إعـــــــلان

Collapse

.

,
See more
See less

أي حد عنده استفسار عن تصميم المواقع أو التسويق الإلكتروني أنا في الخدمة

Collapse
X
Collapse
 
  • Page of 8
  • Filter
  • الوقت
  • Show
Clear All
new posts
السابق 1 2 3 4 5 6 7 8 template التالي
  • #1

    أي حد عنده استفسار عن تصميم المواقع أو التسويق الإلكتروني أنا في الخدمة

    السلام عليكم ورحمة الله وبركاته
    من باب زكاة العلم ومن باب رد جميل إخواني اللي مش بيبخلوا على أي حد بأي معلومة أو استشارة أو نصيحة وبحكم تخصصي في مجال تصميم المواقع والتسويق الإلكتروني (المجاني والمدفوع) وهو مجال واسع جدا وبحر عميق جدا محدش يقدر يجيب آخره أحب أعرض عليكم خدماتي للإجابة عن أي سؤال أو استفسار بخصوص هذا المجال في حدود علمي ومعرفتي المتواضعة واللي معرفش إجابته هدور عليه وأنقل إجابته وهبقى استفدت أنا كمان وزودت معرفتي فأفيد وأستفيد
    وأتمنى أن يعمم هذا الموضوع بحيث كل شخص له خبرة في مجال معين يعرض خدماته على إخوانه - على غرار قسم عيادة نايل موتورز - ليفيدهم ويعطيهم مما أعطاه الله من علم وخبرة زكاة عن علمه حتى يبارك الله له فيه
    في انتظار استفساراتكم
    [SIZE="4"][COLOR="Blue"][FONT="Century Gothic"]Freelancer Web Designer & E-marketer[/FONT][/COLOR][/SIZE]
    [SIZE="5"] ( --- [COLOR="Green"][URL="http://www.nilemotors.net/Nile/search.php?do=finduser&u=129815&starteronly=1"]جــمــيــــع مــوضــوعـــاتـي[/URL][/COLOR] --- )[/SIZE]

    [SIGPIC][/SIGPIC]
    الكلمات الدلالية (Tags): أنا, أو, أي, استفسار, الإلكتروني, التسويق, الخدمة, المواقع, تصميم, حد, عن, عنده, في
  • #2
    جزاك الله خيرا يا أبو أسر..الحقيقة أنا نفسى أشتغل من المنزل لزيادة الدخل عن طريق الكمبيوتر بس حكاية تسويق منتجات وانك تجيب ناس وتاخد عليهم عمولة والكلام ده باحس انها نصب وحرام .. عايز حاجة تكون بتعمل شغل وبتاخد عليه مقابل ..كذلك باقلق من حكاية انشاء حساب على الباى بال والكلام ده خوفا من اختراق الخصوصية واستغلال بياناتى الشخصية.... تنصحنى بايه ؟

