه جدا لو الحل ده منفعش

جزاك الله خيرا

[hilal]

لو كل واحد في هذا المنتدى اتبرع بجنيه واحد كل شهر
ممكن نحل مشكلات كتير
ياريت الاستاذ كريم منير يتبنى هذه الفكرة وانا اعلم انه رجل يحب الخير ويسارع فيه
ولكن الاطار القانوني لمثل هذا العمل يحتاج لاصحاب الخبرة
تحياتي لكل من تفاعل مع المشكلة

[Mohamed_Hamid]

متابع

[ياسر مصطفي]

لو كل واحد في هذا المنتدى اتبرع بجنيه واحد كل شهر
ممكن نحل مشكلات كتير
ياريت الاستاذ كريم منير يتبنى هذه الفكرة وانا اعلم انه رجل يحب الخير ويسارع فيه
ولكن الاطار القانوني لمثل هذا العمل يحتاج لاصحاب الخبرة
تحياتي لكل من تفاعل مع المشكلة

والله ما طالب غير معلومة تفيدني اننا نقدر نعمل اي حاجة للبنت دي

قبل ما تضيع معلومة فقط . اكتر من 90 مشاهدة 3 بس ردوا عليها

اللهم أستعملنا ولا تستبدلنا

شكرا لك

[hussein]

فيه اعتقد جمعية احباب الله فى المعادي فيها ناس كبيره اعتقد ممكن تسأل او لو عايز اسألك ممكن

[ahmedkhairy]

لا حول ولا قوة الا بالله

[mr_green]

إتصل بالجمعية الشرعية - مكان ثقة من زمن الزمن - أنا مش عارف إذا كان فى فى الفيوم ولا لأ بس أكيد فيه

و الله الموفق

[mem]

يارب استرها علينا جميعا
شوف جمعيه الاورمان