عاوز اسافر الامارات .. أيه المطلوب ؟!

[jackson_75]

السلام عليكم ورحمة الله وبركاته

أنا للاسف شغال فى مجال السياحة مرشد سياحى ، وللاسف مفيش أى سياحة عدلة شوفنها من يوم الثورة فى 2011 . يوم نشتغل وعشرة لاه . شهر نشتغل و6 شهور لاه . وطبعاً زى ما انتوا عارفين خد من التل يختل ..!!!

أنا عاوز اعرف بكام فيزة الامارات .. وهل ينفع اخد الفيزا مباشر من السفارة ،أيه هى الاوراق المطلوبة لعمل الفيزا ؟

عاوز اعرف أيه أسعار السكن . يعنى ارخص سعر لفندق أو أرخص سعر لحجرة فى سكن عاملين لمدة 10 أيام ؟!

شاكر جداً لحضراتكم

[saddam]

صديقي المواطن
حتروح السفارة تقدم فيزة سياحة و 80% حترفض ولكن كان فيه ناس بيعملوها ب 5 آلاف جنيه ولكن أفضل وأحسن طريقة هي وجود شركات سياحة في إسكندرية شفتها بيعملوا رحلات عن طريق العربية للطيران أسبوع بالطيران والفنادق والتكلفة كانت أقل من 4 آلاف جنيه ودي روعة جدا وكمان عندك فيزة الزيارة لو لقيت شعل حتظطر تسيب البلد وترجع بفيزة عمل تاني أما أرخص الفنادق فدي في الشارقة بحدود 30 دولار الليلة وده معناه بحدود 250 جنيه يوميا طبعا ده فندق متواضع جدا وجيرانك كلهم هنود وباكستاتيين أما اﻷكل والشرب فتلاقي غالي وتلاقي رخيص ولكن قولا واحدا عشان تعيش في دبي مستريح أكل وشرب وفندق حتعوز من 80 إلى 100 دولار يوميا وممكن تدور على فنادق رخيصة في دبي في ديرة ولو ملكش حد هناك متروحش لكن لو رحت ولقيت شغل بمرتب تعبان خده إوعه تفرط فيه وصدقني بعد فتره حتتاحلك فرص عظيمة
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[foxhonda2008]

انا هساعدك عشان وجه الله عارف ليه عشان انا بردوا مرشد سياحي و عارف الحال
سيبك من السفاره
انت هتروح للامارتيه لو مش فارق معاك ثمن التذكرة
هتحجز التذكرة بس print و هتطلع بيه على شركه الموفق التابعه للامارتيه التأشيرة ب 500لكن بيطلبوا تأمين 10000جنيه و بتاخدهم لما ترجع
لو مش عايز الحوار ده
في حوار تاني هديك رقم شركه سياحه انا بتعامل معاها و دول مش بيخدوا غير ثمن التذكرة و ثمن التأشيرة و بتطلع على طيران الجزيرة بس بتنزل في مطار العين و في باص تابع للشركه بيوديك دبي بس مشكلتهم ان مواعيدهم مش مظبوطه في مواضيع الاقلاع
و لو هتروح دبي هقولك على فندق هيعمل حوالي 100 درهم في اليوم بالفطار و قدام الفندق على طوا هتلاقي المترو و ده ميزة الفندق ده و لو عايز تفاصيل اكتر قولي ة انا هبعتلك رقمي ة تسأل علي كل حاجه برحتك

[Secret-Man]

FlyDubai

Etihad Airway

اسهل وارخص فيزا

المشكله مش فىا لفيزا المشكله ان الشغل بقا قليل جدا فى الامارات والفرص بقت صعبه مش زى مانت متخيل ولكن اسعى واعمل الى عليك مفيش مانع وتستخير ربنا برضه قبل اى شيىء

سعر التاشيره ب 1000 جنيه + اغلب الشركات بتطلب تامين + تذكر الطيران رايح جاى + الاقامه فى فندق او شقه حسب رغبتك واقل ليله فى فندق ب 130 درهم واضرب فى 2 لو عايز تحسبها مصرى