    Comment

    • #3
      المشاركة الأصلية كتبت بواسطة محمد يوسف مشاهدة المشاركة
      جزاك الله خيرا يا أبو أسر..الحقيقة أنا نفسى أشتغل من المنزل لزيادة الدخل عن طريق الكمبيوتر بس حكاية تسويق منتجات وانك تجيب ناس وتاخد عليهم عمولة والكلام ده باحس انها نصب وحرام .. عايز حاجة تكون بتعمل شغل وبتاخد عليه مقابل ..كذلك باقلق من حكاية انشاء حساب على الباى بال والكلام ده خوفا من اختراق الخصوصية واستغلال بياناتى الشخصية.... تنصحنى بايه ؟
      آمين وإياك أخي محمد
      سيبك من موضوع العمولات على تسويق المنتجات زي كيو نت والكلام ده لأن في شبهة جامدة بل توجد فتاوى صريحة بأنه حرام شرعا لأنه استغلال ونصب
      توجد طريقتين لزيادة الدخل من المنزل عن طريق الإنترنت
      الأولى إن حضرتك تعمل حساب في خدمة جوجل أدسنس وهي خدمة تتيح ليك إنك تضع إعلانات جوجل اللي بتتكعبل فيها طول ما انت بتتصفح مواقع النت عن طريق كود بتعمله من الحساب وتحطه في موقعك وتبدأ تروج لموقعك ده عن طريق عمل مواضيع مفيدة وحصرية ونشرها عن طريق وسائل الترويج المختلفة زي عمل صفحة على الفيس بوك مثلا أو التعليقات على المواقع والمدونات أو عمل مواضيع في المنتديات ... إلخ لكن الموضوع ده محتاج إن حضرتك تكون ملم على الأقل بالحد الأدنى من تصميم المواقع ومن وسائل الترويج والتسويق الإلكتروني ودي بتحتاج وقت وصبر ودراسة وأخذ كورسات ومتابعة شروحات وكل الكلام ده متوفر على الإنترنت ومجاني لكن زي ما قلتلك محتاج صبر وطولة بال زائد حب للمجال علشان تقدر تواصل وتصبر على النتيجة
      لو حضرتك ألميت بالكلام ده يبقى مش فاضل غير إنك تقدم طلب لجوجل علشان تعمل حساب أدسنس وده حاليا أصبح شبه مستحيل في مصر بسبب سوء استغلال المصريين للخدمة ومحاولة التحايل عليها عن طريق جلب أرباح بطرق الغش والخداع والاحتيال فأصبح موضوع قبول جوجل لحسابات أدسنس مصرية جديدة أمر شبه مستحيل إلا لو حضرتك عندك موقع فريد من نوعه ومليء بما يفيد المستخدمين وليس مجرد كوبي وبيست من مواقع أخرى كما هو الحال في أكثر من 90% من المواقع المصرية بل والعربية عموما
      هتقولي إنت بتعقد الأمور ليه أكيد في حل ! أقولك في نص حل مش حل كامل وهو إنك تقدم على حساب اسمه حساب مستضاف وده بيكون عبارة عن إن يكون ليك مدونة تبع جوجل "بلوجر" ودي أي حد سهل يعملها ومش محتاجة كتير خبرة في مجال التصميم عموما وتقدم على حساب مستضاف وده معناه إنه حساب غير كامل لأنه بيبقى مقتصر على وضع الأكواد في مدونتك على البلوجر فقط زائد إنك ممكن تعمل قناة على اليوتيوب وترفع فيديوهات لازم تكون حصرية برده مش مسروقة أو منتهك حقوقها وتفعل أوبشن monetized علشان يوتيوب يعرض الإعلانات على الفيديوهات
      بالإضافة إلى إنك ممكن تستغني عن جوجل خالص وتشترك في مواقع تسمى affiliate وهي عبارة عن أكواد برده بتاخدها من المواقع دي وتحطها في موقعك علشان يعرضوا بضاعتهم أو خدمتهم عندك على موقعك مقابل نسبة من كل عملية بيع تمت عن طريق موقعك وفي مواقع كتير شهيرة في الموضوع ده من أشهرها أمازون مثلا أو بيت دوت كوم أو Commission Junction وغيرهم
      الطريقة التانية إنك تعمل متجر إلكتروني وده ممكن تستعين بمصمم يعملهولك وانت تديره بس والإدارة بتبقى سهلة من خلال لوحة تحكم مبسطة وتبدأ تجيب بضاعة من أي نوع وتعرضها وتسوقلها زي مثلا نضارات هاي كوبي أو ساعات أو اكسسوارات حريمي أو أدوات منزلية خفيفة أو أي شيء بتفهم فيه

