حد يعرف المنطقه دى ؟؟؟؟؟؟؟؟؟

[midoabdeen]

السلام عليكم ورحمه الله وبركاته

انا عايز اشترى شقه وبقالى اكتر من 7 شهور عمال ادور

سمعت عن المنطقه اللى فى زهراء مدينه نصر قدام العياده اللى قبل الموقف على طول

المنطقه دى اسعارها قريبه شويه ودخلتها لقيت العمارات كويسه والشوارع واسعه والمستوى كويس
واحد صاحبى واخد هناك من سنه ونص المتر ب1000 قسط على 36 شهر
بس هو لسه مستلم من 6 شهور تقريبا ياعنى دفع قبل الاستلام


حد يعرف اى حاجه عن المنطقه دى لانى بفكر اخد هناك

[saddam]

صديقي المواطن
منطقة سيئة جدا ومشاكلها كتير وكل عمايرها مش مرخصة وظلمة بالليل وأسوأ حاجة مفيش ركنات ومليانة ناس مقاولين وناس دون المستوى المحيط بالمنطقة وكل يوم بالليل خناقات على قطعة أرض وزعيق وأجارك الله لسه واخد شقة هناك ب 210 ألف وهي 135 متر ومسكن فيها قرايبي وشوارع مش متسفلتة وأصانصيرات ضيقة وأهم مصيبتين الركنات والمستوى المتدني للناس خد في أكتوبر عند دريم أو عند مول العرب أشرف لك وحتى لو بعيد عن شغلك بس خد لنفسك ولعيالك مكان لما يكبروا يدعولك مش يدعوا عليك
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[mohamed_selim]

العمارات من غير ترخيص ... شوارع ضيقه و مش متسفلته ... عمارات عاليه قوى على الشوارع و لو سكنت كلها مش هتعرف تروح ولا تيجى جوه ...

[midoabdeen]

صديقي المواطن
منطقة سيئة جدا ومشاكلها كتير وكل عمايرها مش مرخصة وظلمة بالليل وأسوأ حاجة مفيش ركنات ومليانة ناس مقاولين وناس دون المستوى المحيط بالمنطقة وكل يوم بالليل خناقات على قطعة أرض وزعيق وأجارك الله لسه واخد شقة هناك ب 210 ألف وهي 135 متر ومسكن فيها قرايبي وشوارع مش متسفلتة وأصانصيرات ضيقة وأهم مصيبتين الركنات والمستوى المتدني للناس خد في أكتوبر عند دريم أو عند مول العرب أشرف لك وحتى لو بعيد عن شغلك بس خد لنفسك ولعيالك مكان لما يكبروا يدعولك مش يدعوا عليك
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

عندك حق
وكمان اصلا اكتوبر هتبقى اقرب كتييير لشغلى لانى فى القريه الذكيه
بس حسبتها لاقيت اللى هدفعه فى اكتوبر فى 70م هدفعه فى مكان زى دا فى 130م
بس كده بس طبعا اكيييد المستوى هيفرق وشكرا ليك

[أبو آسر]

العملية نسبة وتناسب
هتدفع مبلغ كويس هتاخد شقة كويسة في منطقة كويسة
عايز تدفع مبلغ صغير في شقة كبيرة يبقى تنسى المنطقة والشوارع والتراخيص وكل الكلام ده
مفيش في سوق العقارات في مصر المعادلة الصعبة اللي هي انك تشتري شقة كبيرة ومكان كويس وبسعر رخيص ! لازم تتنازل عن شيء مقابل شيء
لكن في جميع الأحوال نصيحة مجرب لا أنصحك بمثل هذه الأماكن لأنك هتتعب نفسيا انت وأولادك وأهلك ولو هتاخد بنفس المبلغ شقة أصغر لكن في مكان راقي ومحترم ومرخص هتستريح إن شاء الله
بالتوفيق

[midoabdeen]

شكرا يكوا
طيب كده انا شكلى فعلا هصرف نظر عن الموضوع دا
لو عايز حاجه فى رينج ال100 فى مكان قريب من القريه الذكيه احسن لى زايد ولا الكومباوندز اللى فى طريق الواحات
وال 100 كاش ولو فى قسط يبقى قليل كل شهر لايزيد عن 400-500ج كل شهر ولفتلاه قصيره
تقترحوا ايه فى الاتنين كمستوى اجتماعى

[mohamed_selim]

زايد لطيفه و اقرب من طريق الواحات
بالنسبه للمستوى الاجتماعى مينفعش تفضل واحده عن التانيه بمجرد التوقع بس اكيد احسن كمناطق من المنطقه اللى فى مدينة نصر