مش عايز احبطك بس 10 ايام قليلن جدا لواحد بيشوف شغل

جرب تشوف المواقع الاول وانت من هنا قبل اى مصاريف تجازف بيها

دوبيزل - جلف نيوز - الوسيط - الامارات اليوم دول اشهرهم فى الوظايف

ناس كتير اوى فى مجالك اشتغلو فى فنادق ومجالات ترجمه وسياحه عن طريق الموقع ده

Catererglobal.com | jobs | Choose from 4,429 live vacancies

قدم وجرب مش هتخسر حاجه وربنا يوفقك ان شاء الله

[walidzakzok]

مفيش اي تاشيرات عمل بتطلع حاليا الا من امارة دبي

انا مانصحكشي تروح تدور على شغل هاتتبهدل وهاتضيع فلوسك على الفاضي

ولو لقيت هاتلاقي شغل مضروب بالنار

الصح انك تعمل كونتاكت بالشركات اللي هناك وانت هنا فى مصر غير كدة مانصحكش

[jackson_75]

والله أنا امش عارف أقولكم ايه ، كلكم ناس محترمة وربنا يبارك فيكم على هذه النصايح . مش عارف ليه فى موقع نايل موتورز بشوف مصر والمصريين بوجه تانى جميل ، وجه مليان بالحب والتعاون والصدق فى تقديم النصيحة . هنا الناس مختلفة خالص عن الفصائل اللى الواحد بيشوفها فى الشارع . جزاكم الله خيراً

فى واحد أعرفه كان شغال معايا فى شرم الشيخ وسافر الامارات وبيقولى ممكن ابعتلك الفيزا ب 80 دولار .وبيقولى ممكن تحجز تبع العربية للطيران من برج العرب ب 2000 جنيه رايح جاى ، بس هل ياترى كده أنا هبقى مضطر لما أروح السفارة عشان أستلم الدعوة أنى أدفع تامين ؟!!

[jackson_75]

انا هساعدك عشان وجه الله عارف ليه عشان انا بردوا مرشد سياحي و عارف الحال
سيبك من السفاره
انت هتروح للامارتيه لو مش فارق معاك ثمن التذكرة
هتحجز التذكرة بس print و هتطلع بيه على شركه الموفق التابعه للامارتيه التأشيرة ب 500لكن بيطلبوا تأمين 10000جنيه و بتاخدهم لما ترجع
لو مش عايز الحوار ده
في حوار تاني هديك رقم شركه سياحه انا بتعامل معاها و دول مش بيخدوا غير ثمن التذكرة و ثمن التأشيرة و بتطلع على طيران الجزيرة بس بتنزل في مطار العين و في باص تابع للشركه بيوديك دبي بس مشكلتهم ان مواعيدهم مش مظبوطه في مواضيع الاقلاع
و لو هتروح دبي هقولك على فندق هيعمل حوالي 100 درهم في اليوم بالفطار و قدام الفندق على طوا هتلاقي المترو و ده ميزة الفندق ده و لو عايز تفاصيل اكتر قولي ة انا هبعتلك رقمي ة تسأل علي كل حاجه برحتك

ممكن من فضلك اسم الفندق ده اللى فى دبى ب 100 درهم ، ورقمك من فضلك على الخاص

[aw2100]

والله أنا امش عارف أقولكم ايه ، كلكم ناس محترمة وربنا يبارك فيكم على هذه النصايح . مش عارف ليه فى موقع نايل موتورز بشوف مصر والمصريين بوجه تانى جميل ، وجه مليان بالحب والتعاون والصدق فى تقديم النصيحة . هنا الناس مختلفة خالص عن الفصائل اللى الواحد بيشوفها فى الشارع . جزاكم الله خيراً

فى واحد أعرفه كان شغال معايا فى شرم الشيخ وسافر الامارات وبيقولى ممكن ابعتلك الفيزا ب 80 دولار .وبيقولى ممكن تحجز تبع العربية للطيران من برج العرب ب 2000 جنيه رايح جاى ، بس هل ياترى كده أنا هبقى مضطر لما أروح السفارة عشان أستلم الدعوة أنى أدفع تامين ؟!!