      آخر حاجة موضوع الباي بال ، الباي بال معمول أساسا لحفظ الحسابات وحمايتها من السرقة لأن لو معاك فيزا كارد أو ماستر كارد بتشتري بيها من النت انت معرض ان بيانات الفيزا تتسرق منك لو أدخلتها في موقع غير موثوق أو موقع ممكن حد يخترقه ويسرق الفيزا اللي متسجلة عليه أما الباي بال فمعمول علشان تقدر تتعامل على المواقع بدون ما تدخل أي أرقام للفيزا انت مجرد بتدخل إيميلك المربوط بالباي بال وهو بيسحب من الفيزا عن طريق الباي بال اللي هو مفترض إنه آمن بنسبة 100% زائد إنك كمان تقدر ترسل أو تستقبل أو تسحب فلوس من وإلى أي حساب باي بال وده غير متاح في الفيزا بس الخدمة دي طبعا بتختلف من دولة لتانية وحاليا في مصر لسة مفعلوش الاستقبال والسحب من حساب الباي بال لكن بتقدر تشتري وترسل فلوس بيه عادي واقرأ الموضوع ده هيفيدك
      كيفية فتح حساب فى PayPal - الخطة..أدسنس
      [SIZE="4"][COLOR="Blue"][FONT="Century Gothic"]Freelancer Web Designer & E-marketer[/FONT][/COLOR][/SIZE]
      [SIZE="5"] ( --- [COLOR="Green"][URL="http://www.nilemotors.net/Nile/search.php?do=finduser&u=129815&starteronly=1"]جــمــيــــع مــوضــوعـــاتـي[/URL][/COLOR] --- )[/SIZE]

      [SIGPIC][/SIGPIC]

      Comment

      • #4
        ياترى ايه تكلفة عمل موقع مبسط لشركة وانا عارف ان المجال دة فيه حرق اسعار جامد يعني ممكن تلاقي واحد يقولك اعملك موقع ب 200 جنيه بس !!!
        واخرتها ايه معاكي يا بلد!!!!!!!!!

        Comment

        • #5
          المشاركة الأصلية كتبت بواسطة walidzakzok مشاهدة المشاركة
          ياترى ايه تكلفة عمل موقع مبسط لشركة وانا عارف ان المجال دة فيه حرق اسعار جامد يعني ممكن تلاقي واحد يقولك اعملك موقع ب 200 جنيه بس !!!
          موضوع السعر بيختلف حسب أمور كتير منها نوع الموقع (ستاتيك ولا ديناميك) الستاتيك بيبقى صفحات ثابتة زي موقع مكون من 5 صفحات مثلا صفحة رئيسية وصفحة اتصل بنا وصفحة للتعريف بالشركة وصفحة لفريق العمل وهكذا ، أما الديناميك فهو الموقع ذو المحتوى المتغير والمتجدد زي المنتدى ده مثلا بيبقى في أعضاء بيضيفوا موضوعات وصفحات جديدة بنفسهم أو موقع لشركة لكن متاح لهم لوحة تحكم يقدروا يعدلوا أي حاجة في الموقع أو يضيفوا حاجات بنفسهم دون الحاجة إلى الرجوع للمصمم
          وبيختلف السعر برده حسب نوعية برمجة الموقع لو ديناميك فممكن يتعمل php وممكن asp.net ودول أشهر لغتين برمجة للمواقع
          وبرده بيختلف حسب البرمجة دي هل برمجة خاصة يعني متفصلة على الموقع ولا عبارة عن محتوى جاهز زي ووردبريس مثلا بيتستب وخلاص ويبقى عندك موقع ديناميك لكن طبعا لو معندكش خبرة فيه هتوه فيه ومش هتعرف تتعامل معاه لأنه مش متفصل على أد احتياجاتك وفيه حاجات كتير مش هتحتاجها وحاجات تانية هتحتاجها مش هتبقى موجودة ولازم تنزلها وتستبها
          برده السعر بيختلف حسب عدد صفحات الموقع فلو موقع ستاتيك ذا محتوى ثابت أكيد لو فيه 5 صفحات مش زي موقع فيه 50 صفحة !
          وأخيرا أي حاجة في الدنيا لو معروضة بسعر أقل من الطبيعي اعرف إن فيها عيب يعني اللي يقولك موقع ب200 جنيه ده اعرف إن ال200 جنيه دول هتخسرهم علشان هتضطر تعمل موقع تاني جديد وغالبا هتلاقيه مصمم جديد في المجال وبيجرب فيك
          وأنا معاك إن في ناس بتبالغ جامد في الأسعار لدرجة تصل إلى الاشتغالات ! يعني مثلا ممكن تلاقي واحد يقولك هعملك موقع ديناميك (وفي الحقيقة هو محتوى جاهز ومجاني كالووردبريس) ويعملك قالب وشوية إضافات ويقولك 3000 جنيه مثلا ! ده بيشتغلك
          لكن لو حد تاني قالك نفس المبلغ لكن موقع متبرمج تفصيل حسب احتياجاتك فقط ومعمول بطريقة يدوية ومتعوب فيه فأكيد ده يستحق ال3000 جنيه وأكتر لأن المبرمج تعب فيه علشان حضرتك تستريح ويسهل عليك مهمة إدارة الموقع
          فالخلاصة إن السعر بيحدده الشغل نفسه زي واحد نجار هيعملك قوضة نوم لكن بخشب كونتر مثلا مش زي نجار هيعملك نفس القوضة لكن بخشب زان أو أرو والأول هيدهنهالك لاكيه والتاني هيدهنهالك أستر ! وهكذا
          [SIZE="4"][COLOR="Blue"][FONT="Century Gothic"]Freelancer Web Designer & E-marketer[/FONT][/COLOR][/SIZE]
          [SIZE="5"] ( --- [COLOR="Green"][URL="http://www.nilemotors.net/Nile/search.php?do=finduser&u=129815&starteronly=1"]جــمــيــــع مــوضــوعـــاتـي[/URL][/COLOR] --- )[/SIZE]

