من أيات الخالق فى السماء : تجمع يضم 10 ملايين نجم

[wawoo]

دى مش صورة مجرة دى صورة تجمع نجمى , و هوة عبارة عن تجمع كبير لعدد هائل من النجوم , و حتلاقى فى هذا التجمع احجام مختلفة من النجوم منها ما هوة فى حجم نجم الشمس و منها ما هوة اضعاف حجم الشمس و منها ما هو اصغر , هذا التجمع اطلق علية اسم "اوميجا سنتورى" , والعجيب بقى انك لو نظرت بالعين المجردة فى صفحة السماء حتشوف التجمع دة على شكل نقطة مضيئة "سبحان الله".

و يتألق التجمع النجمى " اوميجا سنتورى " من خلال اضائة حوالى 2 مليون نجم يتمركزون فى لب التجمع ,عدد النجوم الكلى للتجمع تبلغ 10 مليون نجم , و يعتبر هذا التجمع النجمى من ضمن اكبر و اضخم 200 تجمع نجمى تدور فى فلك مجرتنا الام "مجرة درب التبانة " , و يبعد " اوميجا سنتورى " حوالى 17000 سنة ضوئية عن الارض.ـ " السنة الضوئية هى المسافة التى يقطعها شعاع الضوء فى سنة و تبلغ تقريبا حوالى 961 مليار كيلومتر "

عالمة الفضاء "إيفا نويال "من معهد ماكس بلانك لعلوم فيزياء الفضاء و العالم" كارل جيلبرهارت" من كلية تاكسس فى الولايات المتحدة , اضافو انة من الممكن رصد ثقب اسود من الحجم المتوسط داخل قلب هذا التجمع النجمى .
وقد تم رصد تحرك سريع للنجوم المحيطة بالتجمع ,و هوة ما يفسر وجود ثقب اسود دخل التجمع بكثافة حوالى 40,000 الف نجم يرقد فى لب التجمع العملاق
لقد اعتقد العلماء لفترة انة يمكن لهذة التجمعات العملاقة ان تأوى فى دخلها ثقوب سوداء متوسطة الحجم مثل هذا الثقب
و قد تم استخدام مرصد هابل الفضائى لدراسة هذا التجمع و اخذ قياسات للب الخاصة بة و النجوم المحيطة بة

جميع الحقوق محفوظة لوكالة ناسا الفضائة و مرصد هابل الفضائى

[sniper2010]

جميل الموضوع
ألف شكر

[badblood]

سبحان الله

[Ahmed Samy]

جميع الحقوق محفوظة لوكالة ناسا الفضائة و مرصد هابل الفضائى

لو الحتة دي انت اللي كاتبها ...تبقى بجد بجد 100 100

انا باحب احترام المجهود ده قوي

[wawoo]

لو الحتة دي انت اللي كاتبها ...تبقى بجد بجد 100 100

انا باحب احترام المجهود ده قوي

الله يخليك يا احمد باشا , هى الحتة دى موجودة فعلا مع تفاصيل الصورة زى ما انت شايف, يبقى كان لازم تترجم مع باقى المعلومات , و بعدين انت عارف الناس دى صرفت ملايين عشان احنا نستمتع بالصور دى, يبقى اقل واجد اننا نذكر المجهود بتاعهم , دة غير طبعا الشق القانونى فى الموضوع .

و دى الصورة مرة تانية مش عارف لية اختفت



جميع الحقوق محفوظة لوكالة ناسا الفضائة و مرصد هابل الفضائى
و ترجمت العبد لله

[mmolazem]

سبحان الله العظيم.

مالك الملك و الملكوت.

[Karim_Monir]

سبحان الله
الواحد لما بيتامل الصورة ويدرك كم قليل كالذرة الى الفيل
لا يسعة الا قول
[وَاتَّقُوا يَوْمًا تُرْجَعُونَ فِيهِ إِلَى اللَّهِ ثُمَّ تُوَفَّى كُلُّ نَفْسٍ مَا كَسَبَتْ وَهُمْ لا يُظْلَمُونَ]
صدق الله العظيم

[Goodle]

لأ وإيه.. ده واحد من 200 تجمع موجود في مجرتنا فقط
ضيف لمعلوماتك بقى
إن الكون فيه 100 بليون مجرة.. والمجرة بتاعتنا كمان متوسطة الحجم

سبحان رب الجبروت والملكوت والكبرياء والعظمة

[wawoo]

لأ وإيه.. ده واحد من 200 تجمع موجود في مجرتنا فقط
ضيف لمعلوماتك بقى
إن الكون فيه 100 بليون مجرة.. والمجرة بتاعتنا كمان متوسطة الحجم

سبحان رب الجبروت والملكوت والكبرياء والعظمة

اخر احصاء باستخدام تلسكوب هابل هو 125 بليون مجرة ,
-حاول بقى تتخيل هذا الكون حجمة اية ,
- بعدين دة العدد الى احنا وصلنا لة الان لان ممكن يتغير خلال سنين .
-و بعدين كلة دة فى السماء الدنيا
-عندك بقى كمان ست سموات فوقنا , و كل سماء اكبر من اللى قبلها .
-و بعد كل دة فى الكرسى و دة اكبر من كل السموات
- فى الاخر بقى عرش الرحمن , و دة حجمة عظيم جدا .

مجرد التفكير فى كل الملكوت دة ............
سبحان الله

[Mshawky]

قال لي رسول الله – صلى الله عليه وسلم – : " أتدري ما الكرسي ؟ " ، فقلت : لا ، قال : " ما السماوات والأرض وما فيهن في الكرسي إلا كحلقة ألقاها ملق في أرض فلاة ، وما الكرسي في العرش إلا كحلقة ألقاها ملق في أرض فلاة ، وما العرش في الماء إلا كحلقة ألقاها ملق في أرض فلاة ، وما الماء في الريح إلا كحلقة ألقاها ملق في أرض فلاة ، وما جميع ذلك في قبضة الله – عز وجل – إلا كالحبة وأصغر من الحبة في كف أحدكم ، وذلك قوله – تعالى – : { والأرض جميعاً قبضته يوم القيمة } " .

[MoHaMed HaMeD]

سبحان الله