والله فيه مصريين كتير كويسين ومحترمين مش يس فى موقع نايل موتورز بس مدفونين فى الشقاء والجرى وراء لقمة العيش فى الشركات والمصانع بيشتغلوا بال16 ساعة فى اليوم لكن السفهاء والبلطجية هما اللى فاضيين وظاهريين فى كل مكان وعملين صورة وحشة للمصريين امام الأجانب والمصريين نفسهم ولاحول ولا قوة الا بالله ؟؟

[foxhonda2008]

باشا انا بعتلك رقمي

[4fun14]

طالما التل بيختل يباه غلط جدا تسافر من غير عقد عمل..هتتبهدل ومش هتلحق تدور والتل يختل اكتر
والكلام ده على السفر عموما مش بس الامارات..وربنا يفرجها عليك وعلى الكل

[elpasha1]

باشا معلش
انا عندى فكرة ممكن تكون مناسبة وممكن لأ
طالما انك مرشد سياحى يبقى اكيد معاك لغة كويسة
واجازة نصف العام على الابواب
ممكن تقدم على وظيفة مدرس فى اى مدرسة خاصة او لغات وربنا يكرمك
ولو لقي ان البلية لعبت معاك بتاخد دبلومة تربوى وبتبقى مدرس
وربنا يوفقك

[jackson_75]

باشا معلش
انا عندى فكرة ممكن تكون مناسبة وممكن لأ
طالما انك مرشد سياحى يبقى اكيد معاك لغة كويسة
واجازة نصف العام على الابواب
ممكن تقدم على وظيفة مدرس فى اى مدرسة خاصة او لغات وربنا يكرمك
ولو لقي ان البلية لعبت معاك بتاخد دبلومة تربوى وبتبقى مدرس
وربنا يوفقك

ماهو المشكلة أنى أنا فى الاصل خريج كلية تربية قسم دراسات اجتماعية سنة 1998 وكنت اول دفعة ينطبق عليها قرار ألغاء التكليف ، وبعدين أتغير مسار حياتى ومريت بمراحل كتير اوى عشان أبقى مرشد سياحى باللغة الروسية والانجليزية .
-سافرت برة ودرست فى اوكرانيا الادب واللغة الروسية
- وبعدين جيت مصر وعملت دبلومة معادلة لمدة سنتين فى المعهد العالى للسياحة والفنادق
-ده غير الفترة اللى كنت بدرس فيها بالمركز الثقافى الروسى وغير 10 سنين شغل مع الروس فى شرم الشيخ وطابا ..!!

عامتاً ، أنا شاكر جداً لاقتراح حضرتك

[hamada_amg]

و الله انا من رأيي برده انك مش تسافر من غير عقد عمل بيبقى الموضوع صعب جدا و مكلف و مجهد و كمان من غير امل فى شيء لكن برده انت ليك حق التجربه

على العموم هاقولك تعمل ايه بالظبط باقى التكاليف لانى لسه راجع من دبي اصلا

انت الحل انك تجيب فيزا سياحه بتكون مدتها شهر فى الامارات تقدر تقعد بيها هناك شهر و بتكون على دبي لكن تقدر تدخل بيها من اى مطار مش مهم انا عن نفسي كنت داخل من مطار الشارقه

الفيزا السياحه بتطلع من هناك من الامارات بتكلفه حوالى 450 ل 1000 درهم على حسب الوقت اللى انت بتحجزها فيه بيختلف سعرها و فى مكاتب هنا فى مصر بتطلعها بحوالى 2000 جنيه و من غير تأمين و اياك تدفع تأمين فى اى شركه لانها اصلا بتطلع من غير تأمين من بلدها

بكده عندك فى الفيزا حلين يا اما تشوف حد هناك اصلا صاحب او قريب يطلعهالك من اى شركه سياحه و الموضوع دلوقتى بقى سهل عشان العلاقه بين مصر و الامارات متحسنه