          [SIGPIC][/SIGPIC]

          Comment

          • #6
            [SIZE="4"][COLOR="Blue"][FONT="Century Gothic"]Freelancer Web Designer & E-marketer[/FONT][/COLOR][/SIZE]
            [SIZE="5"] ( --- [COLOR="Green"][URL="http://www.nilemotors.net/Nile/search.php?do=finduser&u=129815&starteronly=1"]جــمــيــــع مــوضــوعـــاتـي[/URL][/COLOR] --- )[/SIZE]

            [SIGPIC][/SIGPIC]

            Comment

            • #7
              اتمنى من حضرتك تنظيم دورة فى التسويق الاليكترونى لاعضاء المنتدى بمقابل مادى وستجد كثيرون يطلبونك والكل سيستفاد ان شاءالله

              Comment

              • #8
                ماهى افضل طريقه لكيفيه المحافظه على Rank للموقع اللالكترونى فى اليكسا

                بمعنى بشوف مواقع كتير ملهاش حملات اعلانيه كبيره ومبتزلش فى الرانك عن اول 50 موقع مثلا

                ده سببه ايه ؟ اكيد العملاء مش منتظيمن الدخول على لموقع بنفس العدد كل شهر
                [B][SIZE="4"]Take it Or Leave it.[/SIZE][/B]

