الحمد لله كل كابلات التليفونات اللي عندنا في الشروق اتسرقت

[aminibrahim]

د الوقتي عايز اجيب adslمن موبينيل فهل يشترط الخط الارضي ؟ والا بيركب من غير خط ارضي

كان عندي تي داتا بس بس خلاص --

اصل عندنا كل الكابلات اتسرقت الافنديه اللي بيركبوه هما اللي بسرقوه

ورحنا السنترال الموظف قال انسو الخطوط الارضي خلاص بح

خسبي لله ونعم الوكيل

[أبو آسر]

مفيش ADSL من غير خط أرضي
ومؤقتا هات usb modem مشي حالك بيه بس شوف أحسن شبكة في الشقة عندك إيه الأول اللي بتلقط 3G كويس ولو كله واحد يبقى هات فودافون
بس حاولوا تجمعوا نفسكم وتهروا السنترال شكاوي وهيرجعوا الخطوط إن شاء الله الموضوع مش سهل مفيش حاجة اسمها انسوا الخطوط الأرضي دي مدينة من المدن الجديدة ومفروض البنية التحتية بتاعتها مجهزة للخطوط الأرضية والإنترنت

[Y a r i s]

احنا عندنا في اكتوبر زمان كان كل شهرين تلاته كانوا بيسرقوا كابلات التيلفونات
بس طبعاً لمن زاد الموضوع عن حدوا بالذات اكتوبر مليانه بنوك ومستشفيات. ومعامل وكلها مبنية على الاتصالات. بطلو يسرقوا غير في الاحياء ههههه حرامية عندهم نظر ... حالياً سابو خطوط التيلفون وابتدوا يسرقوا. غطيان البلاعات .

[lidosasa]

احنا عندنا في اكتوبر زمان كان كل شهرين تلاته كانوا بيسرقوا كابلات التيلفونات
بس طبعاً لمن زاد الموضوع عن حدوا بالذات اكتوبر مليانه بنوك ومستشفيات. ومعامل وكلها مبنية على الاتصالات. بطلو يسرقوا غير في الاحياء ههههه حرامية عندهم نظر ... حالياً سابو خطوط التيلفون وابتدوا يسرقوا. غطيان البلاعات .

الحرامى عمره ما يكون عنده نظر ومستعد يسرق المرضى ذات نفسهم اللى فى المستشفيات كل اللى حصل إن الشركة أمنت الكابلات بشكل يصعب معه سحبها بسهولة من الحرامية يا إما عملو خطوط فيبر مش نحاس واللى بيتعتبر ملهوش قيمة فى حال بيعه كخردة فمش بيتسرق

[Land_Cruiser]

ال ADSL ميزته انه ارخص بكتير يعني TEDATA عامله دلوقتي ال 18 جيجا ب ١٠٠ جنيه لكن طبعا ده محتاج خط تليفون ارضي و مينفعش من غيره و لذلك مش هيبقي عندك غير ال USB modem من احدي شبكات المحمول و ال ١٠٠ جنيه هيعطوا لحضرتك بيهم حوالي 7 جيجا في موبينيل و فودافون او حسب استخدام حضرتك تختار الباقه اللي تناسبك او حتي تخليها استهلاك يومي و ممكن تبقي تدخل علي المواقع بتاعتهم و تشوف اخر الاسعار و العروض

[naser_56]

لو يريحو نفسهم ويريحو الناس يركبو خطوط فيبر وخلاص وحتي الفيبر هيدعم سرعات عاليه الناس دلوقتي بتتكلم في سرعات من 40 ميجا وفوق واحنا لسه محلك سر والي عنده ٢ ميجا بيكون هيطير من الفرحه

[mahmoud_ali]

مش قدامك غير ال usb modem

[mezo73]

هو بالظبط زي ما قال الاخ ناصر السبب اللي خلاهم يبطلوا يسرقوا هو تركيب خطوط فايبر لانها ملهاش قيمة بالنسبة للحرامي غير الكابلات العادية بتكون نحاس

[S O P H O S]

ناقص ايه تاني يتسرق !!

[hossamgaber]

الفكره كلها إن تكلفه الكوابل النحاس اللي بتتسرق كل شويه غاليه جدا ,, وكلفت الشركه المصريه للإتصالات مبالغ وهميه . في دلوقتي بيتعمل حل بديل للكوابل النحاس للحد من السرقه وفي نفس الوقت تجديد للشبكه حضرتك متقلقش في خلال أقل من شهر إن شاء الله هيتم تركيب وتفعيل كبائن جديده في الشروق إسمها كبائن msan , والكبائن ده إنتظام الخدمات عليها أقوي بكتير من الكبائن العاديه . إن شاء الله ربنا يسهل والدنيا تشتغل :)

[aminibrahim]

الفكره كلها إن تكلفه الكوابل النحاس اللي بتتسرق كل شويه غاليه جدا ,, وكلفت الشركه المصريه للإتصالات مبالغ وهميه . في دلوقتي بيتعمل حل بديل للكوابل النحاس للحد من السرقه وفي نفس الوقت تجديد للشبكه حضرتك متقلقش في خلال أقل من شهر إن شاء الله هيتم تركيب وتفعيل كبائن جديده في الشروق إسمها كبائن msan , والكبائن ده إنتظام الخدمات عليها أقوي بكتير من الكبائن العاديه . إن شاء الله ربنا يسهل والدنيا تشتغل :)

ممكن تقولي حضرتك عرفت منين عشان انا بقالي كتير مش فاهم حاجه كل مانكلمهم يقولو عطل وجاري اصلاحه