يا اما تشوف مكتب هنا يطلعهالك و تكلفتها حوالى 2000 جنيه او اقل بحاجات بسيطه و ممكن اقولك على كذا شركه تسأل فيهم هنا فى مصر

بعد الفيزا ما توصلك على الميل هتطبعها و هتبقى كده مصرح ليك انك تدخل الامارات لفتره شهر 30 يوم و يبدأوا من ساعه ما تدخل الامارات و بيكون قدامك وقت عشان تدخل الامارات حوالى 60 يوم من تاريخ صدور الفيزا

بعد كده دور على تذكره سفر و خليك على العربيه رخيصه و لذيذه و سهله ممكن تحجزها اونلاين و عشان توفر احجز ذهاب بس مش زهاب و عوده هتلاقيها مش هتكمل ال1000 جنيه لو فى ميعاد كويس و لو بعدت الميعاد شويه هتلاقيها ارخص اكيد و بعد كده لما توصل ابقى احجز من هناك عوده بيكون هناك فى عروض كتيره و اوفرات هتلاقيها ارخص من هنا بكتير

بالنسبه للفنادق فى فنادق كتيره فى دبي بس غالبا هتبقى غاليه ممكن تدور على فندق فى الشارقه و عندك موقع بوكينج هتلاقيه مليان و مليان عروض كمان و فى حل تاني انك تدور على شقه فندقيه

ده بتكون شبه الاستوديو كده بس بخدمات فندقيه و تقدر تحجزها مده مثلا شهر و هتبقى بسعر ظريف ارخص شويه من الفنادق

ده اللى انا عملته بالظبط و انا مسافر و لو فى اى سؤال تاني انا معاك

[jackson_75]

و الله انا من رأيي برده انك مش تسافر من غير عقد عمل بيبقى الموضوع صعب جدا و مكلف و مجهد و كمان من غير امل فى شيء لكن برده انت ليك حق التجربه

على العموم هاقولك تعمل ايه بالظبط باقى التكاليف لانى لسه راجع من دبي اصلا

انت الحل انك تجيب فيزا سياحه بتكون مدتها شهر فى الامارات تقدر تقعد بيها هناك شهر و بتكون على دبي لكن تقدر تدخل بيها من اى مطار مش مهم انا عن نفسي كنت داخل من مطار الشارقه

الفيزا السياحه بتطلع من هناك من الامارات بتكلفه حوالى 450 ل 1000 درهم على حسب الوقت اللى انت بتحجزها فيه بيختلف سعرها و فى مكاتب هنا فى مصر بتطلعها بحوالى 2000 جنيه و من غير تأمين و اياك تدفع تأمين فى اى شركه لانها اصلا بتطلع من غير تأمين من بلدها

بكده عندك فى الفيزا حلين يا اما تشوف حد هناك اصلا صاحب او قريب يطلعهالك من اى شركه سياحه و الموضوع دلوقتى بقى سهل عشان العلاقه بين مصر و الامارات متحسنه

يا اما تشوف مكتب هنا يطلعهالك و تكلفتها حوالى 2000 جنيه او اقل بحاجات بسيطه و ممكن اقولك على كذا شركه تسأل فيهم هنا فى مصر

بعد الفيزا ما توصلك على الميل هتطبعها و هتبقى كده مصرح ليك انك تدخل الامارات لفتره شهر 30 يوم و يبدأوا من ساعه ما تدخل الامارات و بيكون قدامك وقت عشان تدخل الامارات حوالى 60 يوم من تاريخ صدور الفيزا

بعد كده دور على تذكره سفر و خليك على العربيه رخيصه و لذيذه و سهله ممكن تحجزها اونلاين و عشان توفر احجز ذهاب بس مش زهاب و عوده هتلاقيها مش هتكمل ال1000 جنيه لو فى ميعاد كويس و لو بعدت الميعاد شويه هتلاقيها ارخص اكيد و بعد كده لما توصل ابقى احجز من هناك عوده بيكون هناك فى عروض كتيره و اوفرات هتلاقيها ارخص من هنا بكتير

