دفاية زيت محترمة

[Y a r i s]

صديقي المواطن
قولا واحدا
الدفاية الزيت رقم 1 في العالم هي سيمنس قسما بالله العظيم مرة هاجرت سنتين لمكان ما ومعرفش إزاي كنت سايب الدفاية دي شغالة في ملحق البيت ورجعت بعد سنتين ولقيتها شغالة كاﻷسد وبعديها فضلت معايه سنين وسنين ولا زالت موجودة بتاخد وقت بس بتغطي مساحات شاسعة وكمان صحية أوي بتسحب الرطوبة من العظام ومن الحيطان
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

أخي العزيز المواطن صدام حسين ...

بعد التحية .. والسلام التي تسبق الكلام

مفيش دفايات سيمنس ياباشا في مصر ... ياصديقي العزيز انتا شكلك كنت جايبها معاك من برة ... وبالتوفيق والى الامام دائماً وابداً ... ومن برد الى برد ومن تلج الى تلج ودمتم في الشتاء :) ... وتحياتي

[Rsarabia]

خدت لفة كدا و للأسف ملقتش اوليمبك نهائى
موجود يونيفرسال
11 ريشة 550 جنيه
13 ريشة 630 جنيه
انا ليا تجربة سيئة مع صيانة يونيفرسال عموما عشان كدا مجبتهاش

[mohamedbook]

ونا كمان عايز دفاية في الجو الكرب ده

[hilal]

خدت لفة كدا و للأسف ملقتش اوليمبك نهائى
موجود يونيفرسال
11 ريشة 550 جنيه
13 ريشة 630 جنيه
انا ليا تجربة سيئة مع صيانة يونيفرسال عموما عشان كدا مجبتهاش

فعلا ، أوسخ شركة في العالم من حيث الصيانة وخدمة العملاء هي الشركة الملعونة يونيفرسال
والكلام ده عن تجربة فعلية

[Rsarabia]

فعلا ، أوسخ شركة في العالم من حيث الصيانة وخدمة العملاء هي الشركة الملعونة يونيفرسال
والكلام ده عن تجربة فعلية

ايوة كنت فى بداية الجواز و كانت غسالة الاطباق بايظة و راحت و جت خمس مرات لحد ما بدلوها فى الضمان بواحدة تانية و دفعونا فرق

[A_H_M_A_D]

فيه ماركه محترمه جدا انا جايب منها زيت و مروحه دفايه اسمها ديلونجي
توكيلها في شارع السباق مصر الجديده وهاتلاقيها في القاهره للمبيعات في السبع عمارات

http://cairosales.com/ar/search?orderby=position&orderway=desc&search_query=delonghi&submit_search=%D8%A8%D8%AD%D8%AB