                Comment

                • #9
                  المشاركة الأصلية كتبت بواسطة الفجر مشاهدة المشاركة
                  اتمنى من حضرتك تنظيم دورة فى التسويق الاليكترونى لاعضاء المنتدى بمقابل مادى وستجد كثيرون يطلبونك والكل سيستفاد ان شاءالله
                  والله يا دكتور أنا بالرغم من إن موضوع الدورات ده اتعرض عليا أكتر من مرة إلا إني مش ميال ليه أبدا لأنه بيتطلب أولا تحضير للدروس وده بياخد وقت وأنا عندي مشكلة حقيقية في ضيق الوقت ثانيا بيتطلب في الinstructor إنه يكون ملم مش هقول بكل جوانب المجال لأن محدش ملم بكل جوانب أي علم في الدنيا ولكن على الأقل يكون ملم بنسبة 90% علشان يقدر يوصل المعلومات صح ويقدر يجاوب على أي استفسار وأنا بعتبر نفسي ما زلت في مرحلة الطلب والتعلم وشايف إن كل المعلومات اللي عندي يمكن تحصيلها بسهولة مع بعض الجد والاجتهاد من خلال الإنترنت وبطريقة مجانية
                  فأنا ضد كل واحد عنده معلومتين في مجال إنه يعمل كتاب ويقعد يبيع فيه على أساس إن الكتاب ده زبدة علمه على مدار عشرين سنة وإنك لو اشتريته وطبقت اللي فيه هتبقى مليونير وهتحول جهازك إلى ماكينة أرباح ! وكل الأفلام المنتشرة على النت دي ، أو إنه يعمل دورات تدريبية بفلوس ويستغل جهل وحاجة الناس لهذه الدورات ويعمل عليهم أستاذ دكتور ويرميلهم فتات العلم مقابل تحصيل أموال ومبالغ أحيانا بيكون مبالغ فيها وده اللي بنعانيه في مصر في المراكز التدريبية المنتشرة في كل حارة وزنقة ومع احترامي للجميع أكتر من 95% من المراكز دي شوية هجاصين وهما اللي محتاجين ياخدوا دورات مش يدوا
                  لكن الموضوع ده أنا عامله برده لاستفادة إخواني وأنا كذلك هستفيد من خلال بعض الأسئلة اللي ممكن مكونش ملم بيها ومع بعض البحث هقدر أجاوب عليها علشان أفيد السائل وأستفيد أنا أيضا
                  [SIZE="4"][COLOR="Blue"][FONT="Century Gothic"]Freelancer Web Designer & E-marketer[/FONT][/COLOR][/SIZE]
                  [SIZE="5"] ( --- [COLOR="Green"][URL="http://www.nilemotors.net/Nile/search.php?do=finduser&u=129815&starteronly=1"]جــمــيــــع مــوضــوعـــاتـي[/URL][/COLOR] --- )[/SIZE]

                  [SIGPIC][/SIGPIC]

                  Comment

                  • #10
                    المشاركة الأصلية كتبت بواسطة secret-man مشاهدة المشاركة
                    ماهى افضل طريقه لكيفيه المحافظه على rank للموقع اللالكترونى فى اليكسا

                    بمعنى بشوف مواقع كتير ملهاش حملات اعلانيه كبيره ومبتزلش فى الرانك عن اول 50 موقع مثلا

                    ده سببه ايه ؟ اكيد العملاء مش منتظيمن الدخول على لموقع بنفس العدد كل شهر
                    العامل الرئيسي في ترتيب المواقع في أليكسا هو عدد الزوار ولذلك لو في موقع انت شايف إنه مش بيعمل حملات إعلانية وبالرغم من كده ترتيبه عالي وثابت فده لأنه بيدخله زوار أورجانيك يعني من خلال محرك البحث جوجل فبيكون ماسك كلمات وبيظهر في نتائج البحث الأولى وبالتالي بيدخله عدد زوار كبير بشكل يومي بالإضافة إلى أنه غالبا موقع متجدد المحتوى ولذلك بيدخله نفس الزوار بشكل دوري بالإضافة إلى الزوار الجدد
                    مثال: موقع اليوم السابع (مع تحفظي على مصداقيته) مثلا هتلاقيه في ال10 مواقع الأولى في مصر بالرغم من إنه على الأرجح لا يصرف مليم على حملات إعلانية مدفوعة ولكن لأن محتواه الإخباري متجدد ولأن ترتيبه في نتائج البحث في النتائج الأولى فبيدخله عدد زوار بعشرات الآلاف بشكل يومي مع التكرار وبالتالي يرتفع ترتيبه في أليكسا
                    لكن الأهم من ترتيب أليكسا هو البيج رانك الخاص بجوجل ده بيقيم الموقع بطريقة أكثر احترافية وأكثر دقة من أليكسا لأن أليكسا كما أخبرتك بيتعامل على أساس عدد الزوار فقط والزوار دول ممكن يكون نصهم زوار وهميين عن طريق برامج أو مواقع تبادل زيارات أو طرق أخرى غير شرعية وبالتالي علشان تقيم موقع من خلال أليكسا فقط هو تقييم غير دقيق لأنك متعرفش مصدر الزوار دول إيه وهل هما فعلا داخلين الموقع للاستفادة ولا داخلينه جبرا وقهرا أو تبادل منفعة أما البيج رانك فبيعتمد على عوامل عديدة منها جودة المحتوى ومناسبة التصميم وقلة الأخطاء وموثوقية الزوار به وعدد الباك لينكس المشروعة واليدوية في المواقع الأخرى ... إلخ
                    فالخلاصة علشان تحافظ على ترتيب موقعك في أليكسا لازم يكون عندك مصدر زوار متجدد ومستمر بأي طريقة كانت وأفضل الطرق هي تحسين وتهيئة نتيجة ظهور الموقع في محركات البحث عن طريق العوامل السابقة بخصوص رفع البيج رانك
                    [SIZE="4"][COLOR="Blue"][FONT="Century Gothic"]Freelancer Web Designer & E-marketer[/FONT][/COLOR][/SIZE]
                    [SIZE="5"] ( --- [COLOR="Green"][URL="http://www.nilemotors.net/Nile/search.php?do=finduser&u=129815&starteronly=1"]جــمــيــــع مــوضــوعـــاتـي[/URL][/COLOR] --- )[/SIZE]

