هندسة البترول والتعدين - جامعة السويس للعاطلين

[mustafavet]

السلام عليكم
انا اخويا خريج بترول وتعدين قسم بترول بتقدير جيد جدا مع مرتبة الشرف ومش لاقي شغل
انا مش عارف المفروض نعمل ايه ف البلد دي لما يبقي خريج احسن كليه ف مصر مش لاقي شغل
الموضوع دا مازمني انا نفسيا اكتر منه لاني للاسف كنت سبب انه يدخل الكليه دي بعد ما قعدت اقنعه ان هندسة احسن من الطب لكن انا كنت غلطان
صحيح الطبيب مرتبه بسيط بس ف الاخ بيلاقي شغل في مجاله. صحيح هو متعب بس مع الوقت بيتحسن
يعني لما واحد يحب يشجع طفل لسه علشان يجتهد المفروض يعمل ايه
يقولي يا بني احرق نفسك علشان تتخرج وتقعد علي مصطبة العاطلين؟؟؟؟؟؟؟؟

[ahmedteam]

خلى فى بالك انت و اخوك ان الرزاق هو الله بيرزق الطبيب و المهندس و الجاهل و الموضوع ملوش دعوه بالتعليم

خليه يعمل اللى عليه و يتوكل على الله قال تعالى "وَمَنْ يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْراً"

و قال رسول الله صلى الله عليه و سلم ( لو أنكم توكلتم على الله حق توكله لرزقكم كما يرزق الطير تغدو خماصا وتروح بطانا)

[احمد المصرى]

المشكله مش كليه ايه اطلاقا دى مشكله جيل مش فرد لوحده

[hnh_75]

انت غلطان ايه ال يخليك تدخله هندسة

[ahmedkhairy]

ان شاء الله ربنا يوفقه

[monamize4]

تصدق ان انا كنت فاكر ان خريج هندسة السويس بعد ما بيتخرج على طول
بيبدأ يجمع ف الملايين

لحد ما قابلت واحد صاحبى لسه متخرج و مش لاقى شغل و بالتالى بيشتغل ف محل ابوه
و قعد يحكيلى عن مأساته و ان الحكاية مش زى ما انا فاكر

و ياريت يا جماعة نسيب الدكاترة ف حالهم ,,, دول اغلب من الغلب

[أحمد كمال]

باشا

خليه يدور في شركات البترول العالمية زي بيكر هيوز و هاليبرتون و غيرها

و يقدم على مواقعها جوة و برة مصر


و ربنا يوفقه

[mustafavet]

شكرا عل النصيحة ا / احمد كمال

[mahmoud869]

انا ليا اتنين صحابي خريجي بترول واحد شغال في مكتبة و التاني شغال في محل ملابس و لا كأنهم جايبين في ثانوي 99
حاجة تحزن

[Amr_tika88]

انا خريج اقتصاد وعلوم سياسية ونفس الوضع وحاليا بعمل career shifting
لاني علشان اعمل نفسي في المجال ده محتاج اكون من الاخوة بتوع السبوبه وانا ارفض الكلام ده رفضا قاطعا
علشان كده اخدتها من قاصرها وحولت علي مجال اللوجستيات والنقل
وانا انصح اخوك يفكر في نفس المجال ده ويعمل مثلا دبلومة او اي شهادة في في مجال تاني زي ال project management
لان من الواضح ان حاليا اي بكالوريوس مبقاش ياكل عيش

[abohend]

الهيئة

السلام عليكم مرحمة الله و بركاته
أنا خريج بترول دفعة 2008 و أعمل بإحدى شركات البترول (القطاع المشترك)
من 2011 جميع تعيينات شركات القطاع العام و المشترك تتم من خلال الهيئة المصرية خاصة خريجي كليات الهندسة
مقدرش أقولك إن الموضوع عادل 100% لكنه لحد ما كويس و دور الواسطة قل عن قبل كده
حاليا في مشروع جديد بيتعمل في الصحراء الغربية متوقع تشغيله 10-2014 و تعييناته من داخل القطاع بدأت بالفعل و من خارج القطاع ستبدأ قريبا
خليه يقدم اليومين دول و ميعتمدش أنه قدم قبل كده (الحاجات دي بتسقط بالتقادم)
و ربنا يوفقه بإذن الله

[Mohamed_Hamid]

خالدة طالبة اليومين دول مهندسين ودبلومات
الله يوفق الجميع

[marsguy]

نصيحه خليه يفكر بطريقه إيجابيه

طبعاً لازم يدور في كذا سكه على شغل بس الأهم إن وهو قاعد فاضي لازم يطور نقسه

مش يطور نفسه في الهندسه

لا يطور نفسه في الـ soft skills

يقرأ شويه إزاي يعمل سي في محترمه ومحترفه (مش ينسخ سي في شكلها حلو وخلاص)\
يقرأ إزاي يعمل إنترفيو موفقه
إزاي يتكلم بطريقه كويسه


بتفرق كتير

بالتوفيق

[achillie]

شركه شيل للبترول كل فتره بتطلب مهندسين بس كله اماكن خارج مصر ، ليهم موقع للوظاءف ، ناس محترمه جداً بس اكيد لازم تكون بتعرف تتكلم إنجليزي مفهوم ، مش مهم تتكلم زيهم لان د مستحيل لان غالبيه المشاريع خارج مصر بيكون العمال هنود او بنغال و التعامل. بالإنجليزي كله .

[gade2]

اللهم يسر اليه رزقه