دعوة لمناقشة مبدأ (عبوها) عند بيع أو شراء سيارة.....

[amr011111]

هوه تلاقى الواحد راكب عربيه وبيحافظ عليها لغيره واللى يجى يقولك وهوه بيبع ان فرش الفابريكه تحت الفرش الجلد وهوه ده اوبشن يعنى اتفاخر بيه

زى تلاقى واحد مسافر بره فى دوله عربيه وحاطط فى مخه انه مش هيرجع مصر غير لما يجيب ضلفها

وتلاقى العفش عنده قديم ومتقطع ويقولك اصل احنا ماشيين على اساس انه ماشى السنه الجايه رغم انه هيقعد مش اقل من 30 سنه وتعتبر شقته اللى فى الغربه هى الاساس

[ahmedteam]

طبعا الناس كلها خلصت الكلام اللى نفسى فيه و زياده

عايز ازود حاجه بسيطه : ان اللى بيشترى عربيه مستعمله فى مصر هو فى الاساس بيشترى شاسيه بس

مش مهم الموتور و لا العفشه و اى حاجه المهم الشاسيه سليم و الحكمه دى سمعتها من راجل فى بنزينه كنت بكشف على عربيه عنده و العله فى كده ان اى حاجه بتتغير فى العربيه ممكن تجيب غيرها لو باظت انما الشاسيه لو حصله حاجه يبقى كده شكرا العربيه معيوبه

و الموضوع فضل يتطور تدريجيا لحد لما وصل لصاج العربيه و الخبطات و الرش و للأسف اللى بيتحكم فى معظم سوق المستعمل تجار معندهومش ضمير الا من رحم ربى

[fepsceasar]

ده الواحد ساعات بيشوف صفيحة زبالة والسقف مجير وييجي صاحبها يتنك ويقولك بس انا عربيتى فابريكة ما رشتش لا برة ولا جوة

[abdulkhaleq]

والله مش عارف اقوللك ايه
الواحد في سوق السيارات في مصر بيشوف العجب
خللي بالك جزء من تاريخ الكلمه دي هو استرخاص في الأصل
يعني كانوا بيحاولوا يوفروا تمن التصليح
والحجه انها فابريكه !!!
اي نعم عايزه سمكره ودهان ب 4 الاف جنيه بس فابريكه
اي نعم كل الاسلاك اللي فيها مقطعه
والفرش عايز يتغير كلله
والكاسيت مش شغال
والموتور عايز عمره
بس فابريكه ومافيش منها
هههههههه
والله الشعب بتاعنا قمة الكوميديا

[michohat]

بجاهد نفسي علشان اتخلص من العاده دي
كان سهل علي في العربية القديمه (131) اني اعمل فيها اللي عاوزة اشيل دوكو وارش تاني واسمكر وده لانها موديل قديم بس برضه كان فرش الفبريكه (القطيفه اللي عمري مااتمتعت بيه) فوق منه كسوة بتحافظ عليه

دلوقت مع عربيه موديل اجدد بالنسبة لي (نيواكسنت2008 ) ماسك نفسي بالعافية علشان مش القط الخرابيش والنقر اللي فيها ومصبر نفسي باني جربت ف ال 131 كل ما ارش والمع تتخربش ووتتخبط وهيا واقفة تحت البيت

العقلية المسيطرة هي كل ما يساعد خسف الاثمان

[hesham22822]

كلام صح الصح

[محمود السيد]

النفاق والمصلحة هما دول المشكلة
ازاى الصنيعى وانت العربية معاك يوهمك انك بيشتغل لمصلحتك ويقولق نصلح وندارى العيب ازاى عشان يقفش منك وميهموش المشترى وسؤاء الضمير ويحسسك ان بيعمل لمصلحتك اما لم بيجى يشتريلك يقولك اى خبطة مش مشكلة والدهان مش مشكلة والسمكرة بردو مش مشكلة المشكلة انك بتشترى وبعدين تلبس فى سمكرة ودوكو وتوضيب وام تيجى تبيع يقلك انت ركبت بالى صرفته وبردو مش مشكلة عرفت فين المشكلة

[FrozenFire]

المشكلة فينا أحنا ... فئة المتعلمين والمثقفين
لما نخلى فئات من العينات دى من التجار هما اللى يحددوا لينا ويفرضوا علينا فكرهم السوقى ده ويبقى هو الأمر الواقع اللى المفروض اننا نتعامل بيه

وعجبى ...

حكم يا ناس والله
هاهاهاهاهاهاهاهاهاها

هوه تلاقى الواحد راكب عربيه وبيحافظ عليها لغيره واللى يجى يقولك وهوه بيبع ان فرش الفابريكه تحت الفرش الجلد وهوه ده اوبشن يعنى اتفاخر بيه

زى تلاقى واحد مسافر بره فى دوله عربيه وحاطط فى مخه انه مش هيرجع مصر غير لما يجيب ضلفها

وتلاقى العفش عنده قديم ومتقطع ويقولك اصل احنا ماشيين على اساس انه ماشى السنه الجايه رغم انه هيقعد مش اقل من 30 سنه وتعتبر شقته اللى فى الغربه هى الاساس

فعلا ده أسلوب حياة غريب جدا والمشكلة إنك لو جيت تحاول تفهمه وتتفاهم معاه تلاقيه مستغرب قوي وبيبص لك زي ما تكون إنت كائن من كوكب عجيب.

[FrozenFire]

والله يا جماعة أنا ما توقعش التفاعل ده كله منكم.
بالعكس توقعت ناس حتعارضني وتطلعني غلطان.

وأنا مبسوط فعلا إن الناس هنا تفكيرها متطور ومتحضر وبيفكروا برة الصندوق.

ولكن فاضل إننا ننزل التفكير ده لأرض الواقع، بمعنى إننا لما نروح نشتري عربية عابوها نفهم صاحبها وجهة نظرنا وإن ده عيب للعربية مش ميزة.

في نفس الوقت لما نيجي نبيع العربية لو حد جه وقالنا مش عابوها، نرد عليه زي ما الأخ الفاضل نو كومنت قال ونقوله عابوك
هاهاهاهاهاهاهاهاهاهاهاهاهاها

أما بقى بالنسبة لحكاية العربيات اللي مخبطوة خبطة جامدة مأثرها على الهيكل على الشاسيه فالحاجات دي بتبان قوي في أي مركز صيانة متخصص أو في التوكيل. وكده كده المفروض لما نيجي نشتري عربية مستعملة نعمل لها فحص شامل في التوكيل بتاعها وساعتها كل المستخبي حيبان.

والسلام ختام

[michohat]

احسن مثال ع عبوها

[A_H_M_A_D]

دي مش فابريكه بره و جوه , دي محروقه بره وجوه

عابوها على ابو اللي يركبها يا شيخ