                    [SIGPIC][/SIGPIC]

                    Comment

                    • #11
                      المشاركة الأصلية كتبت بواسطة أبو آسر مشاهدة المشاركة
                      العامل الرئيسي في ترتيب المواقع في أليكسا هو عدد الزوار ولذلك لو في موقع انت شايف إنه مش بيعمل حملات إعلانية وبالرغم من كده ترتيبه عالي وثابت فده لأنه بيدخله زوار أورجانيك يعني من خلال محرك البحث جوجل فبيكون ماسك كلمات وبيظهر في نتائج البحث الأولى وبالتالي بيدخله عدد زوار كبير بشكل يومي بالإضافة إلى أنه غالبا موقع متجدد المحتوى ولذلك بيدخله نفس الزوار بشكل دوري بالإضافة إلى الزوار الجدد
                      مثال: موقع اليوم السابع (مع تحفظي على مصداقيته) مثلا هتلاقيه في ال10 مواقع الأولى في مصر بالرغم من إنه على الأرجح لا يصرف مليم على حملات إعلانية مدفوعة ولكن لأن محتواه الإخباري متجدد ولأن ترتيبه في نتائج البحث في النتائج الأولى فبيدخله عدد زوار بعشرات الآلاف بشكل يومي مع التكرار وبالتالي يرتفع ترتيبه في أليكسا
                      لكن الأهم من ترتيب أليكسا هو البيج رانك الخاص بجوجل ده بيقيم الموقع بطريقة أكثر احترافية وأكثر دقة من أليكسا لأن أليكسا كما أخبرتك بيتعامل على أساس عدد الزوار فقط والزوار دول ممكن يكون نصهم زوار وهميين عن طريق برامج أو مواقع تبادل زيارات أو طرق أخرى غير شرعية وبالتالي علشان تقيم موقع من خلال أليكسا فقط هو تقييم غير دقيق لأنك متعرفش مصدر الزوار دول إيه وهل هما فعلا داخلين الموقع للاستفادة ولا داخلينه جبرا وقهرا أو تبادل منفعة أما البيج رانك فبيعتمد على عوامل عديدة منها جودة المحتوى ومناسبة التصميم وقلة الأخطاء وموثوقية الزوار به وعدد الباك لينكس المشروعة واليدوية في المواقع الأخرى ... إلخ
                      فالخلاصة علشان تحافظ على ترتيب موقعك في أليكسا لازم يكون عندك مصدر زوار متجدد ومستمر بأي طريقة كانت وأفضل الطرق هي تحسين وتهيئة نتيجة ظهور الموقع في محركات البحث عن طريق العوامل السابقة بخصوص رفع البيج رانك

                      يعنى تقصد SEO اهم من Web Rank
                      [B][SIZE="4"]Take it Or Leave it.[/SIZE][/B]

