تحذير من حدائق الاهرام

[rompo10]

انا كنت شاري شقه في حدائق الاهرام وطبعا الاتفاق كان علي الاستلام بعد 6 شهور انا فعلا استلمت الشقه لكن العماره لسه علي الطوب الاحمر بقالها سنه و7 شهور تقريبا الموضوع للتحذير طبعا الشركه اسمها شركه عقاااااااااااااار اتمني ان كله يبعد عنها لانهم بيمارسوا النصب ورغم اني محامي عارف اني لو لجات للقضاء الموضوع هايزيد عن سنتين ربنا يسترها

[qkash.com]

جزاك الله خيراً علي تحذير الآخرين...ولعل ذلك يقلل من مبيعات الشركة ويجعلهم يسرعوا في اتمام المشروع في اقرب وقت

[svneleven]

أنا ساكن في حدائق الأهرام و الصراحة العنوان مش متناسب مع المحتوي لأني حسيت أن فيه مشكلة عامة هناك هتتكلم عليها.
المهم ربنا يجازيك خير علي نقل المعلومة عشان الكل يستفيد و الصراحة أنا حصل معايا الكلام ده قبل كده لكن في مشروع تاني خالص بره حدايق الأهرام و من ساعتها اتعلمت لما ادفع قرش في شقة أكون واخد المفتاح قبلها.

[ahmedkhairy]

ربنا معاك

[rompo10]

انا فعلا استلمت الشقه والعماره خلصت مباني لكن بدون تشطيب وجهات او المدخل

[starlanos]

ربنا معاك عمليات النصب كتير من ايام مبارك التيييييت والمشكلة النصب مبيجيش الا من الشركات الكبيرة

[sas5]

أنا ساكن في حدائق الأهرام و الصراحة العنوان مش متناسب مع المحتوي لأني حسيت أن فيه مشكلة عامة هناك هتتكلم عليها.
المهم ربنا يجازيك خير علي نقل المعلومة عشان الكل يستفيد و الصراحة أنا حصل معايا الكلام ده قبل كده لكن في مشروع تاني خالص بره حدايق الأهرام و من ساعتها اتعلمت لما ادفع قرش في شقة أكون واخد المفتاح قبلها.

السلام عليكم ورحمه الله
دخلت الموضع وقلت ان هناك مصيبه كبيره .
اخى العزيز هذه مشكلتك انت فانت الذى كان بيدك كل شى يعنى البائع هو اللى محتاجك.
لماذا اشتريت شى غير موجود او غير متشطب.

انا لما جيت اشترى شفت الشقه الاول وعداد الكهرباء وسالت بعد ذلك فى الحى والشهر العقار وبعد ذلك كملت موضوع الشراء.

المهم الان انت عايز طريقه تلوى دراع البائع بها وتجبره على السرعه بلغ عليه مصلحه الضرائب والتهرب الضريبى. هتلقيه جاى يجرى لان كلهم متهربون من الضرائب ويسجلون ارقام غير فعليه.
هل معك ايصال او مستندات استلام البائع لقيمه الشقه ام لا

[ahmadyusuf]

هو مفيش شرط جزائي في العقد علي التاخير , احنا حصل معانا الموضوع ده برضه بس كان في شرط جزائي تقريبا 500 جنيه عن كل شهر تاخير