بالنسبه للفنادق فى فنادق كتيره فى دبي بس غالبا هتبقى غاليه ممكن تدور على فندق فى الشارقه و عندك موقع بوكينج هتلاقيه مليان و مليان عروض كمان و فى حل تاني انك تدور على شقه فندقيه

ده بتكون شبه الاستوديو كده بس بخدمات فندقيه و تقدر تحجزها مده مثلا شهر و هتبقى بسعر ظريف ارخص شويه من الفنادق

ده اللى انا عملته بالظبط و انا مسافر و لو فى اى سؤال تاني انا معاك

ياباشا مش عارف أقولك أيه أنت وكل الناس المحترمين الذين لم يبخلوا عليه بالمعلومة ، ربنا يجعلها فى ميزان حسناتكم جميعاً، جزاكم الله جميعاً خيراً

[Secret-Man]

و الله انا من رأيي برده انك مش تسافر من غير عقد عمل بيبقى الموضوع صعب جدا و مكلف و مجهد و كمان من غير امل فى شيء لكن برده انت ليك حق التجربه

على العموم هاقولك تعمل ايه بالظبط باقى التكاليف لانى لسه راجع من دبي اصلا

انت الحل انك تجيب فيزا سياحه بتكون مدتها شهر فى الامارات تقدر تقعد بيها هناك شهر و بتكون على دبي لكن تقدر تدخل بيها من اى مطار مش مهم انا عن نفسي كنت داخل من مطار الشارقه

الفيزا السياحه بتطلع من هناك من الامارات بتكلفه حوالى 450 ل 1000 درهم على حسب الوقت اللى انت بتحجزها فيه بيختلف سعرها و فى مكاتب هنا فى مصر بتطلعها بحوالى 2000 جنيه و من غير تأمين و اياك تدفع تأمين فى اى شركه لانها اصلا بتطلع من غير تأمين من بلدها

بكده عندك فى الفيزا حلين يا اما تشوف حد هناك اصلا صاحب او قريب يطلعهالك من اى شركه سياحه و الموضوع دلوقتى بقى سهل عشان العلاقه بين مصر و الامارات متحسنه

يا اما تشوف مكتب هنا يطلعهالك و تكلفتها حوالى 2000 جنيه او اقل بحاجات بسيطه و ممكن اقولك على كذا شركه تسأل فيهم هنا فى مصر

بعد الفيزا ما توصلك على الميل هتطبعها و هتبقى كده مصرح ليك انك تدخل الامارات لفتره شهر 30 يوم و يبدأوا من ساعه ما تدخل الامارات و بيكون قدامك وقت عشان تدخل الامارات حوالى 60 يوم من تاريخ صدور الفيزا

بعد كده دور على تذكره سفر و خليك على العربيه رخيصه و لذيذه و سهله ممكن تحجزها اونلاين و عشان توفر احجز ذهاب بس مش زهاب و عوده هتلاقيها مش هتكمل ال1000 جنيه لو فى ميعاد كويس و لو بعدت الميعاد شويه هتلاقيها ارخص اكيد و بعد كده لما توصل ابقى احجز من هناك عوده بيكون هناك فى عروض كتيره و اوفرات هتلاقيها ارخص من هنا بكتير

بالنسبه للفنادق فى فنادق كتيره فى دبي بس غالبا هتبقى غاليه ممكن تدور على فندق فى الشارقه و عندك موقع بوكينج هتلاقيه مليان و مليان عروض كمان و فى حل تاني انك تدور على شقه فندقيه

ده بتكون شبه الاستوديو كده بس بخدمات فندقيه و تقدر تحجزها مده مثلا شهر و هتبقى بسعر ظريف ارخص شويه من الفنادق

ده اللى انا عملته بالظبط و انا مسافر و لو فى اى سؤال تاني انا معاك

بس الى اعرفه موضوع تذكره الطياره لازم يكون ذهاب وعوده محجوزين فى تكت واحده علشان هو خارج سياحه وراجع والمطار هيرجعه لو لاقاها ذهاب بس