                      Comment

                      • #12
                        المشاركة الأصلية كتبت بواسطة secret-man مشاهدة المشاركة
                        يعنى تقصد seo اهم من web rank
                        الـ seo الكويس تقدر ترفع بيه البيج رانك وترتيب أليكسا أيضا لأن عن طريقه هيدخلك زوار كتير وبالتالي يرتفع ترتيبك في أليكسا
                        وكقاعدة عامة بما إننا في منتدى سيارات :
                        موقع من غير seo .. عربية من غير بنزين
                        [SIZE="4"][COLOR="Blue"][FONT="Century Gothic"]Freelancer Web Designer & E-marketer[/FONT][/COLOR][/SIZE]
                        [SIZE="5"] ( --- [COLOR="Green"][URL="http://www.nilemotors.net/Nile/search.php?do=finduser&u=129815&starteronly=1"]جــمــيــــع مــوضــوعـــاتـي[/URL][/COLOR] --- )[/SIZE]

                        [SIGPIC][/SIGPIC]

                        Comment

                        • #13
                          المشاركة الأصلية كتبت بواسطة أبو آسر مشاهدة المشاركة
                          الـ seo الكويس تقدر ترفع بيه البيج رانك وترتيب أليكسا أيضا لأن عن طريقه هيدخلك زوار كتير وبالتالي يرتفع ترتيبك في أليكسا
                          وكقاعدة عامة بما إننا في منتدى سيارات :
                          موقع من غير seo .. عربية من غير بنزين
                          ايه رايك فى العرض ده من موقع اجنبى




                          $800

                          On & Off-page SEO
                          Homepage Optimization
                          Guaranteed Ranking Increase
                          4 x Keyword Optimization
                          8 x Unique Articles
                          9,000 Submissions
                          40 High PR Link Wheel
                          15,000 Level 2 Backlinks
                          100 Social Bookmarks
                          Copyscape Tested
                          100% Penguin Safe
                          Full Report & Support
                          [B][SIZE="4"]Take it Or Leave it.[/SIZE][/B]

                          Comment

                          • #14
                            المشاركة الأصلية كتبت بواسطة secret-man مشاهدة المشاركة
                            ايه رايك فى العرض ده من موقع اجنبى




                            $800

                            on & off-page seo
                            homepage optimization
                            guaranteed ranking increase
                            4 x keyword optimization
                            8 x unique articles
                            9,000 submissions
                            40 high pr link wheel
                            15,000 level 2 backlinks
                            100 social bookmarks
                            copyscape tested
                            100% penguin safe
                            full report & support
                            مقدرش أفيدك غير لما أشوف الموقع وأعرف تفاصيل أكتر لكن أعتقد المبلغ كبير جدا وفي مواقع بتقدم خدمات مشابهة وبأسعار أقل بكتير
                            [SIZE="4"][COLOR="Blue"][FONT="Century Gothic"]Freelancer Web Designer & E-marketer[/FONT][/COLOR][/SIZE]
                            [SIZE="5"] ( --- [COLOR="Green"][URL="http://www.nilemotors.net/Nile/search.php?do=finduser&u=129815&starteronly=1"]جــمــيــــع مــوضــوعـــاتـي[/URL][/COLOR] --- )[/SIZE]

                            [SIGPIC][/SIGPIC]

                            Comment

                            • #15
                              المشاركة الأصلية كتبت بواسطة أبو آسر مشاهدة المشاركة
                              مقدرش أفيدك غير لما أشوف الموقع وأعرف تفاصيل أكتر لكن أعتقد المبلغ كبير جدا وفي مواقع بتقدم خدمات مشابهة وبأسعار أقل بكتير
                              تقدر تفيدنى بموقع بيعمل seo وفعال ونتايجه كويس واسعار كويسه ؟
                              [B][SIZE="4"]Take it Or Leave it.[/SIZE][/B]

                              Comment

                              السابق 1 2 3 4 5 6 7 8 template التالي
                              Working...
                              X