عملية تقويم القدم للاطفال

[Samah AbdAllah]

السلام عليكم ورحمة الله وبركاته
عاملين ايه اسألتى الطبية زادت اليومين دول
معلش استحملونى شوية ملناش غير بعض
وسؤال اليوم عم الفلات فوت عند الاطفال يقال ان في عملية لتقويم القدم
لكن مش كل الاطباء بينصحوا بيها
بنت اختى عندها 8 سنين و عندها فلات فوت وطبعا مش بترضى تلبس الاحذية الخاصة بالفلات فوت الطبية
فايه رايكم في عملية التقويم وهل لا قدر الله حد يعرف حد عملها ومر بالتجربة دى
ماذا تفعل لو كنت مكان اهلها تعملها العملية ولا
مع العلم ان طبيب عظام قالننا انها لو بنته مادام مش مسببة الم مش هيعملها وسالها رجلك بتوجعك قالتله لا
بس هى مش بتقدر تمشى كتير يعنى بتتعب بسرعة من المشى وتقول مش قادرة ورجلى بتوجعنى

[Ahmadhamza84]

كلنا رجلينا بتوجعنا من المشي الكتير :)
أحيانا بيكون الشخص طبيعي لكن لأنه مقتنع انه عنده مشكلة فيتخيل ان شكواه ( الطبيعية أصلا ) مش طبيعية ..
إجابة حضرتك محتاجة لاستشاري عظام للأسف مش هقدر أفيد غير في إني أنصحك بتأكيد الشكوى .. هل فعلا البنت بتشتكي لأنها تعبانة والفلات فوت مسببلها مشكلة ولا لأنها حاسة انها مش طبيعية فبتشتكي ؟!!

[Samah AbdAllah]

هى البنت عندها 8 سنين صغيرة على انها تقدر تحدد
لكن طبعا بالنظر لقدمها اثناء المشى الالتواء ملحوظ وبيظهر اكتر على الاحذية بتتقلب بسرعة جدا وشكلها بيبقا واضح عليها الطريقة اللى هى ماشية بيها
واستشارى العظام شايف انها ممكن تكمل حياتك كده عادى ومش مهم الشكل

[Samah AbdAllah]

اطباءنا راحوا فين ؟